ກອງປະຊຸມສຸດຍອດຄະນະກຳມະການແມ່ນ້ຳຂອງຈັດຂຶ້ນຢູ່ນະຄອນໂຮ່ຈີມິງດ້ວຍຜົນສຳເລັດ

   ກອງປະຊຸມສຸດຍອດຄະນະກຳມາທິການແມ່ນ້ຳຂອງສາກົນຄັ້ງທີ II ຈັດຂຶ້ນຢ່າງ ເປັນທາງການໃນຕອນເຊົ້າວັນທີ 5 ເມສານີ້   ທີ່ນະຄອນໂຮ່ຈິມິນ ສສ ຫວຽດນາມ. ຊຶ່ງມີຄະນະຜູ້ແທນຂັ້ນສູງຈາກບັນດາປະເທດສະມາຊິກ ແມ່ນ້ຳຂອງສາກົນ, ປະ ກອບ ດ້ວຍລາຊະອານາຈັກກຳປູເຈຍ, ສປປລາວ, ລາຊະອານາຈັກໄທ ແລະ ສສ ຫວຽດນາມ. ຄະນະຜູ້ແທລາວເຮົານຳໂດຍທ່ານ ທອງສິງ ທຳມະວົງນາຍົກລັດຖະ ມົນຕີ, ໃນຄະນະຍັງມີ ທ່ານທອງລຸນ ສີສຸລິດ ຮອງນາຍົກລັດຖະມົນຕີ ລັດຖະມົນ ຕີວ່າການກະຊວງການຕ່າງປະເທດ, ມີລັດຖະມົນຕີວ່າການ, ຊ່ວຍວ່າການທີ່ກ່ຽວຂ້ອງຈຳນວນໜຶ່ງ, ຝ່າຍຫວຽດນາມນຳໂດຍ ທ່ານ       ຫງວຽນ ເຕິນຢຸງ ນາຍົກລັດຖະ ມົນຕີ, ຝ່ານກຳປູເຈຍນຳໂດຍສົມເດັດຮຸນເຊັນນາຍົກລັດຖະມົນຕີແລຝ່າຍໄທ ແມ່ນຜູ້ຕາງໜ້າຫົວໜ້າລັດຖະບານ. ນອກນັ້ນ ຍັງມີ ຄະນະຜູ້ແທນຈາກບັນດາປະເທດຄູ່ຮ່ວມເຈລະຈາເຊັ່ນ: ສປຈີນ, ສ. ມຽນມາພ້ອມ ດ້ວຍບັນດາຊ່ຽວ ຊານ ແລະ ທູຕານຸທູດຈຳນວນໜຶ່ງເຂົ້າຮ່ວມ.  

       ທ່ານນາຍົກລັດຖະມົນຕີ ລາວໄດ້ກ່າວປາໄສໃນກອງປະ ຊຸມໂດຍໄດ້ຢ້ຳເຖິງຄວາມອຸດົມ ສົມບູນທາງດ້ານລະບົບນິເວດ ແລະ ຊີວະນາໆພັນຂອງອ່າງແມ່ນ້ຳຂອງບວກໃສ່ຄວາມຫຼາກຫຼາຍທາງດ້ານວັດທະນະທຳ, ຮີດຄອງປະເພນີ ແລະ ຊົນເຜົ່າ ອັນ ໄດ້ສ້າງເງື່ອນໄຂສະດວກ ແລະ ນຳເອົາຜົນປະໂຫຍດອັນໃຫຍ່ຫຼວງໃຫ້ການດຳລົງຊີວິດຂອງປະຊາຊົນແລະປະກອບສ່ວນ ເຂົ້າ ໃນການພັດທະນາເສດຖະກິດ-ສັງຄົມຂອງບັນດາປະ ເທດແມ່ນ້ຳຂອງຕອນລຸ່ມໄດ້ເປັນຢ່າງດີ; ສະນັ້ນຄະນະກຳມາທິການແມ່ ນ້ຳຂອງສາກົນຈຶ່ງໄດ້ຊຸກຍູ້ໃຫ້ 4 ປະເທດສະມາຊິກ ຮ່ວມກັນພັດທະນາ, ຄຸ້ມຄອງ ແລະ ປົກປັກຮັກສາອ່າງແມ່ນນ້ຳຂອງໃຫ້ ມີຄວາມຍືນຍົງບົນຈິດໃຈການເຄົາລົບອະທິປະໄຕຂອງກັນ ແລະ ກັນແລະຕ່າງຝ່າຍ ຕ່າງໄດ້ຮັບຜົນປະໂຫຍດ.    

      ສປປ ລາວ ຍາມໃດກໍໄດ້ໃຫ້ຄວາມສຳຄັນ ແລະ ເອົາໃຈໃສ່ ເປັນພິເສດຕໍ່ຫຼັກການພັດທະນາ ແບບຍືນຍົງທັງໄດ້ປະກອບ ສ່ວນຢ່າງຕັ້ງໜ້າໃນການປະຕິບັດພັນທະຂອງຕົນຕໍ່ສົນທິສັນຍາສາກົນດ້ວຍຄວາມຮັບຜິດຊອບລວມທັງການຈັດຕັ້ງປະຕິບັດຖະແຫຼງ ການຫົວຫີນກໍຄືຍຸດທະສາດການພັດທະນາອ່າງແມ່ນ້ຳຂອງປີ 2011-2015 ອັນໄດ້ເປັນການປະກອບສ່ວນເຮັດໃຫ້ເສດ ຖະກິດ ຂອງສປປລາວມີການຂະຫຍາຍຕົວຢ່າງຕໍ່ເນື່ອງ. ລັດຖະບານລາວໄດ້ຢືນຢັນຢ່າງໜັກແໜ້ນໃນການພັດທະນາແບບ ຍືນຍົງ, ການຫຼຸດຜ່ອນການປ່ອຍທາດ ອາຍພິດເຮືອນແກ້ວແລະເຂົ້າ ຮ່ວມໃນການຕ້ານໂລກຮ້ອນ ດ້ວຍການສືບຕໍ່ປົກປັກຮັກ ສາປ່າໄມ້ໃຫ້ກວມເອົາ 70% ຂອງເນື້ອ ທີ່ທົ່ວປະເທດໃນປີ 2020 ພ້ອມ ນັ້ນກໍຍັງໃຫ້ການຢືນຢັນວ່າການຄຸ້ມຄອງ, ການ ນຳ ໃຊ້ ແລະ ການພັດທະນາອ່າງນ້ຳຂອງແບບຍືນຍົງພາຍໃຕ້ຂອບສັນຍາວ່າດ້ວຍການຮ່ວມມືເພື່ອພັດທະນາອ່າງ ແມ່ນ້ຳຂອງຢ່າງ ຍືນຍົງແມ່ນຄວາມຈໍາເປັນພາວະວິໄສເພື່ອບັນລຸວິໄສທັດຂອງອ່າງແມ່ນ້ຳຂອງຄື: “ເສດຖະກິດຮຸ່ງເຮືອງ, ສັງຄົມຍຸຕິທຳ ແລະ ສິ່ງແວດລ້ອມທີ່ດີໃນອ່າງແມ່ນ້ຳຂອງ”. 

   ກ່ອນກອງປະຊຸມສຸດຍອດຄະນະກຳມາທິການແມ່ນ້ຳຂອງ ສາກົນຈະໄຂຂຶ້ນຢ່າງເປັນທາງ ການ, ຫົວໜ້າລັດຖະບານຂອງ 4 ປະເທດສະມາຊິກ ໄດ້ເຂົ້າຮ່ວມ ກອງປະຊຸມວົງແຄບປຶກສາຫາລືບັນຫາຕ່າງໆທີ່ຈະນຳສະເໜີໃນກອງປະຊຸມລວມທັງຂອບ ຂອງການປະຊຸມສຸດຍອດປະມານ 1 ຊົ່ວໂມງ. ໃນກອງປະຊຸມສຸດຍອດຄັ້ງນີ້, ຫົວໜ້າລັດຖະບານປະເທດສະມາຊິກໄດ້ປຶກ ສາຫາລືບັນຫາສຳຄັນຕ່າງໆເຊັ່ນ: ບົດ ບາດໜ້າທີ່ຂອງຄະນະກຳມາທິການແມ່ນ້ຳຂອງສາກົນໃນຍຸກໃໝ່ທີ່ກວມເອົາການສົ່ງ ເສີມການເຕີບໂຕສີຂຽວ ແລະ ການຄຸ້ມຄອງຊັບພະຍາກອນນ້ຳຂ້າມຊາຍແດນ, ກາລະໂອກາດ ແລະ ສິ່ງ ທ້າທາຍຂອງອ່າງ ແມ່ນ້ຳຂອງໃນການຮ່ວມມືໃນພາກພື້ນເພື່ອຊຸກຍູ້, ສົ່ງເສີມການນຳໃຊ້ ແລະ ການພັດທະນາອ່າງແມ່ນ້ຳຂອງໃຫ້ມີຄວາມ ຍືນຍົງໃນສະພາບຂອງຄວາມຕ້ອງການນຳໃຊ້ຊັບພະຍາກອນທຳມະຊາດຢ່າງທະວີຄູນໃນການພັດທະນາ ແລະ ສະ ພາບປ່ຽນ ແປງດິນຟ້າອາກາດ. ກອງປະຊຸມຍັງຕີລາຄາຄືນການຈັດຕັ້ງປະຕິບັດຖະແຫຼງການຫົວຫີນ ແລະ ການຢັ້ງຢືນຄຳໝັ້ນສັນຍາ ຂອງບັນດາຫົວໜ້າລັດຖະ ບານ 4 ປະ ເທດສະມາຊິກແມ່ ນ້ຳຂອງສາກົນ ເພື່ອເພີ່ມທະວີ ການຮ່ວມມືໃນການພັດທະນາ ອ່າງແມ່ນ້ຳຂອງໃຫ້ມີຄວາມຍືນຍົງ ແລະ ປຶກສາຫາລືແຜນຍຸດ ທະສາດໃນຊຸມປີຕໍ່ໜ້າໂດຍສະ ເພາະຂົງເຂດບູລິມະສິດທາງ ເລືອກທີ່ດີທີ່ສຸດເພື່ອຊຸກຍູ້ໃຫ້ບັນດາປະເທດສະມາຊິກເປັນເຈົ້າກຳມະສິດຕົນເອງໃນຊຸມປີຕໍ່ໜ້າຢ່າງມີປະສິດທິພາບ ແລະ ສ້າງການຮ່ວມມືລະດັບພາກພື້ນໃຫ້ມີຄວາມເຂັ້ມແຂງໃນການພັດທະນາອ່າງແມ່ນ້ຳຂອງແບບຍືນຍົງ ເປັນຕົ້ນໂຄງການກໍ່ສ້າງ ເຂື່ອນໄຟຟ້າ, ການນຳໃຊ້ນ້ຳເພື່ອເຮັດຊົນລະປະທານ, ການເດີນເຮືອ ແລະ ການຮັກສາສິ່ງທີ່ມີຊີວິດໃນນ້ຳ ແລະ ອື່ນໆ.

        ກອງປະຊຸມຄັ້ງນີ້ ບັນດາຜູ້ນຳປະເທດສະມາຊິກອົງການແມ່ນ້ຳຂອງໄດ້ເປັນເອກະສັນຮັບ ຮອງເອົາຖະແຫຼງການນະ ຄອນໂຮ່ຈິມິງວ່າດ້ວຍນ້ຳ, ພະລັງງານ ແລະ ຄວາມໝັ້ນຄົງດ້ານສະບຽງອາຫານຈາກການປ່ຽນແປງດິນຟ້າອາກາດໃນເຂດອ່າງ ແມ່ນ້ຳຂອງ. ແລະ ເຫັນດີໃຫ້ລາຊະອານາຈັດກຳປູເຈຍເປັນເຈົ້າພາບຈັດກອງປະຊຸມສຸດຍອດຄັ້ງທີ III ທີ່ພະນົມເປັນໃນລະ ຫວ່າງເດືອນເມສາ  2018.  

         ໃນລະຫວ່າງການດຳເນີນກອງປະຊຸມສຸດຍອດຄະນະກຳມາທິການແມ່ນ້ຳຂອງສາກົນຄັ້ງນີ້ຍັງມີກອງປະຊຸມສາກົນ ກ່ຽວກັບການຮ່ວມມືດ້ານນ້ຳ, ພະລັງງານ ແລະ ຄວາມໝັ້ນຄົງດ້ານສະບຽງອາຫານຜ່ານຊາຍແດນ ໂດຍມີຊ່ຽວຊານກ່ຽວ ກັບນ້ຳໃນພາກພື້ນ ແລະ ສາກົນ, ຄະນະຜູ້ແທນຈາກປະເທດສະມາຊິກອົງການແມ່ນ້ຳຂອງ, ຈາກ ສປຈີນ ແລະ ສ. ມຽນມາ ແລະ ຄູ່ຮ່ວມພັດທະນາອື່ນໆ. ເຂົ້າຮ່ວມປະມານ 400 ທ່ານເພື່ອແລກປ່ຽນຄວາມເຫັນດ້ານວິາການອັນເປັນປະໂຫຍດໃຫ້ແກ່ ການພັດທະນາແມ່ນ້ຳຂອງໃຫ້ຍືນຍົງ.

  ໃນໂອກາດເດີນທາງໄປເຂົ້າຮ່ວມກອງປະຊຸມ, ທ່ານນາຍົກ ລັດຖະມົນທອງສິງທຳມະວົງຍັງໄດ້ພົບປະສອງຝ່າຍກັບທ່ານ ຫງວຽນເຕິນຢຸງ ນາຍົກລັດຖະມົນຕີ ສສ ຫວຽດນາມ, ນາຍົກ ລັດຖະມົນຕີທັງສອງຕ່າງກໍສະແດງຄວາມເພິ່ງພໍໃຈຕໍ່ສາຍພົວ ພັນພິເສດ ແລະ ການຮ່ວມມືຮອບດ້ານລະຫວ່າງສອງປະເທດທີ່ນັບມື້ໄດ້ຮັບການເພີ່ມພູນຄູນສ້າງ ແລະ ງອກງາມຍິ່ງໆຂຶ້ນ. ຜູ້ ນຳທັງສອງເຊື່ອວ່າຜົນສຳເລັດຂອງກອງປະຊຸມສຸດຍອດຄະນະກຳມາທິການແມ່ນ້ຳຂອງສາກົນຄັ້ງນີ້ຈະເປັນພື້ນຖານອັນໜັກ ແໜ້ນ ແລະ ອຳນວຍຄວາມສະດວກໃຫ້ປະເທດສະມາຊິກໄດ້ຮ່ວມກັນພັດທະນາ ແລະ ນຳໃຊ້ອ່າງແມ່ນ້ຳຂອງຮ່ວມກັນໃຫ້ ຍືນຍົງຕະຫຼອດໄປ.