ສະພາບອາກາດທົ່ວທຸກພາກຂອງປະເທດຍັງຈະສືບຕໍ່ຮ້ອນອົບເອົ້າ

      ກົມອຸຕຸນິຍົມ ແລະ ອຸທົກ ກະສາດໄດ້ຄາດຄະເນວ່າ: ທ່າ ອ່ຽງສະພາບອາກາດ ທົ່ວໄປແຕ່ ນີ້ຮອດວັນທີ 6 ມີຖຸນາ ບໍລິ ເວນຄວາມກົດດັນຕ່ຳຂອງອາກາດ ຮ້ອນຍັງ ມີກຳລັງອ່ອນຫາປານ ກາງສືບຕໍ່ປົກຄຸມຢູ່ທົ່ວທຸກພາກ ຂອງປະເທດລາວ, ສົມທົບ ກັບກະແສລົມຕາເວັນຕົກສ່ຽງໃຕ້ພັດປົກຄຸມ, ຊຶ່ງລັກສະນະເຊັ່ນນີ້ຈະ ເຮັດໃຫ້ອາ ກາດຮ້ອນ ແລະ ຈະມີ ຝົນຕົກຟ້າຄະນອງ ກະຈາຍໃນລະດັບຄ່ອຍເກືອບທົ່ວໄປ ແລະ ຕົກ ປານກາງພ້ອມມີລົມພັດແຮງຢູ່ ຕາມບາງທ້ອງຖິ່ນໃນແຕ່ລະພາກ. ຈາກນັ້ນໃນກາງຫາທ້າຍອາ ທິດວັນທີ 7-10 ມີຖຸນານີ້, ບໍລິເວນຄວາມກົດດັນຕ່ຳ ຂອງອາກາດຮ້ອນຈະອ່ອນກຳລັງລົງ, ຊຶ່ງ ຈະເຮັດໃຫ້ອຸນຫະພູມອາກາດຫລຸດລົງເລັກນ້ອຍ ແລະ ຈະມີ ຝົນຕົກຟ້າຄະນອງ ຫລາຍຂຶ້ນຢູ່ ແຂວງພາກກາງຫາພາກ ເໜືອ, ນັບທັງນະຄອນຫລວງວຽງຈັນ.

      ສະພາບອຸນຫະພູມ ແລະ ຝົນນັບແຕ່ນີ້ຫາວັນທີ 10 ມີຖຸນາ 2014 ມີຄື: ສະພາບອຸນຫະພູມ ໃນໄລຍະຕົ້ນ ຫາກາງອາ ທິດ, ແຕ່ນີ້ຫາວັນທີ 6 ມີຖຸນາ ສະພາບ ອາກາດຍັງຈະຮ້ອນຫາຮ້ອນອົບເອົ້າຢູ່ຕື່ມອີກໃນຕອນກາງເວັນ, ຈາກນັ້ນກາງຫາທ້າຍ

ອາທິດນັບ ແຕ່ວັນທີ 7-10 ມີຖຸນາ ອຸນຫະພູມ ອາກາດຈະເຢັນລົງເລັກນ້ອຍ, ຍ້ອນບໍລິເວນຄວາມກົດດັນຕ່ຳ ຂອງອາກາດ ຮ້ອນຈະອ່ອນກຳ ລັງລົງປົກຄຸມຢູ່ທົ່ວທຸກພາກຂອງປະເທດລາວ; ສະພາບຝົນໃນຕົ້ນ ອາທິດ, ແຕ່ນີ້ຫາວັນທີ 6 ມີຖຸນາ ຈະ ມີຝົນຕົກຟ້າຄະນອງໃນລະ ດັບຄ່ອຍຫາປານກາງ, ພ້ອມມີ ລົມພັດແຮງເປັນບາງໂອກາດຢູ່ ບາງທ້ອງຖິ່ນໃນແຕ່ລະພາກ, ນັບ ທັງນະຄອນຫລວງວຽງຈັນ. ຈາກນັ້ນກາງຫາທ້າຍອາທິດຈະມີຝົນຕົກຫລາຍຂຶ້ນຢູ່ແຂວງ ພາກກາງຫາພາກເໜືອໃນລະ ຫວ່າງ ວັນທີ 9-10 ມີຖຸນາ ໂດຍ ສະເພາະແຂວງວຽງຈັນ, ນະ ຄອນຫລວງວຽງຈັນ, ຫລວງພະ ບາງ, ຊຽງຂວາງ, ອຸດົມໄຊ, ຫລວງ ນ້ຳທາ ແລະ ຜົ້ງສາລີ ຈະ ມີຝົນຕົກໃນລະດັບປານກາງຫາ ຕົກໜັກພ້ອມມີລົມພັດແຮງເປັນ ບາງໂອກາດ.