ໄດ້ຮັບຫຍັງຈາກກອງທຶນຄວບຄຸມຢາສູບ

   ກະຊວງສາທາລະນະສຸກ ໃຫ້ຮູ້ວ່າ: ໄລຍະຜ່ານມາປະເທດ ເຮົາໄດ້ຮັບການຊ່ວຍ ເຫຼືອຈາກ ສາກົນ, ໂດຍສະເພາະແມ່ນດ້ານ ວິຊາການ ແລະ ງົບປະມານ, ເພື່ອຈັດ ຕັ້ງວຽກງານຄວບຄຸມ ອັດຕາການສູບຢາໃນປະເທດເຮົາ, ແຕ່ກໍຍັງບໍ່ພຽງພໍກັບ ຄວາມ ຮຽກຮ້ອງຕ້ອງການຂອງວຽກງານ ແລະ ການຊ່ວຍເຫຼືອ ດັ່ງກ່າວກໍນັບມື້ຫຼຸດ ໜ້ອຍຖອຍ ລົງ ແລະ ມາຮອດເດືອນພຶດສະ ພາ ປີ 2013 ລັດຖະບານໄດ້ ສ້າງຕັ້ງ ກອງທຶນຄອບຄຸມຢາສູບຂຶ້ນເພື່ອຫຼຸດຜ່ອນອັດຕາການສູບຢາ ແລະ ປົກປ້ອງຄົນຮຸ້ນ ໃໝ່ບໍ່ ໃຫ້ລິເລີ່ມສູບຢາ,  ແລະ ເຮັດໃຫ້ ການເຈັບປ່ວຍທີ່ມາຈາກຢາສູບ ແລະ ລາຍຈ່າຍໃນການປິ່ນປົວ ພະຍາດເຫຼົ່ານີ້ຫຼຸດ ລົງເທື່ອ ລະກ້າວ ແລະ ເພື່ອມີງົບປະມານ ຢ່າງພຽງພໍ, ຍືນຍົງໃນການສະ ໜັບສະໜູນກິດຈະກຳເຄື່ອນໄຫວວຽກງານ ຄວບ ຄຸມຢາສູບ, ລວມ ເຖິງການປ້ອງກັນ ແລະ ສົ່ງເສີມ ສຸຂະພາບ, ພ້ອມນັ້ນກໍເພື່ອປຸກ ລະດົມໂຄສະນາສຸຂະສຸສຶກກສາ ແລະ

ໃຫ້ຄວາມຮູ້ ກ່ຽວກັບຢາສູບໃຫ້ປະຊາຊົນຢ່າງທົ່ວເຖິງ ແລະ ພາຍຫຼັງທີ່ສ້າງຕັ້ງກອງ ທຶນນີ້ແລ້ວເຫັນວ່າ: ລັດຖະບານ ໄດ້ຮັບ ຜົນປະໂຫຍດ ຫຼາຍດ້ານ ຈາກການມີກອງທືນຄວບຄຸມ ຢາສູບ, ຊຶ່ງບໍ່ສະເພາະແຕ່ງົບປະມານພຽງພໍ ແລະ ຍືນຍົງ, ເພື່ອປ້ອງ ກັນ ແລະ ສົ່ງ ເສີມສຸຂະພາບເທົ່ານັ້ນ, ແຕ່ຍັງເຮັດໃຫ້ລາ ຄາຂາຍຍ່ອຍຢາສູບແພງຂຶ້ນ, ຊຶ່ງຈະຊ່ວຍສະກັດກັ້ນ ຄົນສູບຢາ ໜ້ອຍລົງ ແລະ ຈະ ເປັນການ ປ້ອງກັນບໍ່ໃຫ້ເດັກລິເລີ່ມສູບຢາ ແລະ ຄົນທີ່ມີລາຍຮັບໜ້ອຍກໍ ສູບຢາໜ້ອຍລົງ, ເພື່ອໃຫ້ການ ເປັນພະຍາດຊ້ຳເຮື້ອ ຫຼຸດລົງ, ຄ່າ ໃຊ້ຈາຍໃນການປິ່ນປົວພະຍາດຫຼຸດລົງ ແລະ ຄົນລາວກໍມີສຸຂະ ພາບແຂງແຮງ ແລະ ອາຍຸຍືນຍາວຂຶ້ນ.