ໂຄງການ SCG Sharing the Dream 2015 ເປັນໂຄງການຕໍ່ເນື່ອງໃນການຊ່ວຍເຫຼືອນ້ອງນັກຮຽນທີ່ມີຄວາມກະຕັນຍູ
ແລະ ຕັ້ງໃຈຮ່ຳຮຽນແຕ່ຄອບຄົວທຸກຍາກຂາດເຂີນ, ບໍ່ມີທຶນຮອນເພື່ອສຶກສາຮ່ຳຮຽນ
ແລະ ປີນີ້ກໍເປັນປີທີ 4 ຂອງໂຄງການ “ແບ່ງປັນຄວາມຝັນກັບ SCG” (SCG
Sharing the Dream)
ເຊິ່ງໄດ້ຮັບການຮ່ວມມືຈາກ ພະແນກສຶກສາທິການ ແລະ
ກິລາ ນະຄອນຫຼວງວຽງຈັນ, ແຂວງຄຳມ່ວນ ແລະ ສະມາຄົມຮ່ວມນ້ຳໃຈເດັກນ້ອຍລາວ (ALC) ແລະ ໃນຜ່ານມາ, ໂຄງການດັ່ງກ່າວໄດ້ມອບທຶນຊ່ວຍເຫຼືອທາງດ້ານການສຶກສາໃຫ້ກັບນ້ອງນັກຮຽນທີ່ໄດ້ຮັບການຄັດເລືອກຈາກຄະນະກຳມະການ
ຄືສຳລັບຊັ້ນ ມ.5-ມ.7 ຢູ່ນະຄອນຫຼວງວຽງຈັນມີຈຳນວນ 150 ທຶນ ແລະ ແຂວງຄຳມ່ວນອີກຈຳນວນ 80 ທຶນ ລວມທັງໝົດ 230 ທຶນ ແລະ ສຳລັບສົກຮຽນ 2015-2016 ນີ້ ຈະເພີ່ມຈາກປີຜ່ານມາ 30 ທຶນ ໂດຍຈະໄດ້ຈັດມອບໃນຕົ້ນເດືອນທັນວານີ້.
ໃນວັນທີ 2 ພະຈິກນີ້, ທາງຄະນະກຳມະການດັ່ງກ່າວ
ໄດ້ລົງຢ້ຽມຢາມນ້ອງນັກຮຽນທີ່ໄດ້ຮັບການຄັດເລືອກຂອງໂຄງການ ແບ່ງປັນຄວາມຝັນກັບ
SCG
ຢູ່ ມສ ນາຊາຍທອງ ນະຄອນຫຼວງວຽງຈັນ ເຊິ່ງມີນັກຮຽນໄດ້ຮັບການຄັດເລືອກຈຳນວນ 2 ທຶນ ຄືນາງ ແສງຈັນ ໄຊຍະທຳມະວົງ ອາຍຸ 16 ປີຮຽນຊັ້ນ ມ.6/3, ຜູ້ທີ 2 ແມ່ນທ້າວ ຫລອດ ໄຊຍະວົງ ອາຍຸ 18 ປີຮຽນຢູ່ຊັ້ນ
ມ.6/3 ແລະ ທັງສອງມີຄວາມຝັນວ່າ: ເມື່ອຮຽນຈົບມັດທະຍົມແລ້ວຢາກໄປຮຽນຕໍ່ຄະນະເສດຖະສາດ
ຫຼື ເປັນຕຳຫຼວດກໍດີ ເພື່ອຈະໄດ້ຊ່ວຍເຫຼືອປະຊາຊົນ
ແລະ ປາບປາມຄົນບໍ່ດີໃນສັງຄົມ ແລະ
ເມື່ອໄດ້ຮັບທຶນຈາກໂຄງການນີ້ແລ້ວ ນ້ອງຈະນຳເງິນທີ່ໄດ້ມາແບ່ງໄວ້ຊື້ອຸປະກອນການຮຽນ ແລະ ເຄື່ອງນຸ່ງ, ອີກສ່ວນໜື່ງແມ່ນຈະມອບໃຫ້ແມ່ເພື່ອຊື້ເຂົ້າກິນ ແລະ ຈ່າຍຄ່າຕ່າງໆໃນບ້ານ ແລະ ຂໍຂອບໃຈມາຍັງບໍລິສັດ SCG ທີ່ມີໂຄງການດີໆແບບນີ້
ເພື່ອເປັນແຮງພັກດັນໃຫ້ນ້ອງ ແລະ ໝູ່ເພື່ອນອີກຫຼາຍໆຄົນທີ່ດ້ອຍໂອກາດ
ແລະ ທຸກຍາກມີໂອກາດໄດ້ຮ່ຳຮຽນຕໍ່ ແລະ ເປັນກຳລັງໃຈ ເພື່ອສູ້ຊີວິດຕໍ່ໄປ.
No comments:
Post a Comment