ກອງປະຊຸມຄະນະວິຊາການປະສົມປັກຫຼັກໝາຍຊາຍແດນ
ລາວ-ຫວຽດນາມ ຄັ້ງທີ XIV ໄດ້ຈັດຂຶ້ນ ແຕ່ວັນທີ 23-28 ເມສານີ້ທີ່ນະຄອນຫລວງວຽງຈັນ, ຄະນະວິຊາການປັກຫລັກໝາຍຊາຍແດນຝ່າຍລາວນຳ
ໂດຍສະຫາຍ ພູເຂົາ ພົມ ມະວົງສາ, ຫົວໜ້າຫ້ອງການຄະນະກຳມະການຊາຍແດນແຫ່ງຊາດ, ກະຊວງການຕ່າງປະເທດ
ແລະ ຄະນະວິຊາການປັກ ຫລັກໝາຍຊາຍແດນຝ່າຍຫວຽດນາມນຳໂດຍ ສະຫາຍ ຫງວ້ຽນ ແອງ ຢຸ້ງ, ຮອງປະທານຄະນະກຳມະການຊາຍແດນແຫ່ງ
ຊາດ-ກະຊວງການຕ່າງປະເທດ.
ກອງປະຊຸມໄດ້ຕີລາຄາຄືນຜົນຂອງການປະຕິບັດໂຄງການປັກຫຼັກໝາຍຖີ່
ແລະ ບູລະນະລະບົບຫລັກໝາຍຊາຍແດນປະ ເທດລາວ-ຫວຽດນາມ ພາຍຫຼັງພິທີສະຫຼຸບຜົນຂອງການປະຕິບັດວຽກງານປັກຫຼັກໝາຍຖີ່ຢູ່ພູມິປະເທດຕົວຈິງໃນວັນທີ
19 ສິງຫາ 2013 ມາເຖິງວັນທີ 20 ເມສາ 2014, ຊຶ່ງທັງສອງຝ່າຍໄດ້ສະຫຼຸບວຽກງານທີ່ໄດ້ຈັດຕັ້ງປະຕິບັດຮ່ວມກັນໃນໄລຍະ
ຜ່ານມາ ໂດຍສະເພາະແມ່ນວຽກງານທີ່ເກີດຂຶ້ນໃໜ່ພາຍຫຼັງສຳເລັດໂຄງການປັກຫຼັກໝາຍຖີ່ ແລະ ບູລະນະລະບົບຫຼັກໝາຍຢູ່
ພູມິປະເທດຕົວຈິງເຊັ່ນ: ສອງຝ່າຍໄດ້ວາງເປົ້າໝາຍຈະປັກຫຼັກທິດເນັ່ງເສັ້ນຊາຍແດນຕະຫຼອດເສັ້ນຊາຍແດນລາວ-ຫວຽດ
ນາມ
ເພີ່ມຕື່ມຈຳນວນ 169 ຫຼັກ. ປັດຈຸບັນສາມາດກຳນົດຈຸດທີ່ຕັ້ງຈຳນວນ 113 ຈຸດ ແລະ ກໍ່ສ້າງສຳເລັດແລ້ວຈຳນວນ 94 ຫຼັກທິດເນັ່ງ ເທົ່າກັບ (55,6%); ໄດ້ກວດກາແຜນທີ່ມາດຕາສ່ວນ
1/10. 000 ຂອງ 16 ຄູ່ດ່ານ ແລະ ສອງບໍ ລິເວນ; ໄດ້ກວດກາ ກິດຈະການກໍ່ສ້າງທາງລາດຕະເວນທີ່ຢູ່ໃກ້ເສັ້ນຊາຍແດນ
(ຂອບເຂດ 100 ແມັດ) ແລະ ການສ້າງເສັ້ນທາງ ເຕັງເສັ້ນຊາຍແດນໂດຍໄດ້ປຶກສາຫາລືເຖິງວິທີການອັນຈຳເປັນໃນການປົກປັກຮັກສາຄວາມຄົງຖີ່ຂອງເສັ້ນຊາຍແດນ;
ສອງຝ່າຍໄດ້ເອກະພາບກັນກ່ຽວກັບບາງທິດທາງແຜນການຮ່ວມກັນໃນຕໍ່ໜ້າຄື: ສືບຕໍ່ແກ້ໄຂວຽກທີ່ຄ້າງຄາຮ່ວມກັນຈຳນວນໜຶ່ງ,
ຮ່ວມກັນກວດກາພູ ມິປະເທດບາງຈຸດທີ່ມີຄວາມຈຳເປັນ, ສຶກສາສັນຍາວ່າດ້ວຍລະບຽບການຄຸ້ມຄອງຊາຍແດນ
ແລະ ການກະ ກຽມຈັດພິທີເປີດ ແລະ ຍົກລະດັບດ່ານລາໄລ (ສາລະວັນ) - ລາໄລ (ກວາງຈິ) ໃຫ້ເປັນດ່ານສາກົນ ໃນເດືອນມິຖຸນາ 2014.
ກອງປະຊຸມໄດ້ດຳເນີນໄປດ້ວຍບັນຍາກາດອັນສ້າງສັນຖານສະຫາຍອ້າຍນ້ອງ
ແລະ ໄດ້ຮັບໜາກຜົນອັນໜ້າເພິ່ງພໍໃຈເຊິ່ງ ສະທ້ອນໃຫ້ເຫັນເຖິງສາຍພົວພັນພິເສດ ແລະ ການຮ່ວມມືຮອບດ້ານລະຫວ່າງສອງປະເທດລາວ-ຫວຽດນາມ.
No comments:
Post a Comment