ວັນທີ 28 ເມສານີ້, ຢູ່ຫ້ອງວ່າການລັດຖະບານ,
ທ່ານ ທອງສິງ ທຳມະວົງ ນາ ຍົກລັດຖະມົນຕີ ແຫ່ງ ສປປ ລາວ ໄດ້ໃຫ້ກຽດຕ້ອນຮັບການເຂົ້າຢ້ຽມຂ່ຳນັບຂອງທ່ານ
ໂຕຊິມິດຊຶ ໂມເຕກິ (H.E Mr. Toshimitsu MOTE GI) ລັດຖະມົນຕີວ່າການກະຊວງເສດຖະກິດ,
ການຄ້າ ແລະ ອຸດສະຫະກຳ ແຫ່ງປະເທດຍີ່ປຸ່ນ ພ້ອມດ້ວຍຄະນະ, ໃນໂອກາດເດີນທາງມາຢ້ຽມຢາມ
ແລະ ເຮັດວຽກຢູ່ ສປປ ລາວ ແຕ່ວັນທີ 27-28 ເມສານີ້.
ທ່ານນາຍົກລັດຖະມົນຕີ ທອງສິງ ທຳມະວົງ ໄດ້ສະແດງ
ຄວາມຍິນດີຕ້ອນຮັບຊົມເຊີຍຕໍ່ຄະນະຜູ້ແທນ ແລະ ຕີລາຄາ ສູງຕໍ່ ທ່ານ ໂຕຊິມິດຊຶ ໂມເຕກິ
ທີ່ໄດ້ນຳ ພາຄະນະເດີນທາງມາຢ້ຽມຢາມ ແລະ ເຮັດວຽກຢູ່ລາວໃນຄັ້ງນີ້ ຊຶ່ງເປັນການປະ ກອບສ່ວນສຳຄັນເຂົ້າໃນການເພີ່ມທະວີການ
ພົວພັນຮ່ວມມືລະຫວ່າງ 2 ປະເທດລາວ ແລະ ຍີ່ປຸ່ນ ໃຫ້ນັບມື້ໄດ້ຮັບການ ເສີມຂະຫຍາຍຂຶ້ນໄປເລື້ອຍໆ.
ໃນໂອກາດດັ່ງກ່າວ, ທ່ານ ໂຕຊິມິດຊຶ ໂມເຕກິກໍໄດ້ຕາງໜ້າ
ຄະນະດັ່ງກ່າວສະແດງຄວາມຂອບໃຈຕໍ່ການຕ້ອນຮັບອັນ ອົບອຸ່ນຂອງທ່ານນາຍົກລັດຖະມົນຕີ ພ້ອມທັງແຈ້ງໃຫ້ຊາບເຖິງຈຸດປະສົງຂອງການເດີນທາງມາຢ້ຽມຢາມລາວໃນຄັ້ງນີ້
ເພື່ອມາເຂົ້າຮ່ວມພິທີເປີດຫ້ອງການສົ່ງເສີມການຄ້າຂອງອົງການ JETRO ແຫ່ງປະເທດຍີ່ປຸ່ນປະຈຳລາວ
ຊຶ່ງອົງການດັ່ງກ່າວຖືກສ້າງຕັ້ງຂຶ້ນໃນປີ 1951. ປັດຈຸບັນມີສຳ ນັກງານທັງໝົດ
73 ແຫ່ງທີ່ຕັ້ງຢູ່ 55 ປະເທດໃນທົ່ວໂລກ.
ຂ່າວຍັງໃຫ້ຮູ້ຕື່ມວ່າ:ໃນໂອ ກາດທີ່ເດີນທາງມາຢ້ຽມຢາມ
ລາວຂອງ ທ່ານ ໂຕຊິມິດຊຶ ໂມເຕກິ ໄດ້ພົບປະກັບບັນດາລັດຖະມົນຕີຂອງລາວຫລາຍທ່ານຄື:
ເວລາ 10:00 ໂມງພົບປະກັບ ທ່ານ ສົມດີ ດວງດີ ລັດຖະມົນຕີວ່າການກະຊວງແຜນ ການ ແລະ
ການລົງທຶນ ຢູ່ໂຮງແຮມລາວພລາຊາ, 11:30 ໂມງພົບປະທ່ານ ນາງ ເຂັມມະນີ ພົນເສນາ ລັດຖະ
ມົນຕີວ່າການກະຊວງອຸດສາຫະກຳ ແລະ ການຄ້າ ແລະ ຕອນບ່າຍຂອງວັນດຽວກັນກໍໄດ້ພົບປະກັບ
ທ່ານ ສຸລີວົງ ດາລາວົງ ລັດຖະມົນຕີວ່າການກະຊວງພະລັງງານ ແລະ ບໍ່ແຮ່ທີ່ໂຮງແຮມລາວພລາຊາເຊັ່ນດຽວກັນ.
No comments:
Post a Comment