ສະພາການຄ້າ ແລະ ອຸດສາຫະກຳແຫ່ງຊາດລາວ ໄດ້ສະເໜີຕໍ່ລັດຖະບານໃຫ້ນຳເອົານິຕິກຳບາງອັນທີ່ບໍ່ສອດຄ່ອງກັບການສົ່ງເສີມພາກທຸລະກິດມາປັບປຸງແກ້ໄຂ
ເພື່ອໃຫ້ຫລຸດຜ່ອນຂອດຂັ້ນສິ່ງກີດຂວາງການດຳເນີນທຸລະກິດ ແລະ ສົ່ງເສີມທຸລະກິດພາກເອກະຊົນ.
ການສະເໜີດັ່ງກ່າວໄດ້ຖືກຍົກຂຶ້ນຢູ່ກອງປະຊຸມພົບປະລະ
ຫວ່າງນາຍົກລັດຖະມົນຕີກັບສະພາການຄ້າ ແລະ ອຸດສາຫະ ກຳແຫ່ງຊາດ ໃນວັນທີ 21 ເມສານີ້
ຢູ່ນະຄອນຫລວງວຽງຈັນ ໂດຍທ່ານປະທານສະພາການຄ້າ ແລະ ອຸດສາຫະກຳແຫ່ງຊາດ ລາວ ກ່າວວ່າ:
ເພື່ອເປັນການສ້າງຄວາມເຂັ້ມແຂງໃຫ້ພາກທຸລະກິດລາວ ທັງເປັນການກຽມ ພ້ອມເຊື່ອມໂຍງກັບສາກົນໄປເທື່ອລະກ້າວນັ້ນ
ສະເໜີໃຫ້ພາກລັດ ແລະ ກະຊວງກ່ຽວຂ້ອງເອົາໃຈໃສ່ໃນການຈັດຕັ້ງປະຕິບັດກົດໝາຍວ່າດ້ວຍການສ້າງກົດ
ໝາຍ ເລກທີ 19/ສພຊ, ລົງວັນທີ 12 ກໍລະກົດ 2012 ໃຫ້ມີປະສິດທິຜົນສູງຂຶ້ນກວ່າເກົ່າ
ໂດຍສະເພາະແມ່ນຂັ້ນຕອນໃນການຄົ້ນ ແລະ ປັບປຸງບັນດານິຕິກຳທີ່ພົວ ພັນເຖິງການດຳເນີນທຸລະກິດ
ຄືກະຊວງແຮງງານ ແລະ ສະ ຫວັດດີການສັງຄົມ ຄົ້ນຄວ້າພິຈາລະນາຮ່າງກົດໝາຍວ່າດ້ວຍແຮງງານສະບັບປັບປຸງທີ່ສະເໜີຜ່ານກອງປະຊຸມສະພາແຫ່ງຊາດໄລຍະຜ່ານມາ
ແລະ ພິຈາລະນາບັນດາຂໍ້ສະເໜີຂອງຫົວ ໜ່ວຍທຸລະກິດຕໍ່ຮ່າງກົດໝາຍ ເພາະເປັນຜົນກະທົບຕໍ່ການຂະ
ຫຍາຍ ແລະ ປັບປຸງທຸລະກິດຂອງນັກລົງທຶນທັງພາຍໃນ ແລະ ຕ່າງປະເທດ. ຂະນະດຽວກັນກະ
ຊວງກ່ຽວຂ້ອງ ແລະ ຂະແໜງການທຸລະກິດຕ້ອງເຮັດວຽກຮ່ວມກັນຢ່າງໃກ້ຊິດ ເພື່ອຊອກຫາວິທີທາງແກ້ໄຂໃຫ້
ສປປ ລາວ ກາຍເປັນປະເທດຖືກຈັດອັນດັບທີ່ມີສະພາບແວດລ້ອມທີ່ດີໃນການລົງທຶນເຊັ່ນ:
ອາດວາງເປົ້າໝາຍໃຫ້ປະເທດເຮົາສາ ມາດຫລຸດອັນດັບຈາກ 159 ມາເປັນອັນດັບທີ
100 ໃນປີ 2015 ແລະ ອັນດັບທີ 50 ໃນປີ 2020 ເພື່ອດຶງດູດເອົາການລົງທຶນຈາກຕ່າງປະເທດໃຫ້ນັບມື້ນັບຫລາຍຂຶ້ນ.
ຈັດຕັ້ງກຸ່ມວິເຄາະວິໄຈຂະແໜງການເສດຖະກິດທີ່ເປັນບູລິມະສິດ, ມີທ່າແຮງ
ແລະ ສ້າງນະໂຍບາຍສົ່ງເສີມສະເພາະຂະແໜງດັ່ງກ່າວ
ເຊັ່ນ: ໂຄງການພັດທະນາພື້ນຖານໂຄງລ່າງທີ່ຕິດພັນເຖິງການລຶບລ້າງຄວາມ
ທຸກຍາກ ໂດຍຖືເອົາທິດທາງຂອງພັກ 4 ບຸກທະລຸ ແລະ 3 ສ້າງໃຫ້ປາກົດຜົນເປັນຈິງ;
ຈັດຕັ້ງປະ ຕິບັດນະໂຍບາຍການຫັນປະເທດຈາກປະເທດທີ່ບໍ່ມີທາງອອກສູ່ທະເລ
(Land Lock) ມາເປັນປະເທດເຊື່ອມຕໍ່ (Land Link) ແມ່ນມີຄວາມສຳຄັນທີ່ສຸດ ເນື່ອງຈາກວ່າການຜະລິດຂອງລາວຕິດພັນກັບການຜະລິດພາກພື້ນຫລາຍຂຶ້ນ.
ນະໂຍບາຍເປັນປະເທດເຊື່ອມຕໍ່ຖືເປັນການເຊື່ອມຕໍ່ລະ ຫວ່າງອຸດສາຫະກຳຂອງລາວກັບອຸດສາຫະກຳພາກພື້ນຈະເຮັດໃຫ້ການລົງທຶນເຂົ້າມາປະເທດລາວຫລາຍຂຶ້ນ.
ສະນັ້ນ ການປັບປຸງການຂົນສົ່ງ, ລະບົບສາງ, ການຂົນສົ່ງຜ່ານແດນໃຫ້ໄວ ແລະ ດີຂຶ້ນ
ຈຶ່ງມີຄວາມຈຳເປັນ. ພ້ອມກັນນັ້ນ ກໍສ້າງໂຄງການປັບປຸງທຸລະກິດຂົນສົ່ງພາຍໃນປະເທດ
ແລະ ຂົນສົ່ງຜ່ານແດນໃຫ້ມີຄຸນນະພາບທຽບເທົ່າກັບປະເທດອ້ອມຂ້າງ ແລະ ສາ ມາດຮັບໃຊ້ຂະແໜງການອຸດສາ
ຫະ ກຳ, ພ້ອມທັງຍົກເລີກສິ່ງກີດ ຂວາງ ແລະ ສະກັດກັ້ນຕ່າງໆທີ່ບໍ່ຈຳເປັນອອກຢ່າງສິ້ນເຊີງ,
ລັດຕ້ອງໃຫ້ບູລິມະສິດແກ່ບໍລິສັດລາວທີ່ມີມາດຖານເງື່ອນໄຂທາງເຕັກນິກ ແລະ
ວິຊາການຄົບຖ້ວນໃນການເຂົ້າຮ່ວມປະມູນໂຄງ ການໂຄງລ່າງພື້ນຖານ ແລະ ໂຄງການບໍລິການຂອງລັດ
ໂດຍສະເພາະໂຄງການລົງທຶນສາກົນໃນຮູບແບບການຮ່ວມລັດ-ເອກະຊົນທີ່ຈະຂະຫຍາຍຕົວແຮງໃນ
ASEAN ແລະ GMS, ຜັນຂະ ຫຍາຍວຽກງານຢ່າງຕໍ່ເນື່ອງ ແລະ ທັງສົ່ງເສີມເຕັກນິກວິຊາການຂອງຄົນລາວສູງຂຶ້ນ.
ພ້ອມນີ້ ກະຊວງອຸດສາຫະກຳ ແລະ ການຄ້າສືບຕໍ່ປະຕິບັດ ແລະ ຜັນຂະຫຍາຍກິດຈະກຳສິນຄ້າໜຶ່ງເມືອງໜຶ່ງຜະລິດຕະພັນໃຫ້ຫຼາຍຂຶ້ນທົ່ວທຸກແຂວງ
ເພື່ອເປັນການສ້າງຍີ່ຫໍ້ (Brand Name - Made in Laos) ໃຫ້ກາຍເປັນສິນຄ້າທີ່ສາມາດສົ່ງອອກໃນຕະຫລາດພາກພື້ນ
ແລະ ສາກົນ, ສຳຄັນທີ່ສຸດແມ່ນຈະຊ່ວຍສ້າງວຽກເຮັດງານທຳໃນເຂດຊົນນະບົດ ແລະ
ຫ່າງໄກສອກຫລີກ ເພື່ອເຮັດໃຫ້ປະຊາກອນມີລາຍຮັບສູງ ແລະ ມີຊີວິດການເປັນຢູ່ດີຂຶ້ນ
ແລະ ຊ່ວຍຄົ້ນຄວ້ານະໂຍບາຍດ້ານອັດຕາດອກເບ້ຍເງິນກູ້ທຸລະກິດໃຫ້ສອດຄ່ອງກັບການດຳເນີນທຸລະກິດຂອງຫົວໜ່ວຍທຸລະກິດໃນປັດຈຸບັນ
ເພື່ອຊ່ວຍຫລຸດຜ່ອນຕົ້ນທຶນການຜະລິດ ແລະ ຊ່ວຍສ້າງໃຫ້ຜະລິດຕະພັນລາວສາ ມາດແຂ່ງຂັນກັບຕະຫລາດພາຍໃນ
ແລະ ຕ່າງປະເທດໄດ້. ກົງ ກັນຂ້າມການກຳນົດອັດຕາດອກເບ້ຍສູງຈະເປັນຊ່ອງຫວ່າງໃຫ້ນັກທຸລະກິດບາງຄົນກູ້ຢືມເງິນທີ່ມີອັດຕາດອກເບ້ຍຕ່ຳຢູ່ຕ່າງປະເທດແລ້ວມາປ່ອຍກູ້ໃຫ້ທຸລະກິດຢູ່
ສປປ ລາວ ເຊິ່ງຈະເປັນຜົນກະ ທົບຕໍ່ລະບົບການເງິນຂອງລາວໃນອະນາຄົດ.
No comments:
Post a Comment