ໃນໂອກາດເຂົ້າຮ່ວມກອງປະຊຸມວຽກງານຖະແຫຼ່ງຂ່າວ, ວັດທະນະທຳ
ແລະ ທ່ອງທ່ຽວ ໃນວັນທີ 28 ເມສາຜ່ານມານີ້ ທ່ານຮອງນາຍົກນາຍົກລັດຖະມົນຕີ ອາຊາງ ລາວລີ, ໄດ້ຊີ້ ໃຫ້ເຫັນບາງຂໍ້ຄົງຄ້າງໃນວຽກງານ ຖວທ ໃນໄລຍະໜຶ່ງປີຜ່ານມາ ວ່າ: ວຽກງານ ຖວທ ແມ່ນວຽກງານສຳຄັນອັນໜຶ່ງໃນພາລະກິດປົກປັກຮັກສາ
ແລະ ສ້າງສາພັດທະນາປະເທດ ຊາດ, ເຊິ່ງ ໄດ້ເຮັດບົດບາດເປັນເຄື່ອງມື, ເປັນກະບອກສຽງທີ່ແຫຼມຄົມໃນການເຜີຍ ແຜ່ ແນວທາງນະໂຍບາຍຂອງພັກ-ລັດ,
ເຮັດໜ້າທີ່ໂຄ ສະນາສຶກສາອົບຮົມນ້ຳໃຈຮັກຊາດ, ຮັກລະບອບໄໝ, ລະບອບປະຊາທິປະໄຕ ແລະ ສ້າງສະຕິຄົບລົບກົດໝາຍໃຫ້ແກ່ປະຊາ
ຊົນ, ສົ່ງເສີມໃຫ້ປະຊາຊົນອະນຸລັກຮັກສາ ແລະ ເສີມຂະຫຍາຍວັດທະນະທຳອັນດີງານ ຂອງຊາດ ແລະ ຂອງບັນດາເຜົ່າ,
ອັນ ໄດ້ກາຍເປັນທ່າແຮງບົ່ມຊ້ອນເພື່ອພັດທະນາການທ່ອງທ່ຽວຂອງປະເທດເຮົາ, ຕະຫຼອດຊຸມປີຜ່ານມາເຖິງວາສະພາບສາກົນ
ມີການຜັນແປໄປຢ່າງໄວວາ ແລະ ສັບສົນ, ແຕ່ຂະແໜງ ຖວທ ກໍໄດ້ມີຄວາມ ພະຍາຍາມປະຕິບັດໜ້າທີ່ການເມືອງຂອງຕົນ
ດ້ວຍຄວາມຮັບຜິດຊອບສູງ ແລະ ໄດ້ຮັບຜົນສຳເລັດໃຫ້ຫຼາຍດ້ານ ເຊັ່ນ:
ດ້ານວັດທະນະທຳໄດ້ປະກອບສ່ວນສຳຄັນເຂົ້າໃນ
ການໂຄສະນາເຜີຍແຜ່, ຊຸກຍູ້ ແລະ ຜັນຂະຫຍາຍແນວທາງນະໂຍບາຍ ຂອງພັກ-ລັດໃນແຕ່ລະໄລຍະ, ສື່ມວນຊົນລາວມີລັກ
ສະນະຫ້າວຫັນ, ວ່ອງໄວຂຶ້ນກວ່າເກົ່າ, ຖັນແຖວພະນັກງານກໍໄດ້ຮັບ ການບຳລຸງຍົກລະດັບຂຶ້ນ, ພື້ນຖານ
ວັດຖຸເຕັກນຶກກໍໄດ້ ຄ່ອຍໆຫັນໄປສູ່ທັນສະໄໝເທື່ອລະກ້າວ, ສາມາດສົ່ງຂໍ້ມູນຂ່າວສານ ຂອງຕົນສູ່ພາຍໃນ
ແລະ ຕ່າງປະເທດໄດ້ ຢ່າງວ່ອງໄວ, ທັນການ, ເຮັດໃຫ້ມາດຕະຖານ ແລະ ຄຸນນະພາບ ຂອງສື່ໄດ້ຮັບການ ພັດທະນາຂຶ້ນເປັນກ້າວໆ,
ວຽກງານວັດທະນະທຳ: ໄດ້ເອົາໃຈໃສ່ເຄື່ອນໄຫວວຽກງານນີ້ຢ່າງເປັນຂະບວນກ້ວາງຂວາງກວ່າ ເກົ່າ,
ຂະ ນົບທຳນຽມ ແລະ ປະເພນີຂອງຊາດໄດ້ຮັບ ການຟື້ນຟູ, ເສີມຂະຫຍາຍວຽກງານສີລະປະ, ວິຈິດຕະກຳ,
ສີໄມ້ລາຍ ມື, ພອນສະຫວັນ ແລະ ຄວາມສາ ມາດປະດິດຄິດແຕ່ງ ຂອງປະຊາຊົນກໍໄດ້ຮັບການຊຸກຍູ້ສົ່ງເສີມ,
ຜະລິດຕະພັນດ້ານສີລະ ປະ ແລະ ວັດທະນະທຳນັບມື້ສົມບູນຂຶ້ນ ແລະ ໄດ້ຊຸກຍູ້ສົ່ງເສີມວຽກງານທ່ອງທ່ຽວຢ່າງກ້ວາງແຂວງເຮັດໃຫ້ນັກທ່ອງທ່ຽວ ທັງພາຍໃນ
ແລະ ຕ່າງປະເທດມີຈຳນວນເພີ່ມຂຶ້ນໃນແຕ່ລະປີອົນໄດ້ສ້າງເງື່ອນໄຂໃຫ້ປະຊາຊົນມີວຽກເຮັດງານທຳ,
ປະກອບ ສ່ວນໃຫ້ຊີວິດການເປັນຢູ່ຂອງປະຊາຊົນນັບມື້ດີຂຶ້ນ.
ທ່ານ ຮອງນາຍົກກ່າວວ່າ: ຄຽງຄູ່ກັບຜົນງານ
ແລະ ຈຸດດີທີ່ກ່າວມນັ້ນ, ຂະແໜງ ຖວທ ກໍຍັງມີຂໍ້ຄົງຄ້າງຈຳນວນ ໜຶ່ງທີ່ຈະຕ້ອງໄດ້ສືບຕໍ່ແກ້ໄຂ
ຄື : ທີ່ຍາດຊີ້ໃຫ້ເຫັນດັ່ງນີ້ : ຄຸນນະພາບຂອງວຽກງານຖະແຫຼ່ງຂ່າວຍັງເຮັດບໍ່ໄດ້ດີ, ຕາມຄວນ
ຮຽກຮ້ອງຂອງຍຸກສະໄໝ, ເປັນຕົ້ນແມ່ນດ້ານເຕັກນຶກ, ເນື້ອໃນ ແລະ ການດຶງດູດຄວາມສົນໃຈ, ການສະເໝີຂໍມູນ-ຂ່າວສານ
ຍັງຈຳກັດ, ການສ່ອງແສງຄວາມເປັນຈຶ່ງທາງເສດຖະກິດ ແລະ ຊີ ວິດສັງຄົມບໍ່ທັນເລິກເຊິ່ງ, ການໂຄສະນາຕົວແບບ
ແລະ ບົດ ຮຽນທີ່ເປັນປະໂຫຍດຕາມຄວາມເປັນຈິງຂອງສັງຄົມຍັງ ເຮັດໄດ້ໜ້ອຍ, ການປັບປຸງຍົກລະດັບພື້ນຖານວັດຖຸເຕັກນິກ
ແລະ ການກໍ່ສ້າງຖັນແຖວພະນັກງານວິຊາການຍັງບໍ່ທັນສາມາດຕອບສະໜອງກັບການຂະຫຍາຍຕົວຂອງວຽກງານດັ່ງກ່າວ,
ການ ປົກປ້ອງ ແລະ ຄຸ້ມຄອງກິດຈະກຳດ້ານວັດທະນະທຳລາວຍັງບໍ່ທົນເຮັດໄດ້ດີ, ເຮັດ ໃດ້ແບບການດຳລົງຊີວິດທີ່ຂັດ
ກັບຮີດ ຄອງປະເພນີລາວຍັງແຜ່ຫຼາຍ, ເປັນຕົ້ນແມ່ນຖັນແຖວຊາວໜຸ່ມເຍົາວະຊົນຈຳນວນໜຶ່ງຍັງບໍ່ຮູ້ຈັກທຳນຽມປະເພນີ
ແລະ ວັດ ທະນະທຳອັນດີງາມຂອງຊາດ, ຍັງນິດຍົມຊົມຊອບແບບແຜນການດຳລົງຊີວິດຂອງຊາດອື່ນ, ມີການເຄື່ອນໄຫວສວຍໃຊ້
ວັດ ທະນະທຳໃນທາງທຸລະກິດ ໂດຍບໍ່ຄຳນຶງເຖິງຄຸນຄ່າວັດທະນະທຳ ແລະ ລະບຽບກົດໝາຍບ້ານເມືອງ, ວັດທະນະທຳພາຍ ນອກໄດ້ແຜ່ລາມເຂົ້າມາປະເທດເຮົານັບມື້ຫຼາຍຂຶ້ນ,
ຊຶ່ງໄດ້ສົ່ງຜົນກະທົບຕໍ່ຄວາມສະຫງົບ ແລະ ຄວາມເປັນລະບຽບຮຽບຮ້ອຍ ໃນສັງຄົມ, ຍັງໄປກວ່ານັ້ນວັດຖຸບູຮານທີ່ມີຄ່າຈຳນວນບໍ່ໜ້ອຍໄດ້ສູນເສຍໄປດ້ວຍຮູບການຕ່າງໆ,
ວຽກງານທ່ອງທ່ຽວເຖິງວ່າ ເປັນທ່າແຮງໃນການພັດທະນາເສດຖະກິດ, ແຕ່ການພັດທະນາດ້ານນີ້ຍັງຈຳກັດຫຼາຍ,
ການອະນຸລັກຮັກສາແຫຼ່ງທ່ອງທ່ຽວ ກໍຍັງບໍ່ທັນເຮັດໄດ້ດີເປັນຕົ້ນແມ່ນການບຸກທຸຳລາຍແຫຼ່ງທຳມະຊາດ,
ປ່າໄມ້ຫ້ວຍນຳລຳທານ ແລະ ສັດສາວາສິ່ງທີ່ອຸດົມຮັ່ງມີ ໃນປະເທດຈົນຫຫລຸດໜ້ອຍລົງ, ເຖິງຢ່າງໃດກໍຕາມຕໍ່ຂໍ້ຄົງຄ້າງດັ່ງກ່າວຖ້າພວກເຮົາບໍ່ເອົາໃຈໃສ່ແກ້ໄຂຢ່າງຕັ້ງໜ້າ
ແລະ ຖືກ ທິດແລ້ວແນ່ນອນກໍ່ຈະມີຜົນສະທ້ອນ ແລະ ເປັນອຸປະສັກກົດໜ່ວງ ຖ່ວງດຶງການພັດທະນາເສດຖະກິດສັງຄົມຢູ່ໃນປະເທດ
ເຮົາ, ໂດຍສະເພາະວຽກງານ ຖວທ.
No comments:
Post a Comment