ກະຊວງສຶກສາທິການ ແລະ ກິລາ ໄດ້ມີໜັງສືແຈ້ງຫາສະຖາບັນການສຶກສາພາກເອກະຊົນ
7 ແຫ່ງ ແລະ ພາກລັດອີກ 3 ແຫ່ງ ເພື່ອໃຫ້ລຶບລ້າງລາຍຊື່ນັກຮຽນຈຳນວນໜຶ່ງທີ່ພວມສຶກສາຮ່ຳຮຽນຢູ່ໃຫ້ອອກຈາກສະຖາບັນ
ການສຶກສາຂອງຕົນ, ພາຍ ຫລັງກວດເຫັນວ່າມີນັກສຶກສາຈຳ ນວນນັ້ນນຳໃຊ້ໃບປະກາສະນີຍະບັດຈົບຊັ້ນມັດທະຍົມຕອນປາຍປອມແປງເພື່ອເຂົ້າຮຽນຕໍ່ວິຊາຊີບຕ່າງໆ.
ສະຖາບັນການສຶກສາດັ່ງ ກ່າວປະກອບມີ: ວິທະຍາໄລເຕັກ
ນິກປາກປ່າສັກ, ຊັບພະວິຊາ, ຄອມເຊັນເຕີ, ທິບວາລີ, ລັດ ຕະນະ, ບຸດວິເສດ, ລາວ-ອາເມລິກາ,
ໄຊພັດທະນາ, ສຸກສະຫວັດ ແລະ ມະຫາວິທະຍາໄລແຫ່ງຊາດ ມີທັງໝົດ 116 ຄົນ ແມ່ນບໍ່ມີລາຍຊື່ໃນປຶ້ມບັນທຶກການສອບເສັງຈົບຊັ້ນມັດທະຍົມສຶກສາຕອນປາຍ
ແລະ ປັດຈຸບັນນັກສຶກສາທີ່ນຳໃຊ້ໃບປະ ກາດປອມເຫລົ່ານີ້ພວມສຶກ ສາຮ່ຳຮຽນຢູ່
ແລະ ອີກຈຳນວນໜຶ່ງພວມສອບເສັງຈົບຊັ້ນສູງ, ປະລິນຍາຕີ ແລະ ໂທ.
ກະຊວງສຶກສາ ໃຫ້ຮູ້ວ່າ: ນີ້ເປັນການກວດກາເທື່ອທຳອິດ
ແລະ ຈະສືບຕໍ່ກວດກາເລື້ອຍໆໄປ ນັບທັງຢູ່ສະຖາບັນການສຶກ ສາພາກເອກະຊົນ
ແລະ ພາກລັດ ທັງຢູ່ສູນກາງ ແລະ ແຂວງຕ່າງໆ ເພື່ອຮັບປະກັນໃຫ້ລະບົບການສຶກສາລາວມີຄວາມຖືກ
ຕ້ອງ ແລະ ຮັບປະກັນຄຸນນະພາບ.
ຕໍ່ບັນຫາດັ່ງກ່າວ, ຜູ້ບໍລິຫານສະຖາບັນການສຶກສາຫລາຍແຫ່ງມີຄຳເຫັນເອກະພາບວ່າ:
ການກວດກາດັ່ງກ່າວແມ່ນເປັນສິ່ງທີ່ດີ ເພື່ອເຮັດໃຫ້ການສອບເສັງຈົບຊັ້ນມີຄວາມປອດໃສ
ແລະ ສາມາດຍົກສູງຄຸນນະພາບ ການສຶກສາຂອງລາວດີຂຶ້ນກວ່າເກົ່າ.
No comments:
Post a Comment