ໃນວັນທີ 8 ເມສານີ້, ຢູ່ກະ ຊວງພາຍໃນ ໄດ້ຈັດພິທີມອບ-
ຮັບໜ້າທີ່ລະຫວ່າງ ທ່ານ ຄຳ ປານ ພິລາວົງ ລັດຖະມົນຕີວ່າ ການກະຊວງພາຍໃນ ຄົນເກົ່າ ແລະ ທ່ານ
ໄຊສີ ສັນຕິວົງ ກຳມະການສູນກາງພັກ, ລັດຖະມົນຕີ ວ່າການກະຊວງພາຍໃນຄົນ ໃໝ່ ໂດຍການເຂົ້າຮ່ວມຂອງທ່ານ
ອາຊາງ ລາວລີ ກຳມະການກົມການເມືອງສູນ ກາງພັກ,
ຮອງນາຍົກລັດຖະມົນຕີ, ຜູ້ຊີ້ນຳ ວຽກງານວັດທະນະທຳ-ສັງຄົມ, ມີບັນ ດາລັດຖະມົນຕີຊ່ວຍວ່າການ,
ຜູ້ຊ່ວຍລັດຖະມົນຕີ, ຫົວໜ້າກົມ ແລະ ພະນັກງານ ຫລັກແຫລ່ງພາຍໃນກະຊວງເຂົ້າຮ່ວມ.
ການມອບ-ຮັບໜ້າທີ່ດັ່ງກ່າວ, ແມ່ນອີງໃສ່ຄວາມຮຽກຮ້ອງ
ຕ້ອງການຂອງໜ້າທີ່ວຽກງານ ແລະ ປະຕິບັດຕາມດຳລັດ ຂອງປະທານປະເທດສະບັບເລກທີ 095/ປປທ, ລົງວັນທີ
3 ມີນາ 2014 ວ່າດ້ວຍການອະນຸມັດໃຫ້ ການນຳຂັ້ນສູງອອກພັກ ການ- ຮັບເບ້ຍບຳນານ ແລະ ອີງຕາມ
ດຳລັດຂອງປະທານປະເທດສະ ບັບເລກທີ 103/ປປທ ລົງວັນທີ 17 ມີນາ 2014 ວ່າດ້ວຍ ການແຕ່ງຕັ້ງລັດຖະມົນຕີວ່າການກະຊວງພາຍໃນຄົນໃໝ່.
ໃນວັນດຽວກັນ, ຢູ່ອົງການກາແດງລາວ ກໍໄດ້ຈັດພິທີປະກາດອົງການຈັດຕັ້ງພາຍໃນອົງ
ການດັ່ງກ່າວ ໂດຍການໃຫ້ກຽດເຂົ້າຮ່ວມຂອງ ທ່ານ ເລົາລີ ໄຟເພັງຢົວ ປະທານອົງການກາແດງລາວ,
ຜູ້ຕາງໜ້າຄະນະຈັດຕັ້ງສູນກາງພັກ, ຕາງໜ້າສຳນັກງານຫ້ອງວ່າການລັດຖະບານພ້ອມດ້ວຍພະນັກງານລັດຖກອນພາຍໃນອົງການກາແດງລາວເຂົ້າຮ່ວມ.
ໃນພິທີ ໄດ້ຜ່ານດຳລັດຂອງນາຍົກລັດຖະມົນຕີ
ສະບັບເລກທີ 70/ນຍ ລົງວັນທີ 20/04/2006 ວ່າດ້ວຍລະບອບປະກັນສັງຄົມພາກລັດຕໍ່ພະນັກງານ-ລັດຖະ
ກອນ, ທະຫານ, ຕຳຫລວດໃນນີ້ໄດ້ອະນຸມັດໃຫ້ທ່ານ ດຣ ກິແດງ ທຳມະລັງສີ ເລຂາທິການອົງ
ການກາແດງລາວ ສັງກັດຢູ່ອົງ ການກາແດງລາວ ແລະ ທ່ານ ດຣ ເຕທຳມະວົງ ຮອງປະທານອົງການກາແດງລາວ
ທັງເປັນຫົວໜ້າສູນເລືອດ ແຫ່ງຊາດ ອອກພັກຜ່ອນຮັບເບ້ຍບຳນານ. ພ້ອມນີ້ກໍໄດ້ຜ່ານດຳລັດຂອງນາ
ຍົກລັດຖະມົນຕີ ສະບັບເລກທີ 102/ນຍ ລົງວັນທີ 21/03/2014 ວ່າດ້ວຍການແຕ່ງຕັ້ງຮອງປະ
ທານອົງການກາແດງລາວ ຊຶ່ງປະກອບມີສອງທ່ານຄື: ທ່ານ ຮສ.ດຣ ສິງ ເມໂນລາດ ເປັນຮອງປະທານອົງການກາແດງລາວ
ແລະ ທ່ານ ທອງພະຈັນ ສອນນະສິນ ເປັນຮອງປະທານອົງການກາແດງລາວ. ການປັບ ປຸງອົງການຈັດຕັ້ງໃນຄັ້ງນີ້
ເພື່ອອີງໃສ່ຄວາມຮຽກຮ້ອງຕ້ອງ ການຂອງໜ້າທີ່ວຽກງານຂອງອົງການກາແດງລາວ.
No comments:
Post a Comment