ຄືດັ່ງທີ່ຮູ້ແລ້ວວ່າ: ພໍຕົກມາເຖິງວັນບຸນສຳຄັນຕ່າງໆຂອງຊາດ
ຜູ້ປະກອບການຊື້ຂາຍຕາມທ້ອງຕະຫລາດມັກສວຍໂອກາດຂຶ້ນລາຄາສິນຄ້າຕາມລຳພັງໃຈ,
ເຖິງວ່າພາກສ່ວນກ່ຽວຂ້ອງໄດ້ວາງຂໍ້ກຳນົດກົດລະບຽບໃນການຄຸ້ມຄອງລາຄາ, ແຕ່ວ່າຊາວຄ້າຂາຍບໍ່ຍອມປະຕິບັດຕາມມັນສະແດງອອກໃຫ້ເຫັນໃນລະຫວ່າງບຸນກຸດສົງການປີໃໝ່ລາວ
ເຊິ່ງຫາກໍຜ່ານພົ້ນໄປບໍ່ເທົ່າໃດວັນຜ່ານມາ, ແຕ່ເຫັນວ່າລາຄາສິນຄ້າຢູ່ຕາມທ້ອງຕະ
ຫຼາດທຸກແຫ່ງໃນນະຄອນຫຼວງວຽງຈັນມີການເໜັງຕີງ ນັບທັງສິນຄ້າຍຸດທະສາດຈຳນວນໜຶ່ງທີ່ລັດຄຸ້ມຄອງກໍມີການຂຶ້ນລາຄາໄປຕາມໆກັນໂດຍສະເພາະແມ່ນເລີ່ມຈາກຊີ້ນໝູ
ໂດຍຊາວຄ້າ ຂາຍໃຫ້ເຫດຜົນວ່າ: ຊີ້ນໝູແພງຍ້ອນລາຄາຫົວອາຫານແພງຂຶ້ນ ແລະ ຈາກນັ້ນມາ ລາຄາຊີ້ນປະເພດງົວ,
ຄວາຍ, ເປັດ, ໄກ່ ແລະ ປາ ກໍໄດ້ຖີບຕົວຂຶ້ນຢ່າງໜ້າເປັນຫ່ວງເຮັດໃຫ້ການຄ້ານະຄອນ
ຫລວງຕ້ອງໄດ້ອອກມາຢັບຢັ້ງ ໂດຍການຕິດປ້າຍກຳນົດລາຄາຊີ້ນປະເພດດັ່ງກ່າວຄືນໃໝ່ຢູ່ໃນທ້ອງຕະຫລາດທຸກແຫ່ງໃນນະ
ຄອນຫລວງ
ວຽງຈັນ ເປັນຕົ້ນ ຊີ້ນໝູປະເພດ 1 ໃຫ້ຂາຍໃນລາ ຄາ 37.000 ກີບຕໍ່ກິໂລ,
ຊີ້ນງົວ, ຄວາຍປະເພດ 1 ລາຄາ 75.000 ກີບຕໍ່ກິໂລ, ປານິນ, ປາໃນ ລາ ຄາ 23.000 ກີບຕໍ່ກິໂລ
ແລະ ອື່ນໆ. ແຕ່ຊາວຄ້າຂາຍສິນຄ້າເຫລົ່ານີ້ບໍ່ປະຕິບັດຕາມລາຄາທີ່ລັດກຳນົດໃຫ້
ໂດຍເຂົາເຈົ້າອ້າງວ່າ: ປັດຈຸບັນການບໍລິການທຸກຢ່າງກໍມີການເໜັງຕີງ ເປັນຕົ້ນ
ຄ່ານ້ຳ, ຄ່າໄຟ, ຄ່າອະນາໄມ, ຄ່າລໍ້ເພື່ອແກ່ຊີ້ນ ແລະ ອື່ນໆ ກໍນັບວ່າແພງຂຶ້ນກວ່າປົກກະຕິ.
ດັ່ງນັ້ນ ຈຶ່ງມີຄວາມຈຳເປັນຕ້ອງໄດ້ຂຶ້ນລາຄາຊີ້ນ, ປາ ເພື່ອຄວາມຢູ່ລອດ ແລະ
ບໍ່ສະເພາະແຕ່ເທົ່ານັ້ນ ສິນຄ້າປະເພດພືດຜັກ, ໝາກໄມ້ ແລະ ທັນຍາຫານອື່ນໆ ກໍເຫັນວ່າມີການເໜັງຕີງຕາມສະ
ພາບຄວາມເປັນຈິງຂອງສິນຄ້າທີ່ນຳເຂົ້າສູ່ທ້ອງຕະຫລາດໃນແຕ່ລະວັນ.
ໃນຂະນະທີ່ລາຄາຊີ້ນປາ, ອາຫານມີການປ່ຽນແປງຄືແນວນັ້ນ
ສິນຄ້າຍຸດທະສາດປະເພດວັດສະດຸກໍ່ສ້າງທີ່ລັດຄຸ້ມຄອງ ໂດຍສະເພາະແມ່ນຊີມັງກໍມີການສວຍໂອກາດຂຶ້ນລາຄາໃນໄລຍະບຸນປີໃໝ່ໃນລາຄາປະມານໂຕນລະ
1 ແສນກີບ ເຊິ່ງມາຮອດດຽວນີ້ ປະຊາຊົນຊັ້ນຄົນຕ່າງໆ ໂດຍສະເພາະຜູ້ມີລາຍຮັບຕ່ຳຂໍຮ້ອງມາຍັງພາກສ່ວນກ່ຽວຂ້ອງຈົ່ງສືບຕໍ່ດຳເນີນມາດຕະການແກ້ໄຂເຮັດໃຫ້ລາຄາສິນຄ້າທຸກປະເພດຢູ່ໃນນະຄອນຫລວງກັບຄືນສູ່ສະພາບປົກກະຕິມີຄວາມໝັ້ນທ່ຽງແນໃສ່ເຮັດໃຫ້ສະພາບການເປັນຢູ່ຂອງປະຊາຊົນມີຄວາມສະຫງົບດີຂຶ້ນ.
No comments:
Post a Comment