ກອງປະຊຸມສຳມະນາຕົວແທນບໍລິສັດ ອາລີອັນ ປະກັນໄພລາວ
(ບປລ) ທົ່ວປະເທດ ປະຈຳປີ 2014 ໄດ້ຈັດຂຶ້ນທີ່ໂຮງແຮມວຽງຈັນພລາຊາ ນະຄອນຫລວງວຽງຈັນ
ໃນວັນທີ 29-30 ພຶດສະ ພານີ້ ໂດຍການເປັນປະທານຂອງທ່ານ ກີ ອາໂປວີ ຜູ້ອຳນວຍ
ການບໍລິສັດ ອາລີອັນ ປະກັນໄພ ລາວ (ບປລ), ມີບັນດາຫົວໜ້າພະແນກການຕ່າງໆ ແລະ ຕົວແທນ
ບປລ ຈຳ ນວນ 150 ກວ່າທ່ານເຂົ້າຮ່ວມ.
ການສຳມະນາຄັ້ງນີ້ແມ່ນເພື່ອໃຫ້ບັນດາຕົວແທນ
ບປລ ຮັບຊາບກ່ຽວກັບຍຸດທະສາດຂອງບໍລິສັດໃນປີ 2014, ລາຍງານສະພາບຕະຫລາດປະກັນໄພໃນ
ສປປ ລາວ, ແຈ້ງຜົນໄດ້ຮັບ ກໍຄືຂໍ້ແຂ່ງຂັນຕ່າງໆຂອງຕົວແທນທົ່ວປະເທດທີ່ປະຕິບັດໄດ້ໃນປີ
2013 ຜ່ານມາ, ພ້ອມທັງສະຫລຸບຄວາມຄືບໜ້າຂອງໂຄງ ການຕ່າງໆທີ່ໄດ້ເຮັດສຳເລັດໃນໄລຍະຜ່ານມາ
ແລະ ໂຄງການທີ່ພວມດຳເນີນຢູ່, ມີການຖອດຖອນແລກປ່ຽນບົດຮຽນລະ ຫວ່າງພະນັກງານ
ວິຊາການ
ແລະ ຕົວແທນກ່ຽວກັບຂໍ້ສະດວກ ແລະ ຂໍ້ຫຍຸ້ງຍາກໃນຂອດການປະຕິບັດວຽກງານ ແລະ
ການບໍລິການປະກັນໄພໃນໄລຍະຜ່ານມາ ເພື່ອປັບປຸງຂອດການບໍລິ ການຂອງທຸລະກິດປະກັນໄພມີການພັດທະນາຂຶ້ນໄປເລື້ອຍໆ
ແລະ ແທດເໝາະກັບຄວາມຕ້ອງ ການຂອງລູກຄ້າທີ່ແທ້ຈິງ.
ເພື່ອເປັນການຢ້ຳເຖິງຜົນສຳເລັດຂອງຕົວແທນ
ບປລ ຂອງປີຜ່ານມາ, ໃນກອງປະຊຸມຍັງມີການມອບລາງວັນໃຫ້ແກ່ຕົວແທນດີເດັ່ນທີ່ມີໂຕເລກການຂາຍຂະຫຍາຍຕົວຫລາຍທີ່ສຸດປະຈຳປີ
2013 ແລະ ໄດ້ປະກາດລາງ ວັນທ່ອງທ່ຽວ ສປ ຈີນ ແກ່ຕົວແທນບັນລຸເປົ້າໝາຍການຂາຍໃນປີ
2013 ຈຳນວນ 44 ທ່ານ ໃນທ້າຍເດືອນພຶດສະພານີ້ນຳອີກ.
No comments:
Post a Comment