ຕາມການລາຍງານຂອງເຈົ້າໜ້າທີ່ ປກສ ແຂວງຊຽງຂວາງ
ໃຫ້ຮູ້ວ່າ: ໃນວັນທີ 16 ມິຖຸນານີ້, ເວລາປະມານ 15:00 ໂມງ, ປກສ ເມືອງຄູນ
ໄດ້ນຳກຳ ລັງເຂົ້າປິດລ້ອມເຮືອນເປົ້າໝາຍຜູ້ຄ້າຂາຍຢາເສບຕິດຫລັງໜຶ່ງ ຢູ່ບ້ານໂພສີ
ເມືອງຄູນ ແຂວງຊຽງຂວາງນັ້ນ ຄືທ້າວ ເຢຍລືຢາງ ອາຍຸ 55 ປີ ແລະ ນາງ ຍີລໍ່ ອາຍຸ
50 ປີ ເຊິ່ງເປັນຄູ່ຜົວເມຍກັນ. ຈາກນັ້ນທັງສອງໄດ້ເຂົ້າໄປລີ້ຢູ່ຫ້ອງນອນບໍ່ອອກມາມອບຕົວ,
ເຈົ້າໜ້າທີ່ຈຶ່ງໄດ້ເກ້ຍກ່ອມໃຫ້ອອກມາມອບຕົວ, ຈາກນັ້ນ ເປົ້າ ໝາຍຈຶ່ງໄດ້ໄຂປະຕູແລ້ວຊຸກເມຍອອກມາໃຫ້ເຈົ້າໜ້າທີ່ຈັບກຸມ
ແລ້ວຜູ້ເປັນຜົວໄດ້ແລ່ນອອກຈາກຫ້ອງ ພ້ອມໃຊ້ປືນຍິງໃສ່ເຈົ້າໜ້າທີ່ ຈົນເຮັດໃຫ້ທ່ານ
ແສງອຸໄທ ບົວແກ້ວ ຮອງຫົວໜ້າອົງ ການໄອຍະການເຂດ 3 ເມືອງຄູນ ຖືກຍິງເສຍຊີວິດຄາທ່ີ
ແລະ ມີຕຳຫລວດອີກ 1 ຄົນ ໄດ້ຮັບບາດເຈັບສາຫັດ, ສ່ວນເປົ້າ ໝາຍຖືກເຈົ້າໜ້າທີ່ຈັບຕົວໄວ້ໄດ້.
ຜ່ານການກວດຄົ້ນເຮືອນ ຜູ້ກ່ຽວພົບຢາຝິ່ນ 3
ຖ້ວຍນ້ອຍ, ງ້າວ 2 ດວງ, ປືນແກ໋ບ, ປືນແວງ ແລະ ລູກປືນ 61 ລູກ, ມິນ 1 ໜ່ວຍ, ເງິນ
3,8 ລ້ານກວ່າກີບ ແລະ 135 ໂດລາສະຫະລັດ ແລະ ຫລັງຈາກນັ້ນ ເຈົ້າໜ້າທີ່ກໍໄດ້ເຂົ້າກວດຄົ້ນເຮືອນເປົ້າ
ໝາຍອີກຫລັງໜຶ່ງ ຢູ່ບ້ານດຽວກັນ ເຊິ່ງແມ່ນທ້າວ ຢົງເນັງ ອາຍຸ 36 ປີ ເປັນເຈົ້າຂອງ
ພົບຢາບ້າ 92 ເມັດ, ເຮໂຣອິນ 11 ຫລອດ, ແກ໋ບໝາກຟາ 7 ດອກ, ເຄື່ອງອັດຝິ່ນ ແລະ
ລູກປືນຈຳນວນໜຶ່ງ ຈຶ່ງໄດ້ຢຶດໄວ້ເປັນຫລັກຖານໃນການດຳເນີນຄະດີຕາມລະບຽບກົດໝາຍ.
ຂ່າວໃຫ້ຮູ້ຕື່ມວ່າ: ໃນວັນທີ 17 ມິຖຸນານີ້,
ສານປະຊາຊົນນະ ຄອນຫລວງວຽງຈັນ ໄດ້ຕັດສິນລົງໂທດທ້າວ ສູນທະລາ ອາ ຍຸ 35 ປີ ແລະ
ທ້າວ ຕິ່ງຄຳ ອາຍຸ 22 ປີ ທັງສອງຢູ່ບ້ານຖິ່ນຕົມ ເມືອງຫາດຊາຍຟອງ ນະຄອນຫລວງວຽງຈັນ
ໃຫ້ຈຳຄຸກຜູ້ລະ 5 ປີ ພ້ອມປັບໄໝເງິນຜູ້ລະ 10 ລ້ານກີບ ໃນຂໍ້ຫາຄ້າຂາຍຢາເສບຕິດ
ພ້ອມຂອງກາງຢາບ້າໄວ້ໃນຄອບຄອງ 100 ກວ່າເມັດ.
No comments:
Post a Comment