ໃນວັນທີ 1 ມີຖຸນານີ້, ຊື່ງເປັນວັນເດັກສາກົນ
ແລະ ວັນປູກໄມ້ແຫ່ງຊາດ, ດັ່ງ ນັ້ນຫລາຍ ພາກສ່ວນນັບທັງເບື້ອງລັດ ແລະ ເອກກະຊົນຕ່າງໆກໍໄດ້ຈັດ
ຕັ້ງການ ປູກໄມ້ຢ່າງເປັນຂະບວນກວ້າງຂວາງຄື: ບໍລິສັດ ຜະລິດ-ໄຟຟ້າ ລາວ ມະຫາຊົນ (ຜ-ຟຟລ),
ກໍໄດ້ຈັດພິທີປູກຕົ້ນໄມ້ ແລະ ປ່ອຍປາຄືນສູ່ວັງນ້ຳ ບໍລິເວນເຂື່ອນໄຟຟ້ານ້ຳເລິກ
ເພື່ອປະກອບສ່ວນເຂົ້າໃນການປົກປັກຮັກສາທຳມະຊາດສິ່ງແວດລ້ອມ, ການອານຸລັກຮັກສາຊີວະນາໆພັນ
ແລະ ສັດນ້ຳອື່ນໆໃຫ້ມີຄວາມຍືນຍົງຕະຫລອດໄປ, ໂດຍມີທ່ານ ຄຳມະນີ ອິນທິລາດ ລັດຖະມົນຕີຊ່ວຍວ່າການກະຊວງພະລັງງານ
ແລະ ບໍ່ແຮ່, ປະທານສະພາຜູ້ອຳນວຍການ ບໍລິ ສັດ ຜະລິດ ໄຟຟ້າລາວ ມະຫຊົນ, ທ່ານ ສະຫວັນຄອນ
ຣາດຊະມຸນຕຣີ ລັດຖະມົນຕີຊ່ວຍວ່າ ການກະຊວງຖະແຫລງ ຂ່າວ, ວັດທະນະທຳ ແລະ ທ່ອງທ່ຽວ,
ມີທ່ານຮອງເຈົ້າແຂວງໄຊສົມບູນ, ເຈົ້າເມືອງໆລ້ອງຊານ ພ້ອມພະນັກງານອ້ອມຂ້າງບໍລິສັດເຂົ້າຮ່ວມຢ່າງພ້ອມພຽງ.
ສະເພາະໃນປີນີ້, ບໍລິສັດ ຜະລິດ ໄຟຟ້າ ລາວ
ມະຫາຊົນ ໄດ້ກະກຽມເບ້ຍໄມ້ຈຳນວນ 2000 ຕົ້ນ, ເຊິ່ງປະກອບມີ ໄມ້ແຕ້ຂ່າ ແລະ ໄມ້ດູ່ແດງ
ພ້ອມໄດ້ນຳ ພັນປາ ຈຳນວນ 20.000 ໂຕ ໄປປ່ອຍຄືນສູ່ວັງນ້ຳທຳມະຊາດ ທີ່ ອ່າງໂຕ່ງ
ຂອງເຂື່ອນນ້ຳເລິກ ເພື່ອເປັນການຄືນຄວາມອຸດົມສົມບູນສູ່ທຳມະຊາດ. ພ້ອມນັ້ນ
ທາງບໍລິສັດ ໄດ້ມີການປຸກລະດົມທົ່ວສັງຄົມ ໃຫ້ມີສ່ວນຮ່ວມໃນການບໍລິຈາກເຄື່ອງນຸ່ງຫົ່ມ,
ເຄື່ອງກິລາ, ອຸປະກອນການສຶກ ສາໄປມອບໃຫ້ນັກຮຽນໂຮງ ຮຽນປະຖົມສົມບູນ
ບ້ານພູປ່າມັນ
ເມືອງລ້ອງຊານ ແຂວງໄຊສົມບູນ, ລວມມີຈຳນວນ 27 ແກັດ. ນອກນີ້ ທາງບໍລິສັດ ຍັງໄດ້ນຳໃຊ້ທຶນຮອນຂອງຕົນຈຳ
ນວນໜຶ່ງ ເພື່ອຊື້ອຸປະກອນການສຶກສາ, ເຄື່ອງກິລາ ແລະ ຄອມພິວເຕີ ເພື່ອມອບໃຫ້ໂຮງຮຽນປະຖົມສົມບູນ
ບ້ານດັ່ງກ່າວຕື່ມອີກ.
ເຂື່ອນໄຟ້າດັ່ງກ່າວນີ້ແມ່ນໜຶ່ງໃນຈຳນວນ
7 ເຂື່ອນ ທີ່ຂຶ້ນກັບ ບໍລິສັດ ຜະລິດ-ໄຟຟ້າ ລາວ ມະຫາຊົນຄື: ເຂື່ອນນ້ຳງຶ່ມ1, ເຂື່ອນນ້ຳຊອງ,
ເຂື່ອນນ້ຳມັງ 3, ເຂື່ອນເຊເສັດ 1, ເຂື່ອນເຊເສັດ 2, ເຂື່ອນແຊລະບຳ ແລະ ເຂື່ອນໄຟ
ຟ້ານຳ້ເລິກ, ເຊິ່ງໄດ້ຜະລິດກະແສໄຟຟ້າຮັບໃຊ້ພາຍໃນປະເທດ ແລະ ສົ່ງອອກຄືກັບບັນດາເຂື່ອນໄຟຟ້າອື່ນໆທີ່ເປັນການລົງທຶນຈາກພາກເອກກະຊົນ
ຢູ່ ສປປ ລາວ.
ໃນມື້ດຽວກັນ ບໍລິສັດ ເທີນ-ຫີນບູນພາວເວີຈຳກັດ,
ໄດ້ຮ່ວມກັບອຳນາດການປົກຄອງ ເມືອງຫີນບູນ ແຂວງຄຳມ່ວນ, ກໍໄດ້ຈັດພິທີປູກຕົ້ນໄມ້ຂຶ້ນ, ຢູ່ໂຮງໂຮງປະຖົມສົມບູນບ້ານປາກທຶກ
ເມືອງດັ່ງກ່າວ, ໂດຍການເຂົ້ ຮ່ວມຂອງ ທ່ານ ສຸລິເດດ ເບົ້າມະນີໂຄດ, ຮອງອຳນວຍການໃຫຍ່ບໍລິສັດເທີນ-ຫີນບູນ
ພາວເວີ ຈຳກັດ, ມີເຈົ້າເມືອງ ແລະ ອຳນາດການປົກຄອງທ້ອງ ຖິ່ນ, ພ້ອມປະຊາຊົນເຂົ້າຮ່ວມຢ່າງຫລວງຫລາຍ.
ຮອງອຳນວຍການໃຫຍ່ບໍ ລິສັດເທີນ-ຫີນບູນກ່າວໃນພິທີ
ວ່າ: ບໍລິສັດ ໄດ້ຈັດກິດຈະກຳປູກ ຕົ້ນໄມ້ຂຶ້ນ ເປັນປະຈຳທຸກໆ ປີ, ເລີ່ມແຕ່ມີການພັດທະນາເຂື່ອນ
ໄຟຟ້າເທີນ-ຫີນບູນແຕ່ປີ 2009 ເປັນຕົ້ນມາຄື:
2 ປີຜ່ານມາໄດ້ ປູກຢູ່ເຂດເມືອງໂພນ ຄຳ, ເຂດເມືອງໄຊຈຳພອນ ແລະ ປີນີ້ແມ່ນ ໄດ້ມາປູກໃນເຂດເມືອງຫີນບູນ
ແລະ ປີໜ້າຈະຍ້າຍໄປເຂດ ເມືອງຄຳເກີດ, ແຂວງ ຄຳມ່ວນ ແລະ ແຂວງບໍລິຄຳໄຊ ໂດຍແຕ່ ລະປີຈະມີຈຳນວນ
2 ພັນຫາ 5 ພັນຕົ້ນ, ສ່ວນຫຼາຍແມ່ນຕົ້ນໄມ້ໃຫ້ຮົມ, ຕົ້ນໄມ້ ກິນໝາກ ແລະ ຕົ້ນໄມ້ອຸດສາຫະກຳ,
ຫຼັງຈາກປູກແລ້ວໄດ້ມອບໃຫ້ອຳນາດ ການປົກຄອງທ້ອງຖິ່ນ ແລະ ປະຊາຊົນຢູ່ເຂດນີ້ ເປັນຜູ້ເບິ່ງແຍ່ງຮັກສາ,
ເພື່ອເຮັດແນວໃດໃຫ້ຕົ້ນ ໄມ້ທີ່ປູກໄປແລ້ວເຕີບໃຫຍ່ຂະ ຫຍາຍໂຕ ແລະ ໄດ້ນຳໃຊ້ຢ່າງ ຍືນຍົງເພື່ອ
ຮັກສາສິ່ງແວດລ້ອມ ແລະ ແຫຼ່ງນ້ຳຢູ່ເຂດອ້ອມເຂື່ອນ ໄຟຟ້າດັ່ງກ່າວຍາວກວ່າ 80 ກິໂລແມັດ,
ໃຫ້ປົກຫຸ້ມໄປດ້ວຍສີ ຂຽວ.
No comments:
Post a Comment