ສຳນັກຂ່າວໄທ ໃຫ້ຮູ້ວ່າ: ເມື່ອເວລາປະມານ
15:45 ໂມງ ຂອງວັນທີ 25 ມິຖຸນານີ້ ຢູ່ໂຮງໝໍກຸງເທບອຸດອນແຂວງອຸ ດອນທານີ ປະເທດໄທ
ໂດຍຄະນະອຳນວຍການ ແລະ ທີມແພດຊ່ຽວຊານເດັກແດງໂຮງໝໍດັ່ງກ່າວ ໄດ້ຖະແຫລງຂ່າວຕໍ່ສື່ມວນຊົນກ່ຽວກັບຜົນສຳເລັດການປະສົມພັນທຽມໃຫ້ກັບແມ່ຍິງລາວຄົນໜຶ່ງທີ່ມີລູກຍາກຈົນສາມາດໄດ້ລູກແຝດ
5 ຄົນ ແລະ ໄດ້ຜ່າຕັດລູກທັງ 5 ຄົນອອກມາຢ່າງປອດໄພ ໃນວັນທີ 25 ມິຖຸນານີ້
ໃນນີ້ເປັນເພດຊາຍ 2 ຄົນ ແລະ ຍິງ 3 ຄົນ ໂດຍແມ່ ແລະ ລູກ 4 ຄົນ ຈະໄດ້ອອກຈາກໂຮງໝໍພາຍໃນໜຶ່ງອາທິດ,
ສ່ວນເດັກອີກ 1 ຄົນແມ່ນຈະຢູ່ໃນການເບິ່ງແຍງຂອງແພດຕື່ມປະມານ 2-3 ອາທິດ ເນື່ອງຈາກມີນ້ຳໜັກເບົາ.
ທ່ານ ພົນໂທນາຍແພດ ທະວັດໄຊ ອຳນວຍການໂຮງໝໍດັ່ງ
ກ່າວບອກວ່າ: ພໍ່ ແລະ ແມ່ຂອງເດັກນ້ອຍແຝດ 5 ຄົນນີ້ ເປັນນັກ ທຸລະກິດລາວ ອາຍຸ
37 ປີ ແລະ 33 ປີ ເຄີຍມີລູກມາກ່ອນ 1 ຄົນ ເປັນຜູ້ຍິງ ແລະ ຕະຫລອດເວລາ 7 ປີ ມີຄວາມ
ພະຍາ
ຍາມຢາກໄດ້ລູກຕື່ມອີກ ຈຶ່ງໃຊ້ວິທີປະສົມພັນທຽມ (IUI) ຈົນປະສົບຜົນສຳເລັດ
ແລະ ການທີ່ພໍ່ ແລະ ແມ່ເປັນຄົນລາວ ແຕ່ໄປເກີດລູກຢູ່ປະເທດໄທຢ່າງຖືກກົດໝາຍ
ລູກແຝດ 5 ຄົນຈະສາມາດໄດ້ຮັບສິດເປັນຄົນສັນຊາດໄທຕາມສະຖານທີ່ເກີດ, ຂະນະທີ່ພໍ່ແມ່ກໍສາມາດເລືອກສັນຊາດໃຫ້ລູກໄດ້ເຊັ່ນດຽວກັນ.
No comments:
Post a Comment