ເຈົ້າໜ້າທີ່ ປກສ ເມືອງສິງ ແຂວງຫລວງນ້ຳທາ
ໃຫ້ຮູ້ວ່າ: ເມື່ອບໍ່ດົນມານີ້, ກຳລັງເຈົ້າໜ້າ ທີ່ຂອງຕົນສາມາດມ້າງເຄືອຂ່າຍຂະບວນການຄ້າຂາຍຢາເສບຕິດລາຍໃຫຍ່
ໂດຍສາມາດກັກຕົວຜູ້ຕ້ອງຫາມາດຳເນີນຄະດີໄດ້ ຄື ທ້າວ ໃໝ່ ຄຳສອນ ອາຍຸ 48 ປີ ປະຊາຊົນບ້ານນາຄຳ
ເມືອງສິງ ພ້ອມຂອງກາງຢາບ້າ 18 ພັນເມັດ ໂດຍເຈົ້າໜ້າທີ່ກັກຕົວໄດ້ຢູ່ບ້ານພັກແພ່ງ
ໜຶ່ງໃນເຂດເທສະ ບານເມືອງສິງ ແລະ ຜ່ານການສືບສວນ-ສອບສວນຜູ້ຕ້ອງຫາຮັບສາລະພາບຕໍ່ເຈົ້າໜ້າທີ່ວ່າ:
ຢາບ້າທັງໝົດເປັນຂອງຜູ້ກ່ຽວ ໂດຍໄດ້ຊື້ມາຈາກຂະບວນການຄ້າຢາເສບຕິດພາຍໃນເມືອງສິງ
ແລະ ເຈົ້າໜ້າທີ່ກໍໄດ້ນຳກຳລັງເຂົ້າກວດຄົ້ນເຮືອນເປົ້າໝາຍຂອງຂະບວນການດັ່ງກ່າວທີ່
ຖືກຊັກທອດ ແຕ່ເຈົ້າຂອງເຮືອນໄດ້ເອົາຕົວຫລົບໜີການຈັບກຸມຂອງເຈົ້າໜ້າທີ່ໄດ້ທັນ.
ເຈົ້າໜ້າທີ່ເມືອງສິງ ໃຫ້ຮູ້ຕື່ມວ່າ:
ໃນທ້າຍເດືອນພຶດສະພາ 2014 ຜ່ານມານີ້, ກໍສາມາດຈັບຜູ້ຄ້າຂາຍຢາເສບຕິດລາຍໃຫຍ່ໄດ້ໜຶ່ງຄົນ
ຄືທ້າວ ແຮຊໍ ອາຍຸ 42 ປີ ຢູ່ບ້ານນານ້ອຍ ເມືອງສິງ ແຂວງຫລວງນ້ຳທາ ພ້ອມຂອງກາງຢາບ້າ
393 ເມັດ ແລະ ຝິ່ນ 400 ກຣາມ ຈຶ່ງໄດ້ຍຶດເປັນຫລັກຖານ ເພື່ອດຳເນີນຄະດີຕາມລະບຽບກົດໝາຍ.
No comments:
Post a Comment