ການສະເຫລີມສະຫລອງວັນສິ່ງແວດລ້ອມໂລກ ວັນທີ
5 ມິຖຸ ນານີ້ ທີ່ມີຫົວຂໍ້ວ່າ: “ຈົ່ງພ້ອມກັນອອກແຮງປົກປັກຮັກສາຊັບພະ ຍາກອນທຳມະຊາດ
ແລະ ສິ່ງແວດລ້ອມໃຫ້ຍືນຍົງ ສະກັດກັ້ນ ການເພີ່ມຂຶ້ນຂອງລະດັບນ້ຳທະເລ” ນີ້ເປັນສິ່ງທີ່ຮຽກ
ຮ້ອງໃຫ້ປະຊາຄົມໂລກຕ້ອງຮ່ວມແຮງຮ່ວມໃຈໃນການຕ້ານ ແລະ ຮັບມືກັບສະພາບການປ່ຽນແປງຂອງດິນຟ້າອາກາດ
ເພື່ອຄວາມຍືນຍົງຂອງໂລກ ແລະ ປະເທດລາວເຮົາກໍແມ່ນປະເທດໜຶ່ງທີ່ຖືສຳຄັນວຽກງານປົກປັກຮັກສາສິ່ງແວດລ້ອມ
ເພື່ອປະ ກອບສ່ວນຫລຸດຜ່ອນສະພາບໂລກຮ້ອນ ທັງຮັບປະກັນໃຫ້ການພັດທະນາເສດຖະກິດມີຄວາມຍືນຍົງນຳໄປສູ່ການລຶບລ້າງຄວາມທຸກຍາກ.
ໃນສານຂອງນາຍົກລັດ ຖະມົນຕີ ແຫ່ງ ສປປ ລາວ
ທອງສິງ ທຳມະວົງ ເນື່ອງໃນໂອກາດສະເຫລີມສະຫລອງວັນສິ່ງແວດລ້ອມໂລກ 5 ມິຖຸນາ
2014 ນີ້ ໄດ້ລະບຸວ່າ: ສປປ ລາວ ເປັນປະເທດທີ່ມີສິ່ງແວດລ້ອມດີ, ມີຊັບ ພະຍາກອນທຳມະຊາດອຸ
ດົມຮັ່ງ ມີ, ເປັນທ່າແຮງໄດ້ປຽບໃນການພັດທະນາເສດຖະກິດ-ສັງຄົມແຫ່ງຊາດ ເຖິງແມ່ນວ່າ
ສປປ ລາວ ບໍ່ມີຊາຍແດນຕິດທະເລກໍຕາມ. ຕະຫລອດໄລຍະຜ່ານມາ, ພັກ ແລະ ລັດຖະບານ
ໄດ້ມີນະໂຍບາຍອັນເໝາະສົມໃນການຄຸ້ມຄອງນຳໃຊ້
ຊັບພະ ຍາກອນທຳມະຊາດ, ປົກປັກຮັກສາສິ່ງແວດລ້ອມໃຫ້ຍືນຍົງ,
ການຄຸ້ມຄອງໄພພິບັດ ແລະ ການປ່ຽນແປງດິນຟ້າອາກາດ ໂດຍສະເພາະໄດ້ເຊື່ອມສານບັນຫາການປ່ຽນແປງດິນຟ້າອາກາດເຂົ້າໃນກົດ
ໝາຍວ່າດ້ວຍການປົກປັກຮັກສາສິ່ງແວດລ້ອມ, ໄດ້ມີຍຸດທະສາດ, ສ້າງບົດສື່ສານ,
ແຜນດຳເນີນງານແຫ່ງຊາດກ່ຽວກັບການປັບຕົວເຂົ້າກັບການປ່ຽນແປງດິນຟ້າອາກາດ
ແລະ ອື່ນໆ ແລະ ສຳ ຄັນແມ່ນໄດ້ວາງຄາດໝາຍສູ້ຊົນຍົກລະດັບເນື້ອທີ່ປົກຫຸ້ມຂອງປ່າໄມ້ໃຫ້ໄດ້
65% ໃນປີ 2015 ແລະ 70% ໃນປີ 2020. ແນວໃດກໍຕາມ, ເຖິງວ່າພວກເຮົາໄດ້ເອົາໃຈໃສ່ຈັດຕັ້ງປະຕິບັດນະໂຍບາຍທີ່ວາງໄວ້ຈົນສາມາດບັນລຸການເຕີບໃຫຍ່ທາງດ້ານເສດຖະກິດຢ່າງຕໍ່ເນື່ອງ
ແລະ ບັນລຸຜົນສຳເລັດໃນການຫລຸດຜ່ອນຄວາມ ທຸກຍາກເປັນກ້າວໆມາກໍຕາມ, ແຕ່ໃນຕົວຈິງແລ້ວ
ພວກເຮົາຍັງຜະເຊີນກັບບັນຫາການປ່ອຍອາຍກາກໂບນິກສູ່ຊັ້ນບັນຍາ ກາດ. ຈາກການສຳຫລວດໃນປີ
1990 ສະຫລຸບໄດ້ວ່າ: ສປປ ລາວ ມີທ່າແຮງໃນການດຶງດູດຊັບອາຍກາກໂບນິກ (CO2) ປະ
ມານ 121,6 ລ້ານໂຕນຕໍ່ປີ ເມື່ອສົມທຽບໃສ່ການປ່ອຍໃນຂອບເຂດທົ່ວປະເທດມີພຽງ
24,18 ລ້ານໂຕນ, ໃນນັ້ນ ປະມານ 17 ລ້ານໂຕນ ແມ່ນເກີດຈາກການຈູດປ່າ. ສະນັ້ນ ຈຶ່ງຮຽກຮ້ອງມາຍັງປວງຊົນລາວທັງຊາດ,
ການ ຈັດຕັ້ງລັດ ແລະ ເອກະຊົນ ຈົ່ງພ້ອມກັນຕັ້ງໜ້າເຂົ້າຮ່ວມໃນຂະບວນການຫລຸດຜ່ອນສະພາບໂລກຮ້ອນ,
ໃຫ້ມີຈິດສຳນຶກໃນການປົກປັກຮັກສາຊັບພະຍາ ກອນປ່າໄມ້, ເຄື່ອງປ່າຂອງດົງ,
ຊີວະນາໆພັນ, ແຫລ່ງນ້ຳ, ແຮ່ທາດ ແລະ ອື່ນໆ ໃຫ້ຄົງຄວາມອຸດົມສົມບູນ ແລະ ທັງເປັນການປະກອບສ່ວນເຂົ້າໃນການພັດ
ທະນາເສດຖະກິດ-ສັງຄົມ, ສ້າງໃຫ້ ສປປ ລາວ ໃຫ້ຂຽວສະອາດງາມຕາ ແລະ ບັນລຸເປົ້າໝາຍສະ
ຫັດສະວັດດ້ານການພັດທະນາແບບຍືນຍົງໃຫ້ປາກົດຜົນເປັນຈິງ.
No comments:
Post a Comment