ງານວາງສະແດງ ແລະ ຕະ ຫລາດນັດ ວິທະຍາສາດ ແລະ
ເຕັກໂນໂລຊີ ເພື່ອການພັດທະນາ 2014 ຈະໄດ້ຈັດຂຶ້ນເປັນຄັ້ງທຳອິດໃນ ສປປ ລາວ
ແຕ່ວັນທີ 20-26 ມິຖຸນາທີ່ຈະເຖິງນີ້ຢູ່ສູນການຄ້າລາວ-ໄອເຕັກ, ນະຄອນ ຫລວງວຽງຈັນ,
ເພື່ອສະ ຫລອງ ເນື່ອງໃນໂອກາດກອງປະຊຸມວິ ທະຍາສາດ ແລະ ເຕັກໂນໂລຊີ ທົ່ວປະເທດຄັ້ງທຳອິດ
ຊຶ່ງຈະຈັດຂຶ້ນແຕ່ວັນທີ 24-26 ມິຖຸນາ 2014. ເຊິ່ງພິທີຖະ ແຫລ່ງຂ່າວ ງານດັ່ງກ່າວມີຂຶ້ນໃນວັນທີ
9 ມິຖຸນານີ້ຢູ່ໂຮງແຮມລາວພລາ ຊາ, ນະຄອນຫລວງວຽງຈັນ.
ທ່ານລັດຖະມົນຕີວ່າການກະຊວງວິທະຍາສາດ ແລະ
ເຕັກໂນໂລຊີ ສຈ.ດຣ.ບໍ່ວຽງຄຳ ວົງດາລາ ກ່າວວ່າ: ງານດັ່ງກ່າວ ແມ່ນການຮ່ວມມືລະຫວ່າງກະ
ຊວງວິທະຍາສາດ ແລະ ເຕັກໂນໂລຊີ, ສະພາການຄ້າ ແລະ ອຸດ ສາຫະກຳແຫ່ງຊາດ ແລະ
ສະມາ
ຄົມນັກທຸລະກິດໜຸ່ມຈັດຂຶ້ນເປັນຄັ້ງທຳອິດຢູ່ລາວເພື່ອເປີດໂອ ກາດໃຫ້ບັນດາກະຊວງ,
ແຂວງ, ຂະແໜງການ, ສະຖາບັນຄົ້ນ ຄວ້າ, ມະຫາວິທະຍາໄລ, ຜູ້ປະ ກອບການທຸລະກິດ, ບໍລິສັດ,
ໂຮງງານ, ຫ້າງຮ້ານ, ຜູ້ຜະ ລິດ, ຜູ້ບໍລິການທີ່ມາຈາກສູນກາງ ແລະ ທ້ອງຖິ່ນ ໄດ້ມີໂອກາດ
ວາງສະແດງຜົນງານ ແລະ ຜະ ລິດຕະພັນຂອງຕົນອອກສູ່ສັງຄົມ ຊຶ່ງມີປະມານ 500 ກວ່າຮ້ານ
ໂດຍແບ່ງອອກເປັນຫລາຍຂົງເຂດການຜະລິດເຊັ່ນ: ຂົງເຂດການຄົ້ນຄວ້າວິໄຈຂອງບັນດາກະຊວງ
ແລະ ສະຖາບັນ; ພະລັງ ງານ-ວັດສະດຸໃໝ່; ເຕັກໂນໂລຊີຊີວະພາບ ແລະ ການແພດ; ກະ
ສິກຳ, ຫັດຖະກຳ ແລະ ການບໍລິ ການ; ອາຫານ ແລະ ເຄື່ອງດື່ມ; ເຕັກໂນໂລຊີຂໍ້ມູນຂ່າວສານ
ແລະ ເຄື່ອງໃຊ້ໄຟຟ້າ; ຂົນສົ່ງວິ ສະວະກຳ ແລະ ຂົງເຂດອື່ນໆ.
No comments:
Post a Comment