 |
| ພາບປະກອບ |
ຕາມການລາຍງານຈາກກະ ຊວງກະສິກຳ ແລະ ປ່າໄມ້
ໃນອາທິດທຳອິດຂອງເດືອນມິຖຸນານີ້ ເຈົ້າໜ້າທີ່ກວດກາປ່າໄມ້ຢູ່ແຂວງວຽງຈັນ
ແລະ ແຂວງຄຳມ່ວນ ໄດ້ລົງຕິດຕາມເປົ້າໝາຍພ້ອມຢຶດໄມ້ເຖື່ອນທີ່ພວກເຂົາລັກລອບເຄື່ອນຍ້າຍ
ແລະ ນຳສົ່ງໄປຂາຍອອກຕ່າງປະເທດ ມີຈຳນວນໄມ້ທີ່ຢຶດໄດ້ທັງໝົດ 300 ກວ່າແມັດກ້ອນ.
ພ້ອມກັນນີ້ ທາງເຈົ້າໜ້າທີ່ຍັງໄດ້ດຳເນີນຄະ ດີກັບຜູ້ລັກລອບບຸກລຸກຊັບພະຍາ ກອນປ່າໄມ້ຈຳນວນ 2 ຄະດີ ເພື່ອແນໃສ່ເຮັດໃຫ້ການປະຕິບັດ ລະບຽບກົດໝາຍມີຄວາມສັກ
ສິດ.
ຂ່າວໃຫ້ຮູ້ຕື່ມວ່າ: ກ່ອນໜ້ານີ້ໃນເດືອນພຶດສະພາຜ່ານມາ,
ເຈົ້າໜ້າທີ່ກວດກາປ່າໄມ້ປະຈຳຢູ່ແຂວງຫົວພັນ, ແຂວງວຽງຈັນ, ຄຳມ່ວນ ແລະ ແຂວງສາລະວັນ
ໄດ້ລົງກວດກາ ແລະ ຢຶດໄມ້ເຖື່ອນຈາກຜູ້ລັກລອບ ສວຍໂອກາດເຄື່ອນຍ້າຍແບບບໍ່ຖືກຕ້ອງຕາມກົດໝາຍມີຈຳ
ນວນ 5.021 ຕັບ ລວມມີບໍລິມາດ
ປະມານ 90 ກວ່າແມັດກ້ອນ ພ້ອມທັງຢຶດພາຫະນະປະເພດລົດໃຫຍ່ຈຳນວນ
4 ຄັນ ແລະ ຄຽງຄູ່ກັນນີ້ ທາງເຈົ້າໜ້າທີ່ກ່ຽວຂ້ອງຍັງໄດ້ດຳເນີນຄະດີຕໍ່ຜູ້ລັກລອບຈຳນວນ
12 ຄະດີ, ໃນນັ້ນຖືກແກ້ໄຂແລ້ວ 2 ຄະດີ ໂດຍການປັບໄໝນັບວ່າຍັງຕ່ຳຖ້າທຽບໃສ່ບໍລິມາດໄມ້ທີ່ຢຶດໄດ້.
ຜູ້ລາຍງານ ຂ່າວໃຫ້ຮູ້ອີກ ວ່າ: ນີ້ເປັນພຽງສ່ວນໜຶ່ງຂອງການລັກລອບຄ້າ ຂາຍໄມ້ໃນແຕ່ລະເດືອນຜ່ານມາເຊິ່ງກຸ່ມຄົນບໍ່ດີໄດ້ສວຍໃຊ້ໂອ
ກາດເຄື່ອນຍ້າຍໄມ້ໃນທາງທີ່ຜິດກົດໝາຍໂດຍອາໄສຊ່ອງ ຫວ່າງທີ່ເຈົ້າໜ້າທີ່ເຜີຕົວ.
No comments:
Post a Comment