ໃນວັນທີ 18 ມິຖຸນານີ້, ຢູ່ໂຮງແຮມດອນຈັນພາເລດ
ນະຄອນ ຫລວງວຽງຈັນ, ຄະນະກຳມະ ການຄຸ້ມຄອງຫລັກຊັບ ຮ່ວມກັບບໍລິສັດ ແລມໂຮນດິງ
ເບີຫາດ (RAM Holdings Berhad) ແລະ ທະນາຄານ ເພື່ອການລົງທຶນ (MayBank
Investiment Bank) ໄດ້ຈັດກອງປະຊຸມສຳມະນາໃນຫົວຂໍ້ “ການພັດທະນາຕະຫລາດພັນທະບັດຂອງ
ສປປ ລາວ ເພື່ອຄວາມເຕີບໃຫຍ່ ແລະ ການພັດ ທະນາ” (Developing the Lao PDR Bond
Market for Growh and Deve lopment) ໂດຍການເຂົ້າຮ່ວມຂອງທ່ານ ສອນໄຊ ສິດພະໄຊ
ຮອງຜູ້ວ່າການທະນາ ຄານແຫ່ງ ສປປ ລາວ, ທ່ານ ດາໂຕະ ທັນໄທຣິງ ເອກອັກຄາລາ ຊະທູດມາເລເຊຍປະຈຳລາວ,
ມີຜູ້ຕາງໜ້າຈາກທະນາຄານ, ສະຖາບັນການເງິນ, ກະຊວງການເງິນ, ກະຊວງອຸດສາຫະກຳ ແລະ
ການຄ້າເຂົ້າຮ່ວມເປັນຈຳ ນວນຫລາຍ.
ທ່ານຮອງຜູ້ວ່າການທະນາ ຄານແຫ່ງ ສປປ ລາວ
ໄດ້ມີຄຳເຫັນກ່າວເປີດພິທີວ່າ: ການຈັດສຳມະນາຄັ້ງນີ້ເປັນໂອກາດອັນດີທີ່ພວກເຮົາຈະໄດ້ຖອດຖອນບົດ
ຮຽນ ແລະ ແນວຄວາມຄິດທາງດ້ານການລະດົມທຶນຜ່ານຕະ ຫລາດພັນທະບັດ ແລະ ຮຸ້ນກູ້ຈາກປະເທດມາເລເຊຍທີ່ປະສົບຜົນສຳເລັດໃນການພັດທະນາໂຄງລ່າງພື້ນຖານຢູ່ປະເທດເຂົາເຈົ້າມາແລ້ວ
ແລະ ມັນເຖິງເວລາແລ້ວທີ່ພວກເຮົາຈະຕ້ອງໄດ້ຄຳ ນຶງເຖິງຄວາມສຳຄັນໃນການພັດທະນາຕະຫລາດພັນທະບັດ
ເພື່ອແນໃສ່ໃຫ້ການ
ພັດທະນາເສດຖະກິດຂອງປະເທດມີການເຕີບໃຫຍ່ ເນື່ອງຈາກວ່າໃນຕໍ່ໜ້ານີ້
ປະເທດພວກເຮົາຍັງຕ້ອງ ການທຶນຮອນມະຫາສານເພື່ອ ນຳໃຊ້ເຂົ້າໃນການພັດທະນາປະເທດ
ແລະ ກ່ອນພວກເຮົາຈະມີທຶນຮອນຫລວງຫລາຍນັ້ນ ແມ່ນຕ້ອງມີວິທີການຂຸດຄົ້ນແຫລ່ງ
ທຶນທັງຢູ່ພາຍໃນ ແລະ ຕ່າງປະເທດ ເຊິ່ງແນ່ນອນວ່າມັນອາດຫລີກເວັ້ນບໍ່ໄດ້ການກູ້ຢືມຈາກຕ່າງປະເທດ.
ສະນັ້ນ ສິ່ງຈຳເປັນກ່ອນອື່ນໝົດ ພວກເຮົາຕ້ອງຍົກລະດັບການຄຸ້ມຄອງ, ກວດກາລະບົບບັນຊີໃຫ້ມີຄວາມເຊື່ອຖືຕໍ່ສາກົນ.
ທ່ານ ຈອງ ກີ ຊົງ (Chong Kwee Siong) ປະທານກຸ່ມບໍລິສັດ
ແລມ ໂຮນດິງ ເບີຮາດ ໄດ້ກ່າວກ່ຽວກັບບົດຮຽນຢູ່ປະເທດມາເລເຊຍວ່າ: ການລົງທຶນໃສ່ລະບົບໂຄງລ່າງພື້ນຖານຍັງແມ່ນວຽກບູລິມະສິດຂອງລັດຖະບານ
ໂດຍເຫັນໄດ້ຈາກການເພີ່ມຂຶ້ນຂອງການຈັດສັນທຶນໃສ່ແຜນພັດທະ ນາເສດຖະກິດແຕ່ລະໄລຍະ
ແລະ ງົບປະມານພາຍໃນປະເທດມີບົດບາດສຳຄັນໃນການສະໜອງທຶນໃຫ້ແກ່ການພັດທະນາດັ່ງ
ກ່າວ, ແຕ່ຍັງມີຂໍ້ຈຳກັດທີ່ຫລີກເວັ້ນບໍ່ໄດ້ ເປັນຕົ້ນແມ່ນລາຍຮັບຂອງລັດຖະບານ
ແລະ ການຂາດດູນງົບປະມານໃນແຕ່ລະປີ. ແນ່ນອນວ່າຖ້າບໍ່ມີຕະຫລາດທຶນ, ການນຳໃຊ້ງົບປະມານຂອງລັດ
ຖະບານແມ່ນຕ້ອງໄດ້ມີການຈັດອັນດັບບູລິມະສິດບັນດາໂຄງການຕ່າງໆ ແລະ ການຈັດ
ຕັ້ງປະຕິບັດໂຄງການແມ່ນອີງຕາມລຳດັບຄວາມສຳຄັນຂອງ ມັນ, ແຕ່ເມື່ອພວກເຮົາມີຕະ
ຫລາດທຶນແລ້ວໝາຍວ່າພວກ ເຮົາກໍສາມາດລະດົມທຶນຈາກມະ ຫາ ຊົນ ແລະ ພາກເອກະຊົນປະ ກອບສ່ວນເຂົ້າໃນໂຄງການຕ່າງໆສາມາດດຳເນີນໄປພ້ອມໆກັນ
ແລະ ຊຸກຍູ້ບາດກ້າວຂອງການພັດທະນາເສດຖະກິດໄດ້ເປັນຢ່າງດີ. ປັດຈຸບັນ, ມາເລເຊຍໄດ້ນຳເອົາພາກເອກະຊົນເຂົ້າມາມີສ່ວນຮ່ວມໃນການສ້າງໂຮງຈັກໂຮງງານຜະລິດພະລັງງານ,
ກໍ່ສ້າງຖະໜົນຫົນທາງ, ທາງດ່ວນ, ທາງລົດໄຟ ແລະ ອື່ນໆ ໂດຍຜ່ານການພັດທະນາຕະຫລາດພັນທະບັດ
ເຊິ່ງເຫັນວ່າມີຜົນສຳເລັດດີສົມຄວນ ໂດຍມາເລເຊຍໄດ້ສ້າງຕັ້ງຄະນະກຳມະ ການຕະຫລາດພັນທະບັດແຫ່ງຊາດ
ຂຶ້ນໃນປີ 1999 ເພື່ອເຮັດໜ້າທີ່ວາງທິດທາງນະໂຍບາຍລວມ ແລະ ກຳນົດມາດຕະການຄຸ້ມຄອງຢ່າງສອດຄ່ອງຕາມເງື່ອນໄຂຕົວຈິງຂອງສະພາບເສດຖະກິດ.
No comments:
Post a Comment