ກອງປະຊຸມວຽກງານຍຸຕິທຳຄັ້ງທີ 2 ຂອງບັນດາແຂວງຊາຍແດນລາວ-ຫວຽດ ນາມ,
ໄດ້ຖືກຈັດຂື້ນໃນວັນທີ 29 ກໍລະ ກົດນີ້, ທີ່ນະຄອນຫລວງວຽງຈັນ, ໂດຍການໃຫ້ກຽດເຂົ້າຮ່ວມຂອງທ່ານ
ຈະເລີນ ເຢຍປາວເຮີ ກຳມະການສູນກາງພັກ, ລັດຖະມົນ ຕີວ່າການກະຊວງຍຸຕິທຳ ແລະ
ທ່ານ ຮ່າຮຸງ ເກືອງ ກຳມະການສູນກາງພັກ ກອມມູນນິດຫວຽດ ນາມ, ລັດຖະ ມົນຕີວ່າການກະ
ຊວງຍຸຕິທຳ ສສ ຫວຽດ ນາມ ແລະ ຄະນະນຳພະແນກຍຸຕິທຳ ພ້ອມດ້ວຍຜູ້ຕາງໜ້າຂະບວນຍຸຕິທຳ
ຈາກ 10 ແຂວງຂອງລາວ ແລະ 10 ແຂວງຫວຽດນາມທີ່ມີເສັ້ນຊາຍແດນຮ່ວມກັນ.
ໃນບົດປາໃສກ່າວເປີດກອງປະຊຸມຂອງທ່ານ
ລັດຖະມົນຕີ ຈະເລີນ ເຢຍປາວເຮີ ແລະ ທ່ານ
ຮ່າຮຸງ ເກືອງ ຕ່າງກໍໄດ້ຕີລາຄາສູງຕໍ່ການພົວພັນແບບພິເສດ ແລະ ການຮ່ວມມືຮອບດ້ານ
ລະ ຫວ່າງສອງພັກ, ສອງລັດ ແລະ ປະຊາຊົນສອງຊາດລາວ-ຫວຽດ ນາມ, ຊຶ່ງເປັນພື້ນຖານອັນໜັກແໜ້ນ
ໃຫ້ແກ່ການເສີມຂະຫຍາຍການພົວພັນຮ່ວມມືລະຫວ່າງສອງຂະແໜງຍຸຕິທຳລາວ- ຫວຽດນາມ.
ກອງປະຊຸມໄດ້ຕີລາຄາວ່າ: ນັບແຕ່ກອງປະຊຸມວຽກງານຍຸຕິທຳຄັ້ງທຳອິດຂອງບັນດາແຂວງຊາຍແດນລາວ-ຫວຽດນາມ
ທີ່ໄດ້ຈັດຂື້ນເມື່ອເດືອນມິຖຸນາ 2011 ເປັນຕົ້ນມາ, ໄດ້ເຮັດໃຫ້ ການເຄື່ອນໄຫວພົວພັນຮ່ວມມືລະຫວ່າງສອງຂະແໜງການເຊັ່ນ:
ວຽກງານຄຸ້ມຄອງສັນ ຊາດ, ສຳມະໂນຄົວ, ວຽກງານດຳເນີນຄະດີລະຫວ່າງບັນດາແຂວງທີ່ມີຊາຍແດນຕິດຈອດກັນໄດ້ຮັບການຈັດຕັ້ງປະຕິບັດຢ່າງມີໝາກຜົນ.
ພິເສດແມ່ນພະແນກ ຍຸຕິທຳ 7 ແຂວງຂອງລາວ ແລະ ຫວຽດນາມ ໄດ້ຮ່ວມກັນລົງນາມໃນບົດບັນທຶກການຮ່ວມມືທີ່ສອງຝ່າຍໄດ້ຕົກລົງ,
ໂດຍສະເພາະ ແມ່ນວຽກງານຄຸ້ມຄອງຊາດ, ສຳມະໂນຄົວ ແລະ ການສ້າງຄອບຄົວ ໄດ້ດຳເນີນໄປຢ່າງມີຜົນສຳເລັດ,
ອັນໄດ້ປະ ກອບສ່ວນສຳຄັນໃນການສ້າງເງື່ອນໄຂ ແລະ ອຳນວຍຄວາມສະດວກ ໃຫ້ປະຊາຊົນຜູ້ຢູ່ເຂດຊາຍແດນມີຄວາມສະຫງົບປົກກະຕິ.
ໃນກອງປະຊຸມຍັງໄດ້ເນັ້ນເຖິງຄວາມສຳຄັນຂອງການເພີ່ມທະວີການພົວພັນຮ່ວມມືລະ
ຫວ່າງຂະແໜງການຍຸຕິທຳສອງປະເທດດ້ວຍການມີສ່ວນຮ່ວມຂອງບັນດາຂະແໜງການ ແລະ
ທ້ອງຖິ່ນຕ່າງໆ, ພ້ອມອອກແຮງເຮັດວຽກງານໂຄສະນາເຜີຍແຜ່ກ່ຽວກັບລະບຽບກົດໝາຍໃຫ້ປະຊາຊົນຢູ່ເຂດຊົນນະບົດຊາຍແດນຮັບຮູ້,
ເຂົ້າໃຈ ແລະ ຈັດຕັ້ງປະຕິບັດໃຫ້ເກີດດອກອອກຜົນ.
No comments:
Post a Comment