ກະຊວງຖະແຫລ່ງຂ່າວ,
ວັດທະນະທຳ ແລະ ທ່ອງທ່ຽວ, ກະຊວງການຕ່າງ ປະເທດ ແລະ ກະຊວງສຶກສາທິການ ແລະ ກິ ລາ, ໄດ້ຮ່ວມກັນຈັດແຂ່ງຂັນ
ຖາມ- ຕອບຄວາມຮູ້ກ່ຽວກັບອາຊຽນລະດັບຊາດ 2014 (ASEAN Quiz) ຂຶ້ນຢູ່ສູນ ກິລາບູໂດ, ນະຄອນຫລວງວຽງຈັນ,
ໂດຍການເປັນປະທານຂອງທ່ານສະຫວັນ ຄອນ ຣາຊະມຸນຕຣີ ລັດຖະມົນຕີຊ່ວຍວ່າການກະຊວງຖະແຫລ່ງຂ່າວ,
ວັດທະ ນາທຳ ແລະ ທ່ອງທ່ຽວ, ມີຜູ້ຕ່າງໜ້າຈາກບັນດາກະຊວງ, ອົງການຈັດຕັ້ງສາກົນ ປະຈຳລາວ ແລະ
ສະຖາບັນການສຶກສາຕ່າງໆເຂົ້າຮ່ວມເປັນຈຳນວນຫລາຍ.
ທ່ານລັດຖະມົນຕີຊ່ວຍວ່າ ການກະຊວງຖະແຫລ່ງຂ່າວ,
ວັດທະນາທຳ ແລະ ທ່ອງທ່ຽວ ກ່າວວ່າ: ການຈັດແຂ່ງຂັນດັ່ງ ກ່າວກໍເພື່ອໂຄສະນາເຜີຍແຜ່ ຄວາມຮູ້ກ່ຽວກັບອາຊຽນໃຫ້
ຊາວໜຸ່ມເຍົາວະຊົນ, ນັກຮຽນ- ນັກສຶກສາຂອງບັນດາປະເທດ
ສະມາຊິກອາຊຽນເພື່ອຊຸກຍູ້ສົ່ງ ເສີມຄວາມເຂົ້າໃຈໃຫ້ເລິກເຊິ່ງ
ກວ້າງຂວາງ ແລະ ຮ່ວມກັນ ສ້າງວິໄສທັດໃໝ່ກ່ຽວກັບອາ ຊຽນໃຫ້ຄົນຮຸ້ນໃໝ່ເພື່ອອານາ ຄົດຂອງອາຊຽນໂດຍສະເພາະ
ການກ້າວສູ່ປະຊາຄົມເສດຖະກິດອາຊຽນໃນປີ 2015 ທີ່ຈະເຖິງ ແລະ ການແຂ່ງຂັນນີ້ ກໍເພື່ອຄັດ ເລືອກເອົາຊາວໜຸ່ມ,
ນັກຮຽນ- ນັກສຶກສາທີ່ໄດ້ຊະນະເລີດໃນລະດັບຊາດ 3 ຄົນ ໄປຮ່ວມ ແຂ່ງຂັນຖາມ-ຕອບໃນລະດັບອາຊຽນຄັ້ງທີ
6 ທີ່ຈະຈັດຂຶ້ນໃນທ້າຍ ເດືອນສິງຫານີ້ຢູ່ນະຄອນຫລວງຮ່າໂນ້ຍ ສສ ຫວຽດ ນາມ.
ກົມອາຊຽນກະຊວງການ ຕ່າງປະເທດໃຫ້ຮູ້ວ່າ: ການ ແຂ່ງຂັນຖາມ-ຕອບກ່ຽວກັບອາຊຽນນີ້,
ແມ່ນກິດຈະກຳນອນໃນ ແຜນງານສ້າງປະຊາຄົມວັດທະນາທຳ-ສັງຄົມເຊິ່ງເປັນໜຶ່ງໃນ ແຜນພັດທະນາສາມເສົ້າຄ້ຳ
ຫລັກແຫ່ງການສ້າງປະຊາຄົມ ອາ ຊຽນຊຶ່ງເປົ້າໝາຍຕົ້ນຕໍ່ແມ່ນສົ່ງເສີມຄວາມຮັບຮູ້, ເຂົ້າໃຈ
ແລະ ເສີມສ້າງທັດສະນະມຸມ ມອງທີ່ດີ ແລະ ຖືກຕ້ອງກ່ຽວກັບ ອາຊຽນລວມເຖິງການເສີມຂະ ຫຍາຍຄວາມເຂົ້າໃຈຊຶ່ງກັນ
ແລະ ກັນ, ຄວາມສາມັກຄີລະ ຫວ່າງປະຊາຊາດອາຊຽນດ້ວຍກັນ ແລະ ໃນການແຂ່ງຂັນໃນລະດັບພາກພື້ນ
5 ຄັ້ງຜ່ານມານັ້ນ ແມ່ນໄດ້ຮັບຜົນສຳເລັດທີ່ໜ້າ ເພິ່ງພໍໃຈໂດຍຄັ້ງທຳອິດຈັດຂຶ້ນ ໃນ ປີ
2002 ຢູ່ປະເທດໄທ, ຄັ້ງທີ 2 ຈັດຂຶ້ນໃນປີ
2004 ຢູ່ປະເທດ ບຣູໄນ, ຄັ້ງທີ 3 ຈັດຂຶ້ນໃນປີ 2006 ຢູ່ມາເລເຊຍ, ຄັ້ງທີ 4 ຈັດ ຂຶ້ນໃນປີ
2009 ຢູ່ຟີລິບປິນ, ຄັ້ງທີ 5 ຈັດຂຶ້ນໃນປີ 2011 ຢູ່ກຳປູເຈຍ, ຄັ້ງທີ 6 ແມ່ນຈະຈັດຂຶ້ນໃນເດືອນ
ສິງຫາປີ 2014 ຢູ່ຫວຽດນາມ ແລະ ຄັ້ງທີ 7 ແມ່ນ ສປປ ລາວ ຈະໄດ້ຮັບກຽດເປັນເຈົ້າພາບໃນອີກ ປະມານ
2 ຫລື 3 ປີຕໍ່ໜ້າ.
ສຳລັບຜູ້ຊະນະເລີດການ ແຂ່ງຂັນຄັ້ງນີ້ປະກອບມີ:
ນາງ ສຸກພະໄທ ລັງສີ ນັກຮຽນຈາກ ໂຮງຮຽນ ມສ ຈຳປາສັກ, ນາງ ວິໄລລັກ ຣາທິກຸນ ແລະ ນາງ ເກດທິດາ ພວງເພັດ ຈາກໂຮງ ຮຽນ ມສ ນິລະດາ ນະຄອນຫຼວງວຽງຈັນ.
No comments:
Post a Comment