ເຈົ້າໜ້າທີ່ ປກສ ເມືອງອຸ ທຸມພອນ ແຂວງສະຫວັນນະເຂດ
ໃຫ້ຮູ້ວ່າ: ເມື່ອບໍ່ດົນມານີ້, ເຈົ້າ ໜ້າທີ່ຂອງຕົນສາມາດມ້າງແກ໊ງ ລັກລົດຈັກຕົວອັນຕະລາຍຢູ່ພາຍໃນເມືອງດັ່ງກ່າວ
ໂດຍສາມາດຈັບຜູ້ຕ້ອງຫາໄດ້ ຄືທ້າວ ວິກທະ ຍາ ອາຍຸ 14 ປີ, ທ້າວ ສີທຸຍ ອາຍຸ 30
ປີ ຢູ່ບ້ານເຊບັ້ງຫຽງ ເມືອງສອງຄອນ, ທ້າວ ຈັນທະວອນ ອາຍຸ 29 ປີ ແລະ ທ້າວ ພູເພັດ
ອາຍຸ 25 ປີ ຢູ່ບ້ານໄຊສົມບູນ ເມືອງອຸທຸມພອນ ແຂວງສະ ຫວັນນະເຂດ ໂດຍຜູ້ຕ້ອງຫາທັງ
4 ຮັບສາລະພາບວ່າ: ພວກຕົນໄດ້ຮ່ວມກັນເຄື່ອນໄຫວລັກລົດຈັກຢູ່ໃນແຂວງສະຫວັນນະເຂດມາດົນແລ້ວ
ແລະ ໄດ້ນຳລົດດັ່ງ ກ່າວໄປສົ່ງຂາຍໃຫ້ເປົ້າໝາຍສັ່ງ ຊື້ຂອງລູກຄ້າໃນລາຄາ
18-25 ພັນບາດ (ສະກຸນເງິນໄທ) .
ເຈົ້າໜ້າທີ່ ໃຫ້ຮູ້ຕື່ມວ່າ: ພວກກ່ຽວແມ່ນຂະບວນການລັກລົດລາຍໃຫຍ່ຕົວອັນຕະລາຍ
ແລະ ມີເຄືອຂ່າຍກວ້າງຂວາງ ເຊິ່ງເຈົ້າ ໜ້າທີ່ຍັງຈະສືບສວນ-ສອບສວນ ເພື່ອຂະຫຍາຍຜົນໄປເຖິງຜູ້ຮ່ວມຂະບວນການທີ່ເປັນໄພຕໍ່ສັງຄົມມາດຳເນີນຄະດີຕາມລະບຽບກົດ
ໝາຍໃຫ້ໄດ້.
No comments:
Post a Comment