ພາຍຫລັງທີ່ມີແຈ້ງເຕືອນກ່ຽວກັບພາຍຸຣາມມະສູນພັດເຂົ້າພາກເໜືອ
ແລະ ພາກກາງຂອງລາວລະຫວ່າງວັນທີ 18-22 ກໍລະກົດຜ່ານມານີ້, ຂະແໜງອຸຕຸ ນິຍົມ
ແລະ ອຸທົກກະສາດ ແຂວງຄຳມ່ວນຍັງຕິດຕາມສະພາບດັ່ງ ກ່າວຢ່າງໃກ້ຊິດເພື່ອຫລີກລ້ຽງ
ຄວາມເສຍຫາຍທີ່ຈະເກີດຂື້ນທາງດ້ານຊີວິດ ແລະ ຊັບສິນຂອງປະຊາ ຊົນທີ່ອາໃສຢູ່ເລາະລຽບຕາມແມ່ນ້ຳຂອງ
ແລະ ສາ ຂາຕ່າງໆ.
ທ່ານ ນາງ ເທບສຸດາ ບຸນຊະນະ ຮອງຫົວໜ້າຂະແໜງອຸຕຸ
ນິຍົມ ແລະ ອຸທົກກະສາດ ແຂວງຄຳມ່ວນ ໄດ້ໃຫ້ຮູ້ວ່າ: ນັບແຕ່ ເຂດເມືອງເຊບັ້ງໄຟລົງໄປຮອດເມືອງໝອງບົກ
ໄດ້ມີຫລາວັດແທກລະດັບນ້ຳ 3 ສະຖານີຄື: ບ້ານໄຮ່ ເມືອງຍົມມະລາດ, ບ້ານໂພວາ
ເມືອງມະຫາໄຊ ແລະ ບ້ານຂົວເຊ ເມືອງເຊບັ້ງໄຟ, ສະ ຖານີວັດແທກທັງສາມຈຸດນີ້,
ໄດ້ຕິດຕາມລະດັບນ້ຳເຊບັ້ງໄຟທຸກໆເຊົ້າ-ແລງ ທັງລະດູຝົນ ແລະ ລະ ດູແລ້ງເປັນປະຈຳ
ພ້ອມທັງລາຍງານໃຫ້ອຸຕຸນິຍົມ-ອຸທົກກະສາດ ສູນກາງ, ແຂວງ, ສະຖານີວິທະຍຸ ແລະ
ໂທລະພາບຮັບຊາບເປັນປະ ຈຳ. ໂດຍອີງຕາມການແຈ້ງ
ການຂອງກົມອຸຕຸນິຍົມ ແລະ ອຸທົກກະສາດທີ່ໄດ້ແຈ້ງເຕືອນກ່ຽວກັບພາຍຸຣາມມະສູນທີ່ຄາດວ່າຈະພັດເຂົ້າມາລາວໃນວັນທີ
18- 22 ກໍລະກົດ ທີ່ຜ່ານມານັ້ນ ຈະເຮັດໃຫ້ເກີດມີຝົນຕົກປານກາງ ຫາຕົກໜັກ
ແລະ ມີລົມແຮງຢູ່ພາກເໜືອ ແລະ ພາກກາງຂອງລາວ ແຕ່ເມື່ອພາຍຸຫົວດັ່ງກ່າວພັດຮອດປະເທດຫວຽດນາມ
ກໍໄດ້ສະຫລາຍຕົວເປັນລົມມໍລະສຸມ ແລະ ໄດ້ມີຝົນຕົກທຳມະດາ ເຊິ່ງບໍ່ໄດ້ນຳຜົນເສຍຫາຍຫຍັງຕໍ່ແຂວງຄຳມ່ວນ.
ສຳລັບເມືອງທ່າແຂກປະລິມານນ້ຳຝົນໃນໄລ ຍະພາຍຸເຂົ້າມີປະລິມານ 46,2 ມີລີແມັດ,
ລະດັບນ້ຳຂອງວັນທີ 22/7/2014 ວັດແທກໄດ້ 9,30 ແມັດ, ວັນທີ 23/7/2014 ວັດແທກໄດ້
9,09, ປະລິມານນ້ຳຝົນ 5,7 ມີລີແມັດ, ວັນທີ 24/7/2014 ວັດແທກໄດ້ 8,84 ແມັດ, ປະ
ລິມານນ້ຳຝົນ 14,6 ມີລີແມັດ ແລະ ເຫັນໄດ້ວ່າໃນໄລຍະນີ້ລະ ດັບນ້ຳຂອງໄດ້ຫລຸດລົງແລ້ວຖ້າທຽບໃສ່ສອງສາມວັນທີ່ຜ່ານມາ.
No comments:
Post a Comment