ສະພາແຫ່ງຊາດ ໄດ້ຮັບຮອງເອົາກົດໝາຍວ່າດ້ວຍອາກອນມູນຄ່າເພີ່ມສະບັບປັບປຸງດ້ວຍສຽງສ່ວນຫລາຍ
ໃນວັນທີ 23 ກໍລະກົດນີ້ ເຊິ່ງກົດໝາຍດັ່ງກ່າວປະກອບມີ 10 ພາກ, 12 ໝວດ, 66 ມາດຕາ,
ໃນນັ້ນ ປັບປຸງໃໝ່ 24 ມາດຕາ ແລະ ເພີ່ມເຂົ້າໃໝ່ 20 ມາດຕາ ແລະ ຮັກສາໄວ້ 22 ມາດຕາ
ໂດຍກ່ອນໜ້ານີ້ ກົດ ໝາຍດັ່ງກ່າວມີພຽງ 7 ພາກ, 13 ໝວດ, 55 ມາດ ຕາ.
ທ່ານ ບຸນໂຈມ ອຸບົນປະເສີດ ລັດຖະມົນຕີຊ່ວຍວ່າການກະ
ຊວງການເງິນ ໄດ້ສະເໜີໃຫ້ຮູ້ວ່າ: ໃນກອງປະຊຸມສະໄໝສາ ມັນເທື່ອທີ 2 ຂອງສະພາແຫ່ງຊາດ
ຊຸດທີ VI ໄດ້ຮັບຮອງເອົາກົດໝາຍວ່າດ້ວຍອາກອນມູນຄ່າເພີ່ມ ແລະ ເລີ່ມຈັດຕັ້ງປະຕິ
ບັດໃນປີ 2010. ຜ່ານການຈັດຕັ້ງປະ ຕິບັດເປັນເວລາ 4 ປີກວ່າ ເຫັນວ່າກົດໝາຍດັ່ງກ່າວມີທັງດ້ານຕັ້ງໜ້າ
ແລະ ຈຳກັດ. ໃນດ້ານຕັ້ງໜ້າກົດໝາຍດັ່ງກ່າວແມ່ນແທດເໝາະກັບສະພາບການຂະ ຫຍາຍຕົວຂອງເສດຖະກິດ-ສັງ
ຄົມ, ສາມາດສ້າງລາຍຮັບ
ໃຫ້ແກ່ງົບປະມານແຕ່ລະປີເພີ່ມຂຶ້ນ ແລະ ກວມເອົາປະມານ
26% ຂອງລວມຍອດລາຍຮັບສ່ວຍສາອາກອນທັງໝົດ; ດ້ານຈຳກັດເຫັນວ່າຍັງມີຫລາຍເນື້ອໃນບໍ່ທັນໄດ້ຖືກກຳນົດເຂົ້າໃນກົດໝາຍ,
ມີຫລາຍເນື້ອໃນກຳນົດບໍ່ຈະ ແຈ້ງ, ກົນໄກການຈັດເກັບບໍ່ໄປຕາມຫລັກການຂອງອາກອນມູນຄ່າເພີ່ມ
ແລະ ລະບຽບການຂອງອົງການການຄ້າໂລກ. ດັ່ງນັ້ນ ຈຶ່ງຈຳເປັນໃນການປັບປຸງ ເພື່ອໃຫ້ກົດໝາຍສະບັບດັ່ງກ່າວມີເນື້ອໃນສົມບູນ,
ຈະແຈ້ງ, ແທດເໝາະກັບການຂະຫຍາຍຕົວຂອງເສດຖະກິດ-ສັງ ຄົມໃນປັດ ຈຸບັນ ກໍຄືໃນອະນາຄົດຕໍ່ໜ້າ,
ທັງໃຫ້ຮັບປະກັນໃນການຂຸດຄົ້ນ ລາຍຮັບໃຫ້ແກ່ງົບປະມານແຫ່ງລັດໃຫ້ໝັ້ນຄົງ,
ແທດເໝາະກັບກົດໝາຍສົ່ງເສີມການລົງທຶນ, ແກ້ໄຂບັນຫາກ່ຽວກັບການເກັບອາກອນຈາກຊັບພະຍາກອນທຳມະຊາດ,
ການຫັກ, ການສົ່ງຄືນ ແລະ ບັນຫາອື່ນໆ. ກ່ອນມີກົດ ໝາຍອາກອນມູນຄ່າເພີ່ມແມ່ນໄດ້ນຳໃຊ້ອາກອນຕົວເລກທຸລະກິດທີ່ມີ
2 ອັດຕາຄື 5%, 10% ແລະ ຈັດເກັບຈາກການນຳເຂົ້າ ສິນຄ້າ, ການຂາຍສິນຄ້າ ແລະ ການບໍລິການພາຍໃນປະເທດ.
No comments:
Post a Comment