ໂຄງການກໍ່ສ້າງນ້ຳລິນ
ຢູ່ບ້ານນາເລືອງ ເມືອງຫີນເຫີບ ແຂວງວຽງຈັນ ໂດຍການສ ໜັບສະໜູນທຶນຮອນ ຈາກຄະນະ
ປະສານງານອາສາສະໜັກ ມະຫາວິທະ ຍາໄລສິງກະໂປ ໄດ້ດຳເນີນການກໍ່ສ້າງມາແຕ່ວັນທີ
14 ພຶດສະພາ 2014 ແລະ ມາ ຮອດ ປັດຈຸບັນໄດ້ສຳເລັດສົມບູນແລ້ວ, ຊຶ່ງພິທີມອບ-ຮັບ ແລະ
ເປີດການນຳໃຊ້ ໄດ້ຈັດຂຶ້ນ ໃນວັນທີ 24 ກໍ ລະກົດນີ້ ລະ ຫວ່າງ ທ່ານ ປີເຕີ ທານ
(PETER TAN) ຫົວໜ້າປະສານງານອາສາສະໝັກນັກ ຮຽນມະຫາວິທະຍາໄລ ສິງກະໂປ ແລະ ທ່ານ
ຄຳໃສ ວັນດີວົງ ນາຍບ້ານບ້ານນາເລືອງ.
ໂຄງການກໍ່ສ້າງນ້ຳລິນແຫ່ງ ນີ້ເປັນແຫ່ງທີ
2 ຂອງເມືອງຫີນເຫີບທີ່ໄດ້ຮັບການຊ່ວຍເຫລືອຈາກມະຫາວິທະຍາໄລສິງກະ ໂປທັດຈາກໂຄງການທຳອິດກໍ່ສ້າງຂຶ້ນຢູ່ບ້ານນາພອກ
ໃນປີ 2013 ຜ່ານມາ. ໂຄງການນີ້ ໄດ້ສ້າງຂຶ້ນດ້ວຍການກໍ່ສ້າງອ່າງເກັບນ້ຳທີ່ຕົກຈາກຜາ ຈຳນວນ 2 ອ່າງ ແຕ່ລະອ່າງເກັບນ້ຳໄດ້ 6000 ລິດ, ພ້ອມທັງໄດ້ວາງທໍ່ ຈາກອ່າງເກັບນ້ຳຫົວງານ
ເຂົ້າມາ
ໃສ່ອ່າງແຈກນ້ຳ ແລະ ຕິດຕັ້ງກ໋ອກນ້ຳມີ 14 ກ໋ອກ, ສາມາດອຳ ນວຍຄວາມສະດວຍໃຫ້ແກ່ປະ
ຊາຊົນ 55 ຫລັງຄາເຮືອນໃນ ບ້ານດັ່ງກ່າວໄດ້ຊົມໃຊ້ນ້ຳສະ ອາດຢ່າງພຽງພໍ. ໃນໄລຍະຜ່ານມາຄະນະປະສານງານອາສາສະໜັກດັ່ງກ່າວຍັງໄດ້ປະກອບ
ສ່ວນໂຮງຮຽນປະຖົມສົມບູນ, ນ້ຳລິນ ແລະ ສິ່ງສາທາລະນະປະໂຫຍດອື່ນໆໃຫ້ແກ່ປະຊາຊົນ
ເມືອງຫີນເຫີບ ຢ່າງມີຜົນສຳ ເລັດປະກອບສ່ວນເຂົ້າໃນການແກ້ໄຂຄວາມທຸກຍາກຂອງປະ ຊາຊົນລາວເວົ້າລວມ
ແລະ ເວົ້າສະເພາະກໍແມ່ນປະຊາຊົນເຂດເມືອງຫີນເຫີບໃຫ້ສາມາດຫລຸດພົ້ນອອກຈາກສະພາບດ້ອຍພັດ
ທະນາຕາມເປົ້າໝາຍທີ່ລັດຖະ ບານ ສປປ ລາວ ກຳນົດໄວ້.
ບ້ານນາເລືອງ ເມືອງຫີນເຫີບ ແຂວງວຽງຈັນ
ມີ 55 ຫລັງ ຄາເຮືອນ, ມີພົນລະເມືອງທັງໝົດ 298 ຄົນ, ຍິງ 136 ຄົນ. ປະຊາຊົນສ່ວນໃຫຍ່ແມ່ນຢຶດຖືອາຊີບປູກເຂົ້າ,
ລ້ຽງສັດເປັນຕົ້ນຕໍ.
No comments:
Post a Comment