ປກສ ສະຫວັນນະເຂດຈັບໂຈນມືກາວຕົວອັນຕະລາຍມາດຳເນີນຄະດີ

       ທ້າວ ໂມທອງ ອາຍຸ 15 ປີ ຢູ່ບ້ານໂພນສະຫວ່າງເໜືອ, ເມືອງໄກສອນພົມວິການ, ແຂວງ ສະຫວັນນະເຂດ, ຖືກເຈົ້າ ໜ້າທີ່ ປກສ ແຂວງສະຫວັນນະເຂດ ຈັບຕົວມາດຳເນີນຄະດີ ຕາມ ລະບຽບກົດໝາຍເມື່ອກາງ ເດືອນກໍລະກົດນີ້ໃນຂໍ້ຫາ ລັກຊັບ, ເຊິ່ງໃນເວລາປະມານ 19:00 ໂມງຂອງວັນທີ 14 ກໍລະກົດ 2014 ທ້າວໂມທອງໄດ້ງັດປ່ອງ ຢ້ຽມເຮືອນປະຊາຊົນ ຫລັງໜຶ່ງ ໃນເຂດບ້ານໂພນສະຫວ່າງເໜືອເມືອງໄກສອນພົມວິຫານແລ້ວ ໄດ້ກວາດເອົາຊັບສີນໃນເຮືອນ ຫລັງດັ່ງກ່າວໄປຄື: ຄຳຮູບປະພັນໜັກ 6 ບາດກັບ 2 ສະ ຫລຶງ, ເງິນສົດ 5 ລ້ານກວ່າກີບ, ບັດ ເຕີມໂທລະສັບມູນຄ່າ 5 ແສນ ກວ່າກີບ ແລະ ໂທລະສັບໜຶ່ງໜ່ວຍ.