laophatthananewspaper: ກະຊວງສຶກສາມີມາດຕະການເດັດຂາດຕໍ່ຜູ້ນຳໃຊ້ໃບປະກາດປອມ

ຮອງນາຍົກລັດຖະມົນຕີ, ລັດຖະມົນຕີວ່າການກະຊວງສຶກສາທິການ ແລະ ກິລາ ທ່ານ ດຣ. ພັນຄຳ ວິພາວັນ ໄດ້ຊີ້ແຈງກ່ຽວກັບບັນຫາການປອມແປງໃບປະ ກາສະນີຍະບັດຕໍ່ກອງປະຊຸມສະໄໝສາມັນ ເທື່ອທີ 7 ຂອງສະພາແຫ່ງຊາດ ໃນທ້າຍອາທິດຜ່ານມາ, ຊຶ່ງແມ່ນປະກົດການຫຍໍ້ທໍ້ຂອງຂະແໜງການສຶກສາໃນປັດ ຈຸບັນ ໂດຍບັນຫານີ້ນັບວ່າມີລັກສະນະສືບຕໍ່ແຜ່ລາມ, ທາງກະຊວງສຶກສາທິການ ແລະ ກິລາຮ່ວມກັບພາກສ່ວນກ່ຽວຂ້ອງດຳເນີນມາດຕະການສະກັດກັ້ນປາກົດການດັ່ງກ່າວໃຫ້ມີຄວາມສະຫງົບໃນທົ່ວສັງຄົມ.

ທ່ານ ຮອງນາຍົກລັດຖະມົນຕີ ໄດ້ຢືນຢັນວ່າ: ບັນຫານີ້ໄດ້ເກີດຂຶ້ນຍ້ອນແນວຄິດສວຍໂອກາດ, ເຫັນແກ່ຕົວ, ຕົວະຕົ້ມຕົນເອງ, ການຈັດຕັ້ງ, ສັງຄົມ ແລະ ບໍ່ນັບ ຖືລະບຽບກົດໝາຍ. ໃນໄລຍະຜ່ານມາກະຊວງສຶກສາທິການ ແລະ ກິລາ ໄດ້ກວດພົບເຫັນປະ ກາສະນີຍະບັດປອມຈົບຊັ້ນມັດທະຍົມຕອນປາຍຈຳນວນ 176 ໃບ ແລະ ຈົບບາງຄະນະຂອງມະຫາວິທະຍາໄລແຫ່ງຊາດຈຳ ນວນໜຶ່ງທີ່ຢູ່ໃນການຄອບຄອງຂອງຜູ້ນຳໃຊ້ ແລະ ໄດ້ກວດພົບບຸກຄົນຈຳນວນໜຶ່ງທີ່ຜະລິດ ແລະ ອອກໃບ

ປະກາດປອມ. ຕໍ່ບັນຫາດັ່ງກ່າວກະຊວງສຶກສາທິການ ແລະ ກິລາ ໄດ້ດຳເນີນບາງມາດຕະການທີ່ສຳຄັນຄື: ຕໍ່ຜູ້ທີ່ມີ ແລະ ນຳໃຊ້ໃບປະກາດປອມທາງກະຊວງສຶກສາທິການ ແລະ ກິລາ ແລະ ມະຫາວິທະຍາໄລແຫ່ງຊາດ ໃນຖານະຜູ້ຮັບຜິດ ຊອບອອກໃບປະກາດທີ່ຖືກຕ້ອງຕາມກົດໝາຍໄດ້ອອກຄຳສັ່ງລົບລ້າງປະກາສະນີຍະບັດປອມດັ່ງກ່າວ ພ້ອມສັ່ງໃຫ້ໂຈະການຮຽນໂດຍທັນທີ ສຳລັບຜູ້ທີ່ກຳລັງຮຽນຢູ່ໃນສະຖາບັນອາຊີວະສຶກ ສາ ແລະ ມະຫາວິທະຍາໄລທັງພາກລັດ ແລະ ເອກະຊົນ, ສຳລັບຜູ້ທີ່ຮຽນຈົບ ຫລື ຜູ້ທີ່ເປັນພະ ນັກງານແລ້ວນັ້ນ ໄດ້ແຈ້ງໃຫ້ກົມກອງຜູ້ກ່ຽວຮັບຊາບ ແລະ ສະເໜີໃຫ້ພາກສ່ວນກ່ຽວຂ້ອງປະຕິ ບັດວິໃນຕໍ່ຜູ້ກ່ຽວຕາມລະບຽບຫລັກການພ້ອມດຽວກັນກໍໄດ້ສົ່ງສຳນວນລາຍຊື່ພວກກ່ຽວໃຫ້ເຈົ້າໜ້າທີ່ສືບຕໍ່ດຳເນີນຕາມລະ ບຽບກົດໝາຍ. ສະເພາະຕໍ່ຜູ້ຜະ ລິດ ແລະ ອອກໃບປະກາດປອມ ທາງກະຊວງສຶກສາທິການ ແລະ ກິລາ ໄດ້ສົມທົບ ແລະ ລາຍງານໃຫ້ເຈົ້າໜ້າທີ່ກ່ຽວຂ້ອງນຳເອົາພວກກ່ຽວໄປລົງໂທດຕາມລະ ບຽບກົດໝາຍ.

ທ່ານ ຮອງນາຍົກລັດຖະມົນຕີ ລັດຖະມົນຕີວ່າການກະຊວງສຶກ ສາທິການ ແລະ ກິລາ ຍັງໄດ້ຍົກໃຫ້ເຫັນວິທີການແກ້ ໄຂລວມກ່ຽວກັບການປອມແປງໃບປະ ກາດ, ຊຶ່ງໃນນີ້ລັດຖະມົນຕີກະ ຊວງສຶກສາທິການ ແລະ ກິລາ ນອກຈາກ ໄດ້ອອກຄຳສັ່ງໃຫ້ທຸກອົງການຈັດຕັ້ງທັງພາກລັດ ແລະ ເອກະຊົນ ໃນທົ່ວປະເທດ ໂດຍມອບໃຫ້ທຸກອົງການຈັດຕັ້ງທີ່ກ່ຽວຂ້ອງເປັນເຈົ້າການຕິດ ຕາມ ແລະ ກວດກາເອກະສານຢັ້ງຢືນວຸດທິການສຶກສາຜູ້ທີ່ຢູ່ໃນການຄຸ້ມຄອງຂອງອົງການຕົນ ນັບທັງຜູ້ສະໝັກເຂົ້າເຮັດວຽກໃໝ່ຖ້າພົບເຫັນຜູ້ທີ່ນຳໃຊ້ໃບປະ ກາດປອມກໍໃຫ້ດຳເນີນໄປຕາມລະບຽບກົດໝາຍ. ກະຊວງສຶກ ສາທິການ ແລະ ກິລາ ຈະໄດ້ປັບ ປຸງຄືນໃໝ່ລະບົບການຕິດຕາມການເຂົ້າຮຽນ, ຜົນການຮຽນ ແລະ ການເຄື່ອນຍ້າຍຂອງນັກ ຮຽນ-ນັກສຶກສາແຕ່ລະຄົນນັບແຕ່ມື້ເຂົ້າຮຽນປີທີ 1 ຫລື ປີກຽມຈົນຮອດປີສຸດທ້າຍຂອງຊັ້ນຮຽນນັ້ນໆ, ຈະປັບປຸງລະບົບການກວດກາສົ້ນເຂົ້າ ແລະ ສົ້ນອອກຂອງນັກຮຽນ-ນັກສຶກສາແຕ່ລະຊັ້ນແຕ່ລະສາຍໃນແຕ່ລະລຸ້ນໃຫ້ເຄັ່ງຄັດ, ຊັດເຈນ ແລະ ເດັດຂາດ, ໂດຍນຳໃຊ້ລະບົບອີເລັກໂທນິກ, ເວບໄຊໃຫ້ເຊື່ອມສານຫາກັນໄດ້ສະດວກຂຶ້ນລະຫວ່າງຂະແໜງການສຶກສາ ແລະ ກິລາກັບພາກສ່ວນກ່ຽວຂ້ອງອື່ນໆ. ປັບປຸງ ແລະ ແບ່ງຄວາມຮັບຜິດ ຊອບຄືນໃໝ່ການແບ່ງຂັ້ນຄຸ້ມຄອງລະຫວ່າງກະຊວງສຶກສາທິ ການ ແລະ ກິລາ ກັບທ້ອງຖິ່ນ ແລະ ສະຖາບັນການສຶກສາກ່ຽວກັບການຄຸ້ມຄອງ, ການຜະລິດ ແລະ ການອອກໃບປະກາດຈົບຊັ້ນຂອງແຕ່ລະຊັ້ນຮຽນ. ພິເສດທົ່ວສັງຄົມຕ້ອງເປັນເຈົ້າການຮ່ວມກັນໃນການຕ້ານ, ສະກັດກັ້ນ ແລະ ແກ້ໄຂບັນຫາດັ່ງ ກ່າວ ໂດຍເລີ່ມຈາກບໍ່ໃຫ້ຄວາມຮ່ວມມືກັບກຸ່ມຄົນທີ່ເຄື່ອນໄຫວເພື່ອປອມແປງໃບປະກາດ, ບໍ່ເຮັດ, ບໍ່ໃຊ້ໃບປະກາດປອມ, ສົ່ງຂໍ້ມູນທີ່ກ່ຽວຂ້ອງກັບການປອມແປງໃບປະກາດໃຫ້ພາກສ່ວນກ່ຽວຂ້ອງ ແລະ ເຈົ້າໜ້າທີ່ຮັບຊາບໂດຍດ່ວນ ເພື່ອແກ້ໄຂຕາມລະບຽບກົດໝາຍຢ່າງທັນການ.