ໃນວັນທີ 10 ກໍລະກົດ 2014 ນີ້ ກົມລ້ຽງສັດ ແລະ ການປະມົງກະຊວງກະສິກຳ ແລະ ປ່າໄມ້ໄດ້ມອບພາຫະນະລົດກະບະຍີ່ຫໍ
ຟອດແລນເຈີ້ ຈຳນວນ 5 ຄັນ ໃຫ້ເຈົ້າໜ້າທີ່ສັດຕະວະເພດ ປະ ຈຳດ່ານຊາຍແດນສາກົນ
ຈຳ ນວນ 5 ແຫ່ງ ຂອງບັນດາແຂວງພາກເໜືອ, ກາງ ແລະ ໃຕ້ ເພື່ອນຳໃຊ້ເຂົ້າໃນການຕິດຕາມກວດ
ກາການເຄື່ອນຍ້າຍສັດ ແລະ ຊິ້ນສ່ວນຂອງສັດຜ່ານແດນດັ່ງກ່າວ ໃຫ້ຖືກຕ້ອງ ຕາມລະບຽບກົດ
ໝາຍ ແລະ ຮັບປະກັນປອດໄພ ພາຍໃຕ້ໂຄງການປັບປຸງຂີດ ຄວາມອາດສາມາດດ້ານສຸຂານະໄມ
ແລະ ສຸຂານະໄມພືດ ເພື່ອອຳນວຍຄວາມສະດວກທາງດ້ານການຄ້າໃນເຂດອານຸພາກພື້ນລຸ່ມແມ່ນ້ຳຂອງ
( SPS-GMS ).
ພິທີມອບ-ຮັບ ລົດດັ່ງກ່າວໄດ້ຈັດຂຶ້ນທີ່ກົມລ້ຽງສັດກະ
ຊວງກະສິກຳ ແລະ ປ່າໄມ້ລະ ຫວ່າງທ່ານ ດຣ. ບຸນຂວາງ ຄຳບຸນເຮືອງ ຫົວໜ້າລ້ຽງສັດ ແລະ ການປະມົງ
ແລະ ຜູ້ຕາງໜ້າເຈົ້າໜ້າທີ່ສັດຕະວະເພດປະຈຳດ່ານສາກົນໃນຈຳນວນ 5 ດ່ານ
ຄື: ດ່ານກວດກາສາກົນແກ່ນທ້າວ
ແຂວງໄຊຍະບູລີ, ດ່ານກວດກາສາກົນຂົວມິດຕະພາບ 1 ທ່ານາແລ້ງ ນະຄອນຫລວງວຽງຈັນ,
ດ້ານສາກົນ ທາງເລກ 8 ນ້ຳກັ່ນ ແຂວງຊຽງຂວາງ, ດ້ານສາກົນ ທາງເລກ 9 ແດນສະຫວັນ ແຂວງສະຫວັນນະເຂດ
ແລະ ດ່ານສາກົນຊ່ອງເມັກ ແຂວງຈຳ ປາສັກ
ພາຍໃຕ້ການສະໜັບສະ ໜູນຂອງໂຄງການທະນາຄານ ພັດທະນາອາຊີ (ADB) ຕົກເປັນມູນຄ່າ
ທັງໝົດຫຼາຍກ່ວາ 1,3 ຕື້ກີບ ເພື່ອປະກອບສ່ວນເຂົ້າໃນການປັບປຸງຂິດຄວາມສາມາດ ທາງດ້ານການກວດກາສຸຂະ
ພາບສັດ ແລະ ຊິ້ນສ່ວນຂອງສັດປະເພດຕ່າງໆທີ່ນຳເຂົ້າ ແລະ ສົ່ງອອກຜ່ານຊາຍແດນແຕ່ລະແຫ່ງ
ຖ້າຫາກນຳໃຊ້ໃຫ້ໝົດຄຸນປະໂຫຍດ ແລະ ຄາດວ່າຖ້າ ມີ ປະສິດທິຜົນ, ຜູ້ໃຫ້ການສະໜັບ
ສະໜູນຈະສືບຕໍ່ຊ່ວຍເຫລືອຕື່ມ ອີກໃຫ້ຄົບໃນຈຳນວນ 25 ດ່ານ ຊາຍແດນໃນທົ່ວປະເທດເພື່ອ
ຮອງຮັບການເຂົ້າເປັນປະຊາຄົມເສດຖະກິດອາຊຽນໃນປີ 2015 ທີ່ຈະມາເຖິງ.
No comments:
Post a Comment