ພິທີມອບລາງວັນໃຫ້ແກ່ຜູ້ຊະ ນະເລີດຈາກການແຂ່ງຂັນແຕ້ມຮູບ
ກ່ຽວກັບເປົ້າໝາຍສະຫັດສະວັດດ້ານການພັດທະນາຢູ່ ສປປ ລາວ, ໄດ້ມີຂື້ນໃນວັນທີ
8 ກໍລະ ກົດນີ້, ທີ່ສຳນັກງານ ສປຊ ໃນ ນະຄອນຫລວງວຽງຈັນ, ໂດຍການເຂົ້າຮ່ວມຂອງ ຜູ້ປະສານງານປະຈຳອົງການສະຫະປະຊາຊາດ,
ທ່ານຫົວໜ້າກົມອົງການຈັດຕັ້ງສາ ກົນ, ກະຊວງການຕ່າງປະເທດ ພ້ອມດ້ວຍນ້ອງນັກ ຮຽນຜູ້ທີ່ໄດ້ຮັບລາງວັນ,
ຜູ້ປົກ ຄອງ ແລະ ຄູ-ອາຈານເຂົ້າຮ່ວມນຳດ້ວຍ.
ພາຍຫລັງໄດ້ມີການຄັດເລືອກເອົາຜູ້ຊະນະເລີດໃນການ
ແຂ່ງຂັນແຕ້ມຮູບດັ່ງກ່າວ, ຊຶ່ງ ຈັດຂຶ້ນໂດຍກອງເລຂາຄະນະຊີ້ນຳລະດັບຊາດວ່າດ້ວຍການຈັດຕັ້ງປະຕິບັດເປົ້າໝາຍສະຫັດສະວັດດ້ານການພັດທະນາ,
ກະ ຊວງການຕ່າງປະເທດ ແລະ ອົງ ການສະຫະປະຊາຊາດປະຈຳລາວ ນັບຕັ້ງແຕ່ທ້າຍເດືອນເມສາ
ຫາກາງເດືອນມິຖຸນາທີ່ຜ່ານມາ. ສຳລັບຜູ້ຊະນະເລີດຊັ້ນ
ປະຖົມແມ່ນ ທ້າວ ເຈມບອນ
ຈະເລີນສຸກ ອາຍຸ 11 ປີ ຈາກໂຮງ ຮຽນປະຖົມ ຫ້ອມສະຫວັນ ໃນຜົນງານການແຕ້ມທີ່ສ່ອງແສງເຖິງການສ້າງຄວາມເຂັ້ມແຂງໃຫ້ແມ່ຍິງໃນປັດຈຸບັນ;
ອັນດັບ 2 ໄດ້ແກ່ ທ້າວ ພຸດທະສິນ ແສງດາລາ ອາຍຸ 11 ປີ ຈາກໂຮງ ຮຽນນານາຊາດແສງດາລາ
ແລະ ອັນດັບທີ 3 ທ້າວ ອານຸລັກ ພົມມະຈັກ ອາຍຸ 10 ປີ ຈາກໂຮງ ຮຽນເອັສໂອເອັສ
(SOS ແຂວງຊຽງຂວາງ), ນາງ ໂບຄຳ ສີສຳ ພັນ ອາຍຸ 9 ປີ ຈາກໂຮງຮຽນປະຖົມໂພນສະອາດ
(ແຂວງຊຽງຂວາງ). ສ່ວນຜູ້ຊະນະເລີດຊັ້ນມັດທະຍົມໄດ້ແກ່ ນາງ ເພັດຕາ ວັນ ບົວລີສີສະຫວັດ
ອາຍຸ 17 ປີ ຈາກໂຮງຮຽນ ມ.ສ ວຽງຈັນ ເຈົ້າຂອງຮູບແຕ້ມກ່ຽວກັບກິດ ຈະກຳການບັນລຸເປົ້າໝາຍສະ
ຫັດສະວັດດ້ານການພັດທະນາຢູ່ ສປປ ລາວ, ອັນດັບທີ 2 ໄດ້ແກ່ ນາງ ເຂັມມະນີ ອິນທະໄຊ ອາຍຸ 16 ປີ ຈາກໂຮງຮຽນ
ມ.ປ ຈັນ ທະບູລີ ແລະ ອັນດັບທີ 3 ທ້າວ ພອນປະເສີດ ແສງມະນີວົງ ອາຍຸ 15 ປີ ຈາກໂຮງຮຽນມັດທະຍົມສົມບູນເພຍວັດ.
ການແຂ່ງຂັນ ຄັ້ງນີ້ມີຜູ້ສົ່ງຮູບເຂົ້າປະກວດທັງໝົດ 83 ຮູບ, ໃນນັ້ນຈາກຊັ້ນປະ ຖົມມີ
15 ຮູບ ແລະ ມັດທະຍົມຕອນຕົ້ນ, ຕອນປາຍ ຈຳນວນ 68 ຮູບ. ພິເສດມີນັກຮຽນຍິງຈຳ ນວນ
41 ຄົນທີ່ໄດ້ສົ່ງຮູບແຕ້ມເຂົ້າປະກວດໃນຄັ້ງນີ້.
ການຈັດການແຂ່ງຂັນໃນຄັ້ງນີ້ ກໍເພື່ອແນໃສ່ດຶງດູດຄວາມສົນໃຈ
ແລະ ເຜີຍແຜ່ໂຄສະນາໃຫ້ນ້ອງນັກຮຽນຜູ້ທີ່ຮັກມັກໃນການແຕ້ມຮູບ ເພື່ອໄດ້ສະແດງຄວາມສາມາດຂອງຕົນການສື່ສານຄວາມເຂົ້າໃຈພື້ນຖານຕໍ່ການຈັດຕັ້ງປະຕິບັດບັນດາເປົ້າໝາຍຕ່າງໆຂອງ
MDGs ຢູ່ ສປປ ລາວ ຜ່ານທາງຮູບແຕ້ມ, ທັງເປັນການສະແດງອອກທາງດ້ານພອນສະຫວັນ ແລະ
ທັກສະດ້ານສິລະປະການແຕ້ມຮູບຂອງເຂົາເຈົ້ານຳອີກ ແລະ ເຫັນໄດ້ວ່າຫລາຍໆຮູບແມ່ນສວຍງາມ,
ມີເນື້ອໃນ ແລະ ຄວາມໝາຍເປັນຢ່າງດີ.
No comments:
Post a Comment