ໃນວັນທີ 14 ສິງຫານີ້, ຢູ່ສະມາຄົມນັກຂ່າວແຫ່ງ
ສປປ ລາວ ນະຄອນຫລວງວຽງຈັນ ໄດ້ມີຖະແຫລງຂ່າວກ່ຽວກັບການກະກຽມຈັດມະຫາກຳສີມືຫັດຖະກຳລາວຄັ້ງທີ
13 ປະຈຳປີ 2014 ຂຶ້ນ ໂດຍການເຂົ້າຮ່ວມຂອງທ່ານ ຫານຊະ ນະສີສານ ປະ ທານສະມາຄົມຫັດຖະກຳລາວ, ພ້ອມດ້ວຍພາກສ່ວນກ່ຽວຂ້ອງ ແລະ ສື່ມວນຊົນຫລາຍພາກສ່ວນເຂົ້າຮ່ວມ.
ເພື່ອເປັນການເປີດໂອກາດດ້ານການຕະຫລາດກວ້າງ
ຂວາງ ແລະ ສາມາດສ້າງລາຍຮັບໃຫ້ຊາວຊ່າງຫັດຖະກຳ, ແລະ ຊ່ວຍໃຫ້ປະຊາຊົນຜູ້ຜະລິດມີວຽກເຮັດງານທຳມີລາຍຮັບ
ເພື່ອນຳມາພັດທະນາຊີວິດການເປັນຢູ່ຂອງຕົນໃຫ້ດີຂຶ້ນ ແລະ ສາ ມາດຫລຸດພົ້ນອອກຈາກຄວາມທຸກຍາກຕາມແນວທາງນະໂຍບາຍຂອງພັກ
ແລະ
ລັດຖະບານ, ພ້ອມກັນນັ້ນ ກໍເປັນການພັດ ທະນາ ແລະ ສົ່ງເສີມຜະລິດຕະພັນຫັດຖະກຳລາວໃຫ້ກາຍ
ເປັນສິນຄ້າອອກສູ່ຕະຫລາດພາຍໃນ ແລະ ຕ່າງປະເທດ ແລະ ທັງເປັນການປະກອບສ່ວນສົ່ງເສີມ
, ສະໜັບສະໜູນສີໄມ້ລາຍມືຄົນລາວ-ເອກະລັກລາວ-ຜະ
ລິດຕະພັນລາວ ໃຫ້ຢູ່ຄູ່ກັບສັງຄົມລາວຕະຫລອດໄປ.
ມະຫະກຳສີມືຫັດຖະກຳລາວແມ່ນໄດ້ຈັດຂຶ້ນທຸກໆປີ
ແລະ ຄັ້ງນີ້ເປັນຄັ້ງທີ 13, ຊຶ່ງຈະໄດ້ຈັດຂຶ້ນໃນວັນທີ 13-19 ຕຸລາ ນີ້ຢູ່ສູນການຄ້າລາວ-ໄອເຕັກ ນະຄອນ
ຫລວງວຽງຈັນ, ໂດຍການເປັນເຈົ້າພາບຮ່ວມກັນລະຫວ່າງ
ສະພາການຄ້າ ແລະ ອຸດສາຫະກຳແຫ່ງຊາດ ແລະ ສະມາຄົມ ຫັດຖະກຳລາວ ແລະ ໃນງານຍັງຈະມີຫລາຍໆກິດຈະກຳເຊັ່ນ: ການວາງສະແດງ-ຂາຍສິນຄ້າຫັດຖະກຳລາວ, ຜະລິດຕະພັນດີເດັ່ນ, ການສາທິດການຜະລິດສິນຄ້າຫັດຖະກຳ
ແລະ ງານຍ່າງແບບເສື້ອຜ້າອາພອນ ແລະ ເຄື່ອງປະດັບທີ່ເປັນເອກະລັກຂອງປະຊາຊົນລາວບັນດາເຜົ່າ.
No comments:
Post a Comment