ທະນາຄານ ແຫ່ງ ສປປ ລາວ ຮ່ວມກັບທະນາຄານ ເອເອັນແຊັດລາວ
ໄດ້ຈັດ ການເຝິກອົບ ຮົມພາຍໃຕ້ຫົວຂໍ້ “ການຕ້ານການຟອກເງິນ ແລະ ສະໜອງທຶນໃຫ້ແກ່ການກໍ່ການຮ້າຍ”
ຂຶ້ນໃນວັນທີ 12 ສິງຫານີ້ ຢູ່ໂຮງແຮມລາວພລາຊານະຄອນ ຫລວງວຽງຈັນ ໂດຍການເຂົ້າຮ່ວມຂອງທ່ານ
ພັນທະບູນ ໄຊຍະເພັດ ຫົວໜ້າໜ່ວຍງານຂໍ້ມູນຕ້ານການຟອກເງິນທະ ນາຄານ ແຫ່ງ ສປປ
ລາວ, ທ່ານນາງ ແທມມີ ເມດາດ ຜູ້ອຳນວຍການທະ ນາຄານ ເອເອັນແຊັດລາວ, ທ່ານ ດານຽນ
ກລູນ (Daniel A. Clune) ເອກອັກຄະລັດຖະທູດສະ ຫະລັດອາເມລິກາປະຈຳລາວ, ທ່ານ ຟີລິບ
ແມລອນ (Philip Malone) ເອກອັກຄະລາຊະທູດຣາຊະອານາຈັກອັງກິດປະຈຳລາວ ພ້ອມເຈົ້າໜ້າທີ່ທີ່ເຮັດວຽກໃນຄະນະກຳມະການຕ້ານການຟອກເງິນຈາກກະຊວງ,
ອົງ ການ, ຕາງໜ້າທະນາຄານ-ສະຖາບັນການເງິນຕ່າງໆເຂົ້າຮ່ວມນຳດ້ວຍ.
ຫົວໜ້າໜ່ວຍງານຂໍ້ມູນຕ້ານການຟອກເງິນ,
ຜູ້ອຳນວຍການທະນາຄານ ເອເອັນແຊັດລາວ, ເອກອັກຄະລັດຖະທູດສະຫະ ລັດອາເມລິກາ
ແລະ ເອກອັກຄະລາ ຊະທູດອັງກິດ ກໍໄດ້ຜັດປ່ຽນກັນປະກອບຄຳເຫັນກ່ຽວກັບການຕ້ານການຟອກເງິນ
ແລະ ສະໜອງທຶນໃຫ້ແກ່ການກໍ່ການຮ້າຍ. ຈາກນັ້ນ, ຫົວໜ້າລະບຽບການກຸ່ມທະນາຄານ
ເອເອັນແຊັດ ແລະ ຫົວໜ້າຮັບຜິດ ຊອບອາຊະຍາກຳ ແລະ ການຟອກເງິນກຸ່ມທະນາຄານດັ່ງກ່າວ
ກໍໄດ້ຍົກໃຫ້ເຫັນບັນຫາໃນລະດັບສາກົນ, ຜົນເສຍຫາຍຂອງທະນາຄານຖ້າບໍ່ປະຕິບັດຕາມລະບຽບການ,
ນະໂຍບາຍ ແລະ ລະ ບຽບການຂອງທະນາຄານ ເອເອັນແຊັດ ແມ່ນເນັ້ນບັນຫາການບໍລິຫານ
ແລະ ການເອົາໃຈໃສ່ຕິດຕາມເກັບກຳບັນທຶກຂໍ້ມູນຂອງລູກຄ້າ ແນໃສ່ຈຳກັດບໍ່ໃຫ້ຜູ້ບໍ່ຫວັງດີໃຊ້ທະນາຄານຂອງຕົນເປັນທາງຜ່ານ.
ການເຝິກອົບຮົມຄັ້ງນີ້ເປັນຄັ້ງທຳອິດນັບແຕ່ກົດ ໝາຍວ່າດ້ວຍການຕ້ານ ແລະ ສະກັດກັ້ນການຟອກເງິນ
ແລະ ສະໜອງທຶນໃຫ້ແກ່ການກໍ່ການຮ້າຍ ໄດ້ຖືກຮັບຮອງເອົາຈາກກອງປະຊຸມສະໄໝສາມັນເທື່ອທີ
7 ຂອງສະພາແຫ່ງຊາດ ໃນລະ ຫວ່າງເດືອນກໍລະກົດຜ່ານມານີ້ ເພື່ອເປັນການແລກປ່ຽນບົດ
ຮຽນ, ປະສົບການວຽກງານດັ່ງ ກ່າວຂອງທະນາຄານເອເອັນແຊັດ ທັງເປັນການສ້າງຄວາມຮັບຮູ້
ແລະ ຄວາມເຂົ້າໃຈກ່ຽວກັບວຽກງານຕ້ານການຟອກເງິນ ແລະ ສະໜອງທຶນໃຫ້ແກ່ການກໍ່ການຮ້າຍໃຫ້ແກ່ສະຖາບັນການເງິນ
ແລະ ພາກສ່ວນທີ່ກ່ຽວຂ້ອງ ໂດຍສະເພາະມາດຕະການຕ້ານ ແລະ ສະກັດກັ້ນອາຊະຍາກຳດັ່ງກ່າວ
ເຊິ່ງເປັນອາຊະຍາກຳຮ້າຍແຮງທີ່ສົ່ງຜົນກະທົບຕໍ່ສັງຄົມຢ່າງໃຫຍ່ຫລວງ.
ຕະຫລອດໄລຍະທົດສະວັດຜ່ານມາ, ບັນຫາການຕ້ານການຟອກເງິນ
ແລະ ສະໜອງທຶນໃຫ້ແກ່ການກໍ່ການຮ້າຍໄດ້ກາຍເປັນບັນຫາສາກົນ, ເປັນອາຊະຍາກຳທີ່ຮ້າຍແຮງທີ່ມີຜົນກະທົບຢ່າງໃຫຍ່ຫລວງຕໍ່ລະບົບເສດຖະກິດ
ແລະ ເປັນໄພຄຸກຄາມຕໍ່ຄວາມໝັ້ນຄົງ ແລະ ສະຖຽນລະພາບທາງການເງິນຂອງໂລກ, ພ້ອມທັງເປັນບັນຫາທີ່ປະຊາຄົມໂລກພວມເອົາໃຈໃສ່ຢ່າງຈົດຈໍ່
ແລະ ຫລາຍປະເທດກໍໃຫ້ຄວາມສຳ ຄັນ ໂດຍໄດ້ມີການກຳນົດມາດຕະການຕ້ານ ແລະ ສະກັດກັ້ນອາຊະຍາກຳເຫລົ່ານີ້ຫລາຍຮູບຫລາຍສີ
ແນໃສ່ຕີຖອຍອາຊະຍາກຳດັ່ງກ່າວໃຫ້ນັບມື້ຫລຸດລົງເປັນກ້າວໆ.
ລັດຖະບານແຫ່ງ ສປປ ລາວ ມີຄວາມພະຍາຍາມສູງຕະ
ຫລອດມາໃນການຈັດຕັ້ງປະຕິ ບັດວຽກງານຕ້ານການຟອກເງິນ ເພື່ອສາມາດເຊື່ອມໂຍງກັບພາກພື້ນ
ແລະ ສາກົນ ເຊິ່ງສະແດງອອກໃນປີ 2006 ໄດ້ມີການສ້າງດຳລັດວ່າດ້ວຍການຕ້ານການຟອກເງິນ
ໂດຍໄດ້ມອບໃຫ້ທະນາຄານ ແຫ່ງ ສປປ ລາວ ເປັນຜູ້ສ້າງຕັ້ງໜ່ວຍງານຕ້ານການຟອກເງິນ
ເຊິ່ງເປັນອົງການຫລັກໃນການຕ້ານການຟອກເງິນ ໃນປີ 2007 ແລະ ໃນປີດຽວກັນ,
ສປປ ລາວ ໄດ້ເຂົ້າເປັນສະ ມາຊິກຂອງກຸ່ມອາຊີ-ປາຊີຟິກ ຕ້ານການຟອກເງິນ (APG)
ເຊິ່ງ ຂຶ້ນກັບອົງການຕ້ານການຟອກເງິນສາກົນ (FATF). ຈາກນັ້ນ ສປປ ລາວ ກໍໄດ້ນຳເອົາຂໍ້ແນະນຳ
40+9 ຂອງ FATF ມາໝູນໃຊ້ເຂົ້າໃນນິຕິກຳທີ່ກ່ຽວຂ້ອງກັບວຽກງານນີ້ໃຫ້ມີປະສິດທິຜົນ.
No comments:
Post a Comment