ທ່ານ ທອງລຸນ ສີສຸລິດ ຮອງນາຍົກລັດຖະມົນຕີ,
ລັດຖະມົນຕີວ່າການກະຊວງການຕ່າງປະເທດແຫ່ງ ສປປ ລາວ ໄດ້ອ່ານສານສະແດງຄວາມຊົມເຊີຍໃນໂອກາດວັນຄົບຮອບ
47 ປີ ແຫ່ງການສ້າງຕັ້ງອາຊຽນ ( 8 ສິງ ຫາ 1967-8 ສິງຫາ2014) ແລະ ວັນຄົບຮອບ
17 ປີ ສປປ ລາວ ເຂົ້າອາຊຽນ (23 ກໍລະກົດ 1997-23 ກໍລະກົດ 2014) ເຊິ່ງມີເນື້ອໃນສຳຄັນວ່າ:
ອາຊຽນເປັນອົງການຈັດຕັ້ງພາກພື້ນລະ ຫວ່າງລັດຖະບານທີ່ປະສົບຜົນສຳເລັດ ແລະ
ໄດ້ຖືກຮັບຮູ້ ແລະ ໃຫ້ຄວາມສຳຄັນຈາກບັນດາຄູ່ຮ່ວມມືພາຍນອກ ແລະ ຜົນສຳເລັດອັນສຳຄັນທີ່ອາຊຽນຍາດມາໄດ້ໃນໄລຍະ
47 ປີ ສະແດງອອກຄື: ດ້ານການເມືອງ-ຄວາມໝັ້ນຄົງ, ອາຊຽນເປັນພາກພື້ນໜຶ່ງໂດຍລວມແລ້ວມີສັນຕິພາບ
ແລະ ສະຖຽນລະພາບ ເຊິ່ງເປັນໝາກຜົນແຫ່ງການຮ່ວມມືກັນພາຍໃນອາຊຽນ ແລະ ລະຫວ່າງອາຊຽນກັບຄູ່ຮ່ວມມືພາຍນອກບົນພື້ນຖານຫລັກການທີ່ອາຊຽນສ້າງຂຶ້ນ
ດ້ານເສດຖະກິດເຫັນວ່າເສດຖະກິດຂອງບັນດາປະເທດສະມາຊິກອາຊຽນ
ແລະ ຂອງອາຊຽນ ໂດຍລວມສືບຕໍ່ຂະ ຫຍາຍຕົວສູງ ແລະ ໝັ້ນທ່ຽງ ເຊິ່ງແມ່ນຜົນແຫ່ງການຮັດແໜ້ນການຮ່ວມມືກັນດ້ານເສດຖະກິດພາຍໃນອາຊຽນ
ແລະ ລະ
ຫວ່າງອາຊຽນກັບພາຍນອກ. ສິ່ງດັ່ງກ່າວເປັນພື້ນຖານອັນສຳຄັນໃຫ້ແກ່ການບັນລຸການສ້າງປະຊາຄົມເສດຖະກິດອາຊຽນໃນປີ
2015 ກໍຄືການສ້າງອາຊຽນໃຫ້ເປັນຕະຫລາດ ແລະ ຖານການຜະລິດໜຶ່ງດຽວ, ເປັນເຂດເສດຖະກິດທີ່ສາມາດແຂ່ງຂັນ,
ມີການພັດທະນາທີ່ເທົ່າທຽມກັນ ແລະ ມີການເຊື່ອມໂຍງເຂົ້າກັບເສດຖະກິດໂລກ.
ດ້ານວັດທະນະທຳສັງຄົມ, ເຖິງວ່າອາຊຽນມີຄວາມຫລາກຫລາຍທາງດ້ານວັດທະນະທຳ,
ພາສາ ແລະ ສາສະໜາທີ່ແຕກຕ່າງກັນກໍຕາມ, ແຕ່ອາຊຽນກໍມີຄວາມກົມກຽວກັນ ແລະ ສາ
ມັກຄີກັນຍ້ອນມີການເຄົາລົບນັບ ຖືເຊິ່ງກັນ ແລະ ກັນ, ເຊິ່ງເປັນທ່າແຮງ ແລະ
ເງື່ອນໄຂເອື້ອອຳ ນວຍໃຫ້ແກ່ຂະບວນການສ້າງ ປະຊາຄົມອາຊຽນໃຫ້ເປັນສັງຄົມທີ່ໂອບເອື້ອອາລີ,
ເຂົ້າໃຈ, ຮັບຮູ້ ແລະ ສົ່ງເສີມຄວາມເປັນເອກະ ລັກແຫ່ງຊາດຂອງແຕ່ລະປະເທດສະມາຊິກ,
ຍົກສູງລະດັບຊີວິດການເປັນຢູ່ຂອງປະຊາຊົນອາຊຽນ, ມີນ້ຳໃຈສາມັກຄີອັນໜຶ່ງອັນດຽວໃນທ່າມກາງຄວາມຫລາກຫລາຍ
ແລະ ພັດທະນາຄົນໃຫ້ມີຄວາມຮູ້ຄວາມສາມາດ ແລະ ມີສຸຂະພາບແຂງແຮງ.
ໃນການຮ່ວມມືພາຍນອກ, ອາຊຽນໄດ້ສືບຕໍ່ປະຕິບັດນະໂຍ
ບາຍເປີດກວ້າງສູ່ພາຍນອກ ຂອງຕົນຢ່າງສະເໝີຕົ້ນສະເໝີປາຍດວ້ຍການເພີ່ມທະວີການຮ່ວມມືກັບຄູ່ຮ່ວມມືພາຍນອກເປັນຕົ້ນແມ່ນກັບຄູ່ເຈລະຈາໂດຍຜ່ານກົນໄກທີ່ອາຊຽນເປັນຜູ້ລິ
ເລີ່ມຄື ອາຊຽນ+1, ອາຊຽນ+3 (ສປ ຈີນ, ຍີ່ປຸ່ນ ແລະ ສ.ເກົາຫລີ) ເວທີພາກພື້ນອາຊຽນ
(ມີປະ ເທດເຂົ້າຮ່ວມ 27 ປະເທດ) ກອງປະຊຸມລັດຖະມົນຕີປ້ອງກັນປະເທດອາຊຽນບວກ (
ມີປະເທດ ເຂົ້າຮ່ວມ 18 ປະເທດ) ນັບມື້ນັບເຕີບໃຫຍ່ຂະ ຫຍາຍຕົວທີ່ໄດ້ນຳຜົນປະໂຫຍດມາສູ່ອາຊຽນ
ກໍຄືຄູ່ຮ່ວມມືຂອງຕົນໂດຍສະເພາະແມ່ນດ້ານການຄ້າ, ການລົງທຶນ ແລະ ການ ທ່ອງທ່ຽວພ້ອມທັງເປັນການປະກອບສ່ວນເຂົ້າໃນພາລະກິດລວມແຫ່ງການປົກປັກຮັກສາ
ແລະ ສົ່ງເສີມສັນຕິພາບ, ສະຖຽນລະພາບ ແລະ ການພັດ ທະນາໃນພາກພື້ນ ແລະ ໃນໂລກ.
ຕະຫລອດໄລຍະ 17 ປີທີ່ສາທາລະນະລັດ ປະຊາທິປະໄຕ
ປະຊາຊົນລາວ, ໄດ້ເຂົ້າເປັນສະ ມາຊິກອາຊຽນ, ສປປ ລາວ ໄດ້ເຂົ້າຮ່ວມຢ່າງຕັ້ງໜ້າໃນຂະບວນການສ້າງປະຊາຄົມອາຊຽນ.
ສຳລັບພາຍໃນຂອງ ສປປ ລາວ ກໍໄດ້ເອົາໃຈໃສ່ສືບຕໍ່ຈັດຕັ້ງປະຕິບັດມະຕິຂອງລັດຖະບານ
ສະບັບ ເລກທີ 04/ລບ, ລົງວັນທີ 30 ເມສາ 2013 ເພື່ອກະກຽມ ແລະ ຮັບມືກັບສິ່ງທ້າທາຍຕ່າງໆໃນການເຂົ້າຮ່ວມປະຊາຄົມອາຊຽນໃນປີ
2015 ທີ່ປະກອບດ້ວຍ 5 ແຜນວຽກຕົ້ນຕໍເຊິ່ງເຫັນວ່າມີຄວາມຄືບໜ້າດັ່ງນີ້:
1.ສ້າງຄວາມເຂົ້າໃຈໃຫ້ທົ່ວປວງຊົນກ່ຽວກັບປະຊາຄົມອາຊຽນບັນ ດາກະຊວງ ແລະ
ຂະແໜງການຕ່າງໆ, ໄດ້ຈັດກອງປະຊຸມເຜີຍແຜ່ວຽກງານໃຫ້ບັນດາແຂວງ ແລະ ອ້ອມຂ້າງນະຄອນຫລວງ
ແລະ ຢູ່ບັນດາອົງການຈັດຕັ້ງທັງພາກລັດ ແລະ ພາກເອກະຊົນ, ລວມທັງສະຖາບັນການສຶກສາ.
ພ້ອມດຽວກັນນັ້ນ, ຍັງໄດ້ມີໂຄ ສະນາເຜີຍແຜ່ທາງສື່ມວນຊົນຢ່າງກວ້າງຂວາງດ້ວຍຮູບ
ຫລາຍຮູບແບບ ແລະ ອຸດົມສົມ ບູນພໍສົມຄວນ. 2.ສ້າງກົນໄກ ແລະ ປັບປຸງລະບົບປະສານງານ
ລະຫວ່າງຂະແໜງການ ແລະ ທ້ອງຖິ່ນ, ກະຊວງອຸດສະຫະກຳ ແລະ ການຄ້າ ໄດ້ອອກຂໍ້ຕົກລົງວ່າດ້ວຍການແຕ່ງຕັ້ງພະນັກ
ງານ ແລະ ຈຸດປະສານງານອາຊຽນ ເພື່ອຮັບຜິດຊອບວຽກງານເຊື່ອມໂຍງເສດຖະກິດອາຊຽນ
ຂອງ ສປປ ລາວ, ສຳລັບພາກທຸລະກິດແມ່ນໄດ້ມອບໃຫ້ສະພາການຄ້າ ແລະ ອຸດສາຫະກຳແຫ່ງຊາດ
ເປັນຈຸດປະສານງານລະດັບຊາດ, 3. ຄົ້ນຄວ້າໂຄງ ການຜະລິດສິນຄ້າ, ລາຍການສິນຄ້າ
ແລະ ລະບົບການບໍລິ ການທີ່ຕິດພັນກັບທ່າແຮງຂອງ ສປປ ລາວ ເພື່ອສາມາດຄ້າຂາຍ
ແລະ ແຂ່ງຂັນໃນຕະຫລາດອາຊຽນ, ກະຊວງອຸດສະຫະ ແລະ ການຄ້າ ໂດຍສົມທົບກັບອັງການ
ຈັດຕັ້ງສາກົນຕ່າງໆ ໄດ້ເຮັດບົດຄົ້ນຄວ້າກ່ຽວກັບລາຍການສິນ ຄ້າຍຸດທະສາດ
ທີ່ມີທ່າແຮງໃນການສົ່ງອອກຂອງ ສປປ ລາວໄປຍັງປະເທດອາຊຽນ ແລະ ປະເທດຄູ່ເຈລະຈາອາຊຽນ
ລວມ ທັງເຮັດບົດຄົ້ນຄ້ວາກ່ຽວກັບການເຂົ້າຫາຕະຫລາດຂອງ 6 ປະເທດຄູ່ເຈລະຈາອາຊຽນ
ແລະ ການນຳໃຊ້ສິດທິພິເສດທາງການຄ້າຂອງ ສປປ ລາວ ທີ່ໄດ້ຮັບຈາກບັນດາປະເທດຄູ່ເຈລະ
ຈາດັ່ງກ່າວ. 4 ບູລະນະນິຕິກຳ ແລະ ຂະແໜງການຕ່າງໆສຳລັບການສ້າງຕັ້ງ ແລະ ດຳເນີນທຸລະກິດເພື່ອໃຫ້ພາກທຸລະກິດປັບປຸງຕົວເອງ
ແລະ ເພີ່ມຄວາມສາ ມາດໃນການແຂ່ງຂັນ, ບັນດາກະຊວງ ແລະ ຂະແໜງການຕ່າງໆ ໄດ້ມີການປັບປຸງລະບຽບການ
ແລະ ກົດໝາຍທີ່ກ່ຽວຂ້ອງຕົນ ເພື່ອໃຫ້ສອດຄ່ອງ ແລະ ຮອງຮັບການເຊື່ອມໂຍງດ້ານເສດຖະກິດຂອງ
ສປປ ລາວ.5 ການສ້າງບຸກຄະລາກອນໃນຂະແໜງການ ແລະ ທ້ອງຖິ່ນທີ່ເຂົ້າຮ່ວມເຄື່ອນໄຫວການເຊື່ອມໂຍງເສດຖະກິດສາກົນ,
ກະຊວງສຶກ ສາທິການ ແລະ ກິລາ ສືບຕໍ່ແຜນ ການຍຸດທະສາດປະຕິຮູບການສຶກສາແຫ່ງຊາດໄລຍະສອງ
2009-2015 ໂດຍສຸມໃສ່ວຽກງານອາຊິວະສຶກສາຄື ການຂະ ຫຍາຍໂຮງຮຽນວິຊາຊີບ, ການພັດທະນາຄູ
ແລະ ການສຶກສາຊັ້ນສູງ ເພື່ອໃຫ້ຮັບປະກັນຄຸນນະ ພາບ ແລະ ວຸດທິການສຶກສາໃນການເຊື່ອມໂຍງ.
ນອກຈາກນັ້ນ, ສປປ ລາວເຮົາກໍໄດ້ລົງທຶນຢ່າງຫລວງຫລາຍເຂົ້າໃນພື້ນຖານໂຄງລ່າງເຊັ່ນ:
ກຳນົດ 8 ເສັ້ນທາງເປັນເສັ້ນທາງອາຊຽນ ແລະ 4 ສະ ໜາມບິນເປັນສະໜາມບິນອາ ຊຽນ.
ມາເຖິງປັດຈຸບັນ, ບັນດາຫົວໜ່ວຍທຸລະກິດການຂົນສົ່ງ, ບໍລິສັດຂົນສົ່ງສິນຄ້າ
ແລະ ຂົນສົ່ງໂດຍສານ ແລະ ອື່ນໆໄດ້ມີຈຳນວນເພີ່ມຂຶ້ນເປັນຕົ້ນແມ່ນບັນດາຫົວໜວ່ຍທຸລະກິດການໂຮງແຮມ,
ເຮືອນພັກ, ຮ້ານອາຫານ, ສະຖານທີ່ບັນເທິງ ແລະ ບໍລິສັດທ່ອງທ່ຽວ ເຊິ່ງທັງໝົດນີ້ສະແດງໃຫ້ເຫັນວ່າ
ສປປ ລາວ ໄດ້ມີພື້ນຖານໂຄງລ່າງທີ່ສຳຄັນ ແລະ ຈໍາເປັນຈຳນວນໜຶ່ງທີ່ເປັນພື້ນຖານໃຫ້ແກ່ການເຊື່ອມໂຍງແນໃສ່ສ້າງໃຫ້
ສປປ ລາວ ກາຍເປັນປະເທດບໍລິການທາງບົກຂອງພາກພື້ນ ເພື່ອໃຫ້ແທດເໝາະກັບສະພາບຄວາມເປັນຈິງຂອງ
ສປປ ລາວ ທີ່ເປັນປະເທດທີ່ບໍ່ມີຊາຍແດນຕິດຈອດກັບທະເລ.
ການເຂົ້າເປັນສະມາຊິກອາຊຽນຂອງ ສປປ
ລາວ ກໍຄືການເຂົ້າຮ່ວມຂະບວນການສ້າງປະຊາຄົມອາຊຽນໃນປັດຈຸບັນ ແລະ ການເຂົ້າຮ່ວມຂອບການຮ່ວມມືອະນຸພາກພື້ນ,
ພາກພື້ນ ແລະ ສາກົນອື່ນໆ ໄດ້ປະກອບ ສ່ວນເຂົ້າໃນການພັດທະນາເສດ ຖະກິດ-ສັງຄົມຂອງ
ສປປ ລາວ ໄດ້ຊ່ວຍໃຫ້ບໍລິມາດ ແລະ ມູນຄ່າການຄ້າ, ການລົງທຶນ, ນັກທ່ອງທ່ຽວທ່ີເຂົ້າມາທ່ຽວປະເທດເຮົາມີຈຳນວນເພີ່ມຂຶ້ນ,
ໄດ້ສ້າງວຽກເຮັດງານທຳ ແລະ ສ້າງລາຍຮັບອັນໄດ້ປະກອບສ່ວນສຳ ຄັນເຂົ້າໃນການລຶບ
ລ້າງຄວາມທຸກຍາກເຮັດໃຫ້ຊີວິດການເປັນຢູ່ຂອງປະຊາຊົນລາວບັນດາເຜົ່າໄດ້ຮັບການປັບປຸງຂຶ້ນເທື່ອລະກ້າວ.
ການສ້າງປະຊາຄົມອາຊຽນ ແມ່ນເປັນຂະບວນການທີ່ຈະຕ້ອງໄດ້ສືບຕໍ່
ພາຍຫລັງການປະກາດສ້າງຕັ້ງປະຊາຄົມເສດ ຖະກິດອາຊຽນໃນວັນທີ 31 ທັນ ວາ 2015.
ດັ່ງນັ້ນ, ອາຊຽນຈຶ່ງໄດ້ເລີ່ມການຮ່າງວິໄສທັດປະຊາຄົມອາຊຽນຫລັງປີ 2015 ເພື່ອກຳນົດທິດທາງເດີນຂອງຕົນໃນອະນາຄົດ.
ສປປ ລາວ ເຫັນວ່າຫລັງ 2015,ອາຊຽນຄວນສືບຕໍ່ຮັດແໜ້ນການສ້າງປະຊາຄົມທີ່ປະກອບດ້ວຍ
3 ເສົາຄ້ຳຄື ປະຊາຄົມການເມືອງ-ຄວາມໝັ້ນຄົງ, ເສດຖະກິດ ແລະ ວັດທະນະທຳ- ສັງຄົມ.
ອາຊຽນຈະໄດ້ສືບຕໍ່ເປັນອົງການຈັດຕັ້ງພາກພື້ນລະ ຫວ່າງລັດຖະບານ ແລະ ເປັນປະ
ຊາຄົມທີ່ຢູ່ຮ່ວມກັນໃນສັນຕິພາບ ແລະ ຄວາມກົມກຽວໃນທ່າມ ກາງຄວາມຫລາກຫລາຍທາງດ້ານວັດທະນະທຳ,
ພາສາ ແລະ ສາສະໜາ ທັງນີ້ກໍເພື່ອສືບຕໍ່ຮ່ວມມືກັນເພື່ອການພັດທະນາທັງພາຍໃນອາຊຽນ
ແລະ ຂະຫຍາຍການຮ່ວມມືກັບພາຍນອກບົນພື້ນ ຖານຫລັກການຂອງອາຊຽນ.
ຜົນສຳເລັດໃນການສ້າງ ສາພັດທະນາຢ່າງຮອບດ້ານ
ບວກກັບການເຄື່ອນໄຫວວຽກງານອາຊຽນຢ່າງຫ້າວຫັນ ແລະ ມີປະສິດທິຜົນສູງຂອງ ສປປ
ລາວ ແມ່ນຍ້ອນການຊີ້ນຳນຳພາຢ່າງໃກ້ຊິດຂອງກົມການເມືອງສູນກາງພັກ ແລະ ລັດຖະບານ,
ການປະກອບສ່ວນຢ່າງຫ້າວຫັນ ແລະ ເປັນເຈົ້າການຂອງພະນັກ ງານ, ທະຫານ, ຕຳຫລວດ, ນັກ
ທຸລະກິດ, ພໍ່ຄ້າຊາວຂາຍ ແລະ ປະຊາຊົນລາວທົ່ວປະເທດ ແລະ ການສະໜັບສະໜູນຊ່ວຍເຫລືອຂອງເພື່ອນອາຊຽນ,
ບັນດາຄູ່ເຈລະຈາອາຊຽນ, ບັນດາປະເທດເພື່ອນມິດ ແລະ ອົງການຈັດຕັ້ງສາກົນ. ສະນັ້ນ,
ຂ້າພະເຈົ້າຂໍຖືໂອກາດນີ້ຕາງໜ້າລັດຖະບານສະແດງຄວາມຂອບໃຈຢ່າງຈິງໃຈ ແລະ
ຂໍສະແດງຄວາມຍ້ອງຍໍຊົມເຊີຍຢ່າງສຸດໃຈມາຍັງທຸກພາກສ່ວນຕໍ່ການປະກອບສ່ວນອັນສຳຄັນດັ່ງກ່າວ.
ໃນປີ 2016, ສປປ ລາວ ກໍໄດ້ຮັບມອບໝາຍໃຫ້ເປັນປະ
ທານອາຊຽນເປັນຄັ້ງທີ 2. ສະນັ້ນ, ພວກເຮົາຈະຕ້ອງໄດ້ພ້ອມກັນສ້າງຄວາມກຽມພ້ອມໃນທຸກດ້ານ
ເພື່ອຮັບປະກັນຜົນສຳເລັດຂອງການເປັນເຈົ້າພາບ ແລະ ປະທານອາຊຽນຄັ້ງນີ້ ດັ່ງທີ່ເຄີຍເຮັດສຳເລັດມາແລ້ວໃນການເປັນປະທານອາຊຽນໃນປີ
2004- 2005.
No comments:
Post a Comment