ແຜນພັດທະນາເສດຖະກິດ-ສັງຄົມ 5 ປີຄັ້ງທີ 8 ໃຫ້ບັນລຸ 12 ເປົ້າຫມາຍໃຫຍ່

   ກົມແຜນການກະຊວງແຜນການ ແລະ ການລົງທຶນໃຫ້ຮູ້ວ່າ: ສຳລັບການຈັດຕັ້ງປະຕິບັດແຜນພັດທະນາເສດຖະກິດ-ສັງ ຄົມ 5 ປີຄັ້ງທີ 8 ນີ້, ຈະຕ້ອງໃຫ້ບັນລຸ 12 ເປົ້າຫມາຍໃຫຍ່ຄື 1. ຈະຕ້ອງຮັບ ປະກັນໃຫ້ເສດຖະກິດຂະຫຍາຍ ຕົວຕໍ່ເນື່ອງ ດ້ວຍຄຸນນະພາບສູງ ແລະ ມີຄວາມຫມັ້ນທ່ຽງ, 2. ເຮັດໃຫ້ເສດຖະກິດມະຫາພາກມີສະຽນລະພາບ, 3. ຮັບປະກັນໃຫ້ ການ ຕອບສະຫນອງແຫລງທຶນໃຫ້ແກ່ການພັດທະນາໄດ້ຕາມເປົ້າຫມາຍທີ່ກຳນົດໄວ້ໃຫ້ມີຄວາມຄ່ອງຕົວ ແລະ ກົມກຽວ ກັນ, 4. ສຸມໃສ່ພັດທະນາຊົນ ນະ ບົດຕິດພັນກັບການແກ້ໄຂຄວາມທຸກຍາກຂອງປະຊາຊົນໃຫ້ມີປະສິດທິຜົນ ແລະ ຕິດພັນກັບການ ປົກປັກຮັກສາສະພາບແວດລ້ອມ ແລະ ສາມາດຮັບມືກັບໄພພິບັດ ຕ່າງໆໃຫ້ໄດ້, 5. ຮັບປະກັນໃຫ້ການພັດທະນາເຂດ ແຄວ້ນ ແລະ ທ້ອງຖິ່ນໃຫ້ມີຄວາມສົມດູນ ແລະ ຍືນຍົງ, ໂດຍຈະຕ້ອງໄດ້ ເອົາໃຈໃສ່ຈັດສັນ ແລະ ກຳນົດ ເຂດພັດທະນາຢູ່ ແຕ່ລະພາກໃຫ້ຈະແຈງ, 6 ຮັບປະກັນໃຫ້ປະຊາ ຊົນມີສະບຽງອາຫານທີ່ພຽງພໍ ແລະ ມີໂພສະນາການທີ່ດີຂຶ້ນ, 7. ເຮັດໃຫ້ ປະຊາຊົນ ໃນເປົ້າຫມາຍໄດ້ເຂົ້າເຖິງການສຶກສາຢ່າງທົ່ວ ເຖິງ, ໄດ້ຮັບການບໍລິການສາ ທາລະນະສຸກໄດ້ສະດວກສະບາຍ ແລະ

ມີຄຸນນະພາບ, 8 ເຮັດໃຫ້ ກຳລັງແຮງງານທັງພາກລັດ ແລະ ເອກະຊົນໄດ້ຮັບການຍົກ ລະດັບດີຂຶ້ນອີກກ້າວຫນຶ່ງ, 9. ເຮັດ ໃຫ້ການຜະລິດສິນຄ້າ ແລະ ການປະກອບການພາຍໃນສາມາດແຂ່ງຂັນກັບຕະຫລາດພາຍນອກໃຫ້ໄດ້, 10 ຮັບປະກັນໃຫ້ ສັງຄົມມີຄວາມສະຫງົບ, ຍຸຕິທຳ - ປອດໃສ, ເປັນລະບຽບຮຽບຮ້ອຍ ແລະ ສະເຫມີພາບ, ໂດຍສະເພາະແມ່ນຄວາມສະ ເໝີພາບລະຫ່ວາງຍິງ-ຊາຍ, 11 ຮັບປະກັນໃຫ້ການຄຸ້ມຄອງບໍລິຫານລັດມີປະສິດທິຜົນສູງຂຶ້ນ ແລະ ຫັນ ໄປສູ່ການຄຸ້ມຄອງ ລັດດ້ວຍລະບຽບກົດຫມາຍໃຫ້ໄດ້ເທື່ອລະກ້າວ ແລະ 12 ເຮັດໃຫ້ ສປປ ລາວ ສາມາດເຊື່ອມໂຍງເຂົ້າກັບພາກພື້ນ ແລະ ສາກົນໄດ້, ສ້າງໂອກາດທີ່ເອື້ອອຳນວຍໃຫ້ແກ່ການຄ້າ ແລະ ການລົງທຶນນັບມື້ມີປະສິດທິຜົນ.