 |
| ຮູບ : ຫນັງສືພິມ ປກສ |
ສານປະຊາຊົນນະຄອນຫລວງວຽງຈັນ, ໄດ້ຕັດສີນລົງ ໂທດທ້າວ
ສຸລິຈັນ ອາຍຸ 24 ປີ ຢູ່ບ້ານໂພນສົມບູນ ແລະ ທ້າວ ວິນັດ ອາຍຸ 27 ປີ ຢູ່ບ້ານດ່ານຄຳ ເມືອງສີ ໂຄດຕະບອງ,
ນະຄອນ ຫລວງວຽງຈັນ ໃຫ້ຈຳຄຸກເປັນ ເວລາ 6 ປີ ແລະ 4 ປີ, ພາຍຫລັງທັງສອງຖືກເຈົ້າໜ້າທີ່ ປກສ
ນະຄອນຫລວງວຽງຈັນຈັບຕົວເມື່ອ ຕົ້ນ ເດືອນມີນາ 2014 ໃນຂໍ້ຫາ ປຸ້ນຊັບພົນລະ ເມືອງ, ຊຶ່ງໄດ້ໃຊ້ມີດຈີ້ເອົາລົດ ຈັກ ແລະ ທຳຮ້າຍ ຮ່າງຂອງປະຊາຊົນຄົນໜຶ່ງໃນ ເຂດບ້ານໂນນສະຫວ່າງ, ເມືອງ ສີໂຄດຕະບອງ, ນະຄອນຫລວງວຽງຈັນ ຈຶ່ງຖືກເຈົ້າໜ້າທີ່ນຳຈັບຕົວມາດຳເນີນ ຄະດີໂດຍເຈົ້າໜ້າທີ່ໃຫ້ຮູ້ວ່າ:
ພວກກ່ຽວແມ່ນມີພຶດຕິກຳປະພຶດຕົວເປັນນັກເລງ ອັນຕະພານອັນຕະລາຍເຄື່ອນໄຫວກໍ່ຄວາມບໍ່ສະຫງົບໃນເຂດເມືອງສີໂຄດຕະບອງ
ແລະ ໃນໄລຍະຖືກກັກຂັງຢູ່ກອງບັນ ຊາການ ປກສ ເມືອງສີໂຄດຕະບອງນັ້ນພວກກ່ຽວພ້ອມກັບໝູ່ຈຳນວນໜຶ່ງໃນຫ້ອງຂັງພາກັນທຳຮ້າຍຮ່າງກາຍຫົວໜ້າ ຫ້ອງຂຸມຂັງຈົນໄດ້ຮັບບາດເຈັບ ແລະ ວາງແຜນໂຕນໜີຄຸກຫລາຍຄັ້ງ.
No comments:
Post a Comment