ຈັດພິທີອຸທິດສ່ວນບຸນກຸສົນເຖິງດວງວິນຍານຂອງວິລະບູລຸດ ລາວ-ຫວຽດນາມ

        ຕອນເຊົ້າວັນທີ 6 ສິງຫານີ້, ຢູ່ວັດອົງຕື້ນະຄອນຫລວງວຽງຈັນ,  ຄະນະພະ ສົງລາວ ແລະ ທະນາຄານຮຸ້ນສ່ວນລົງທຶນ ແລະ ພັດທະນາຫວຽດນາມ (BIDV) ໄດ້ຈັດພິທີສູດປະລິຕະມຸງຄຸນ ແລະ ອຸທິດສ່ວນບຸນກຸສົນເຖິງດວງວິນຍານຂອງ ວິລະ ບູລຸດລາວ- ຫວຽດນາມທີ່ເສຍສະລະຊີວິດ ໂດຍການເຂົ້າຮ່ວມຂອງທ່ານ ເຈີ່ນ ບັກຮ່າ ປະທານສະ ພາບໍລິຫານທະນາຄານ ຮຸ້ນສ່ວນລົງທຶນ ແລະ ພັດທະນາ ຫວຽດນາມ (BIDV), ພ້ອມ ຄະນະ ແລະ ພະນັກງານ, ແຂກຮັບເຊີນເຂົ້າຮ່ວມ.

       ປະທານ ສະພາບໍລິຫານ BIDV ໄດ້ກ່າວວ່າ: ຫວຽດນາມ ແລະ ລາວ ເປັນສອງປະເທດທີ່ມີວັດທະນະທຳຄ້າຍຄືກັນ ທັງໄດ້ ພ້ອມກັນສ້າງປະຫວັດສາດອັນພິລະອາດຫານ ໂດຍຜ່ານສາຍພົວ ພັນທີ່ໄດ້ຫລໍ່ຫລອມຈາກເຫື່ອ ແຮງ ແລະ  ເລືອດ ເນື້ອຂອງບັນດາບັນພະບູລຸດເຊິ່ງມີທັງຄົນ ຫວຽດນາມ ແລະ  ລາວຫລາຍ ຮຸ່ນຫລາຍ ເຊັ່ນຄົນໄດ້ອຸທິດຕົນ ເພື່ອປະເທດ ຊາດເຊິ່ງໄດ້ກາຍ ເປັນສາຍພົວພັນທີ່ເປັນມູນເຊື້ອ ພິເສດທີ່ສຸດ, ຊື່ສັດບໍລິສຸດທີ່ສຸດ ແລະ  ຜ່ອງໃສທີ່ສຸດສະນັ້ນ, BIDV

ແລະ ບັນດາຜູ້ຕາງໜ້າ ຢູ່ລາວຍາມໃດກໍຈົດຈຳຕະຫຼອດມາ ແລະ ໄດ້ຈັດພິທີທາງສາສະ ໜານີ້ຂຶ້ນເພື່ອອຸທິບຸນກຸສົນໃຫ້ບັນພະ ບູລຸດ, ວິລະຊົນຫວຽດນາມ ແລະ ລາວ ທີ່ໄດ້ເສຍສະລະ ເລືອດເນື້ອເພື່ອຄວາມເປັນເອກະລາດເສລີພາບຂອງ 2 ປະເທດ, ເຊິ່ງມື້ນີ້ຢູ່ນະຄອນຫລວງວຽງ ຈັນ ສປປ ລາວ ຈາກຈິດໃຈອັນ ເຫລື້ອມໃສສັດທາດັ່ງກ່າວ, ການ ນຳ BIDV ຈຶ່ງໄດ້ລາຍງານ ຕໍ່ລັດຖະບານ, ເຈົ້າອະທິການ ໃຫຍ່ວັດອົງຕື້ພະອາຈານໃຫຍ່ ດຣ. ມະຫາ ຜ່ອງ ສະມາເລີກ ແລະ ອົງການພຸດທະສາສະໜາ ສຳພັນ ລາວຮ່ວມກັບບັນດາຜູ້ ຕາງໜ້າ (BIDV) ຢູ່ ສປປ ລາວ ຈັດພິທີອວຍພອນ ແລະ ຖວາຍປັດໄຈໃຫ້ແກ່ພະສົງ 50 ອົງ. ເພື່ອ ນຳເອົາຄວາມຮູ້ສຶກທີ່ດີ ແລະ ສົ່ງພອນໄຊອັນປະເສີດໃຫ້ BIDV ກໍຄືພະນັກງານຈົ່ງຈະເລີນສີວິໄລ ແລະ ອຸທິດ ສ່ວນບຸນກຸສົນໄປເຖິງດວງວິນຍານຂອງບັນດາບັນພະບູລຸດຫວຽດນາມ ແລະ ລາວ ທີ່ໄດ້ປົກປັກຮັກສາປະຊາຊົນບັນດາ ເຜົ່າສອງຊາດໃຫ້ມີຄວາມສະຫງົບຮົ່ມເຢັນ.

         ໃນໂອກາດດັ່ງກ່າວ, ພາກ ສ່ວນຕ່າງໆ ສສ ຫວຽດນາມ ທີ່ດຳເນີນທຸລະກິດຢູ່ລາວໄດ້ ມອບເງິນອຸປະຖຳ 10.000 ໂດ ລາໃຫ້ສູນກາງພຸດທະສາສະໜາສຳພັນລາວ ແລະ ຄະນະກຳມະ ບານທະນາຄານຮຸ້ນສ່ວນລົງ ທຶນ ແລະ ພັດທະນາຫວຽດນາມ ກໍໄດ້ມອບເງິນອຸປະຖຳຕືີ່ມ 80 ລ້ານກີບ. ນັບແຕ່ມີການລົງທຶນ ຢູ່ລາວຂອງ BIDV ມານີ້, ທະ ນາຄານດັ່ງກ່າວໄດ້ໃຫ້ການ ຊ່ວຍເຫລືອລາວມາແລ້ວປະ ມານ 8,5 ລ້ານໂດລາສະຫະລັດ ເພື່ອປະກອບສ່ວນເຂົ້າໃນການ ພັດທະນາເສດຖະກິດ-ສັງຄົມ ຂອງລາວໃຫ້ເຕີບໃຫຍ່ຂະຫຍາຍຕົວ ແລະ ທັງເປັນການປະກອບ ສ່ວນເຂົ້າໃນການເພ່ີມພູນຄູນ ສ້າງຄວາມສາມມັກຄີແບບພິ ເສດ ແລະ ການຮ່ວມມືຮອບ ດ້ານລະຫວ່າງລາວ-ຫວຽດນາມ ໃຫ້ໝັ້ນຄົງທະນົງແກ່ນຕະຫລອດກາລະນານ.