ມອບ-ຮັບໜ້າທີ່ປະທານກວດການພັກ ແລະ ລັດນະຄອນຫລວງວຽງຈັນ

      ພິທີມອບຮັບໜ້າທີ່ປະທານຄະນະກວດການພັກ-ລັດນະຄອນຫລວງ ວຽງຈັນ ໄດ້ມີຂຶ້ນໃນວັນທີ 6 ສິງຫານີ້, ຢູ່ຫ້ອງວ່າ ການປົກຄອງນະຄອນຫລວງ ວຽງຈັນ ລະຫວ່າງ ທ່ານ ສີຫຸນ ສິດທິລືໄຊ ປະທານກວດການ ພັກ-ລັດຜູ້ເກົ່າ ແລະ ທ່ານ ບຸນ ທອງ ພົມມະຈັນ ເລຂາພັກເຈົ້າ ເມືອງນາຊາຍທອງມາຮັບໜ້າທີ່ເປັນປະ ທານຄະນະກວດກາພັກ-ລັດ ຜູ້ໃໝ່ໂດຍການເຂົ້າ ຮ່ວມຂອງທ່ານ ດຣ. ສິນລະວົງ ຄຸດ ໄພທູນ ກຳມະການສູນກາງພັກ ເລຂາຄະນະພັກ, ເຈົ້າຄອງນະຄອນຫລວງ ວຽງຈັນ.

     ໃນໂອກາດດັ່ງກ່າວ ທ່ານ ດຣ. ສິນລະວົງ ຄຸດໄພທູນ ໄດ້ໂອ້ ລົມໂດຍໄດ້ຍ້ອງຍໍຊົມເຊີຍການປະຕິບັດໜ້າທີ່ໃນໄລຍະ ຜ່ານມາຂອງຄະນະກວດກາພັກ-ລັດ ນະ ຄອນຫລວງວຽງຈັນ ເຊິ່ງສາມາດຍາດໄດ້ຜົນສຳເລັດຫລາຍ ດ້ານເຊັ່ນ: ສຶກສາອົບ ຮົມແນວ ຄິດໃຫ້ພະນັກງານ-ລັດຖະກອນມີຄວາມອຸ່ນອ່ຽງທຸ່ນທ່ຽງ, ຍຶດໝັ້ນຕໍ່ແນວທາງປ່ຽນແປງໃໝ່ ແລະ ອຸດົມການສັງ

ຄົມນິຍົມ ສ່ວນວຽກງານວິທຊາສະເພາະກໍ ໄດ້ເອົາໃຈໃສ່ ແລະ ເຄື່ອນໄຫວກວດກາການປະຕິບັດກົດລະ ບຽບ, ມະຕິ, ຄຳສັ່ງ, ຂໍ້ກຳນົດ, ລະບຽບການຕ່າງໆຂອງພັກ, ໄດ້ ສຸມໃສ່ຕິດຕາມກວດກາບັນດາໂຄງການລົງທຶນກໍ່ສ້າງພື້ນ ຖານໂຄງລ່າງ, ກວດກາ ການລັກ ລອບຂຸດຄຳຕົກຂ້ອນຢູ່ເມືອງສັງທອງ, ການຂຸດຄົ້ນໄມ້ທີ່ບໍ່ຖືກ ຕ້ອງ ແລະ ອື່ນໆ ຈາກນັ້ນ ທ່ານ ຍັງໄດ້ເນັ້ນໃສ່ບາງ ບັນຫາສຳຄັນເຊັ່ນ: ໃຫ້ເອົາໃຈໃສ່ບັນຫາການ ຊື້-ຂາຍທີ່ດິນແບບບໍ່ຖືກຕ້ອງ ຂອງຊາວຕ່າງດ້າວ, ສືບຕໍ່ປະຕິບັດໜ້າທີ່ການ ເມືອງຂອງພັກ- ລັດມອບໝາຍເປັນຕົ້ນການປະຕິບັດພາລະບົດບາດ, ສິດ, ໜ້າທີ່ຂອງຕົນເອງຢ່າງເຕັມ ສ່ວນດ້ວຍຄວາມຮັບ ຜິດຊອບສູງເອົາໃສ່ກວດກາຕີລາຄາຂອງການກະກຽກອງປະຊຸມຢູ່ແຕ່ລະເມືອງ, ຄຸນນະພາບຂອງບຸກຄະລາກອນຄະນະພັກ ຊຸດໃໝ່, ກວດກາ ແລະ ປະເມີນຜົນປະກົດການຫຍໍ້ທໍ້ ຂອງນະຄອນຫລວງເຊັ່ນ: ບັນຫາຢາເສບຕິດ, ການສັນຈອນ, ການປະ ຕິບັດໂຄງການນອກ ແຜນຕ່າງໆ.

     ໃນຕອນທ້າຍກອງປະຊຸມ ທ່ານ ບຸນທອງ ພົມມະຈັນ ປະທານຄະນະກວດກາພັກ ແລະ ຫົວໜ້າພະແນກກວດກາລັດນະ ຄອນຫລວງວຽງຈັນ ຄົນໃໝ່ໄດ້ໃຫ້ກຽດຂຶ້ນກ່າວຮັບຄຳໂອ ວາດ ແລະ ໃຫ້ຄຳໝັ້ນສັນຍາຈະຕັ້ງໜ້າສືບຕໍ່ປະຕິບັດໜ້າທີ່ການ ເມືອງທີ່ພັກ-ລັດ ແລະ ປະຊາຊົນມອບໝາຍໃຫ້ຢ່າງສຸດຄວາມສາມາດ.