ໂຮງໝໍແມ່ ແລະ ເດັກ ເປີດນຳໃຊ້ຫ້ອງຟື້ນຟູຊີບ ( ICU)

        ເມື່ອມໍ້ໆນີ້ໂຮງໝໍແມ່ ແລະ ເດັກແດງສູນກາງໄດ້ເປີດນຳໃຊ້ຫ້ອງຟື້ນຟູຊີບ ( ICU) ສຳລັບແມ່ ແລະ ເດັກ, ໂດຍ ການເຂົ້າຮ່ວມຂອງທ່ານ ຮອງສານສະດາຈານ ດຣ ບົວວັນ ແສນສະຖິດ, ອຳ ນວຍການໂຮງໝໍດັ່ງກ່າວ, ພ້ອມດ້ວຍວິຊາການຟື້ນ ຟູຊີບ ແລະ ພະນັກງານແພດໝໍເຂົ້າຮ່ວມ.

    ທ່ານ ອຳນວຍການໂຮງໝໍແມ່ ແລະ ເດັກກ່າວວ່າ: ຫ້ອງຟູຟື້ນ ຊີບແມ່ນມີ ຄວາມສຳຄັນຫຼາຍໃນການຟື້ນຟູຄົນຫຼັງເກີດລູກ, ຫຼັງຜ່າຕັດ, ລວມທັງເດັກເກີດໃໝ່, ໂດຍຫ້ອງ ICU ດັ່ງກ່າວນີ້ປະ ກອບມີເຄື່ອງຫາຍໃຈທຽມທີ່ທັນສະໄໝ 3 ເຄື່ອງ, ຊຶ່ງສາ ມາດໃຊ້ໄດ້ທັງຜູ້ໃຫຍ່ ແລະ ເດັກ ນ້ອຍເກີດໃໝ່, ມີເຄື່ອງໂມນິໂຕຣິງຕິດ ຕາມລະບົບຫາຍໃຈ ແລະ ລະບົບໜູນວຽນຂອງ ເລືອດ 4 ເຄື່ອງ, ເຄື່ອງສົ່ງນ້ຳ ແລະ ຢາແບບອັດ ຕະໂນມັດ, ພ້ອມດ້ວຍລະບົບໂອ ຊີແຢນ ແລະ ເຄື່ອງຊ່ວຍຊີບຄົບຊຸດ, ນອກຈາກນັ້ນແລ້ວທາງໂຮງໝໍຍັງມີທີມ

ງານຟື້ນຟູຊີບທີ່ ຜ່ານການໄປອົບຮົມຢູ່ຕ່າງປະ ເທດ, ມີຄວາມຊຳນານ ແລະ ເຊື່ອວ່າທີມງານດັ່ງກ່າວຈະສ້າງຄວາມເຂັ້ມແຂງ ດ້ານວິຊາການ, ເພື່ອຊ່ວຍແກ້ໄຂກໍລະນີ ສຸກເສີນໃຫ້ໂຮງໝໍແມ່ ແລະ ເດັກ ໃນຕໍ່ ໜ້າ, ເນື່ອງຈາກວ່າ: ໃນໄລຍະຜ່ານມາໂຮງ ໝໍແມ່ ແລະ ເດັກ ຕ້ອງໄດ້ນຳຄົນເຈັບໄປຟື້ນຟູຊີບຢູ່ໂຮງໝໍມະໂຫສົດ.

     ທ່ານ ອຳນວຍການກ່າວວ່າ: ການເປີດນຳໃຊ້ຫ້ອງຟື້ນຟູຊີບນີ້ນອກຈາກຈະເປັນການສ້າງ ຄວາມເຂັ້ມແຂງດ້ານການແພດ ໃຫ້ໂຮງໝໍແມ່ ແລະ ເດັກແລ້ວມັນຍັງຈະເປັນການກຽມຄວາມພ້ອມໃນການທີ່ຈະຍາຍໄປໂຮງໝໍແມ່ລະເດັກຫຼັງໃໝ່ບໍ່ວ່າຈະ ເປັນທາງດ້ານສະຖານທີ ແລະ ອຸປະກອນການແພດທັນສະໄໝ, ເປັນລະບົບຄົບຊຸດໃນການຊ່ວຍເຫຼືອປິ່ນປົວຄົບເຈັບໃຫ້ມີ ປະສິດທິຜົນ.