ສິ່ງທ້າທາຍຂອງວຽກງານສານຕົ້ນຕໍຍັງແມ່ນບັນຫາຈັນຍາທຳຂອງພະນັກງານ

      ທ່ານ ຄຳພັນ ສິດທິດຳພາ ປະທານສານປະຊາຊົນສູງສຸດໄດ້ໃຫ້ຮູ້ເມື່ອບໍ່ດົນນີ້ ວ່າ: ການຈັດຕັ້ງປະຕິບັດວຽກງານຂອງສານປະຊາຊົນໃນໄລຍະຜ່ານມາເຫັນວ່າ ມີບາດກ້າວດີຂຶ້ນເປັນລຳດັບໂດຍສະເພາະການພິຈາລະນາຕັດສິນ ແລະ ພິພາກ ສາຄະດີຕ່າງໆຂອງຜູ້ພິພາກສາມີການພັດທະນາດີຂຶ້ນ, ຖືກຕ້ອງທ່ຽງ ທຳຫລາຍ ກວ່າເກົ່າຊຶ່ງສະແດງອອກບ່ອນວ່າຄູ່ຄວາມມີຄວາມ ພໍໃຈຕໍ່ການໄກ່ເກຍ ແລະ ຕັດສິນຄຳພິພາກສາຂອງສານຫລາຍຂຶ້ນ, ອັນໄດ້ປະກອບສ່ວນສຳຄັນໃຫ້ສັງຄົມ ມີຄວາມສະຫງົບ, ເສດຖະກິດມີການຂະຫຍາຍຕົວຢ່າງຕໍ່ເນື່ອງ ແລະ ອື່ນໆ. ແຕ່ ຄຽງຄູ່ກັບຜົນສຳເລັດດັ່ງກ່າວ, ກໍເຫັນວ່າຍັງ ມີຈຸດອ່ອນ ແລະ ຂໍ້ຄົງຄ້າງທີ່ຈະຕ້ອງໄດ້ສືບຕໍ່ປັບປຸງແກ້ໄຂໃຫ້ຄ່ອຍໆໝົດໄປເທື່ອລະກ້າວກໍຄືດ້ານການເມືອງແນວຄິດຂອງ ພະນັກງານໃຫ້ໜັກ ແໜ້ນຍິ່ງຂຶ້ນເພາະວ່າປັດຈຸບັນມີພະນັກງານຈຳນວນໜຶ່ງຍັງມີທັດສະນະ ແລະ ແບບແຜນເຮັດວຽກແບບ ຮັກສາເດີມ, ສະຕິ ເປັນເຈົ້າ ແລະ ຄວາມຮັບຜິດຊອບຕໍ່ໜ້າທີ່ວິຊາສະເພາະບໍ່ທັນສູງ, ຈັນຍາບັນ-ຈັນຍາທຳຍັງບໍ່ທັນໜັກ

ແໜ້ນເທົ່າທີ່ຄວນ, ການບັນຈຸສັບຊ້ອນພະນັກງານເຂົ້າໃສ່ຕຳ ແໜ່ງງານຂອງສານຍັງບໍ່ທັນຕອບສະໜອງໄດ້ຕາມຄວາມຮຽກ ຮ້ອງຕ້ອງການຂອງ ໜ້າທີ່ວຽກງານໃນໄລຍະໃໝ່, ການບຳລຸງຍົກລະດັບຄວາມຮູ້, ຄວາມສາມາດໃຫ້ຜູ້ພິພາກສາ, ຜູ້ຊ່ວຍຜູ້ພິ ພາກສາ, ຈ່າສານ ແລະ ພະນັກງານຂອງສານຍັງບໍ່ທັນເປັນລະບົບຕໍ່ເນື່ອງ, ນອກຈາກນີ້ ສະຖານທີ່ເຮັດວຽກ, ງົບປະມານ, ພາຫະນະ, ອຸປະ ກອນຮັບໃຊ້ທີ່ຈຳເປັນໃຫ້ແກ່ການເຄື່ອນໄຫວປະຕິບັດໜ້າທີ່ວຽກ ງານຂອງສານຍັງຈຳກັດ. ສະນັ້ນ ຈຶ່ງເປັນສາເຫດຕົ້ນຕໍໜຶ່ງ ເຮັດໃຫ້ການແກ້ໄຂຄະດີມີຄວາມຊັກຊ້າແກ່ຍາວ, ການຄົ້ນຄວ້າ ຄະດີບາງເລື່ອງຍັງບໍ່ມີຫລັກ ຖານຄົບຖ້ວນພຽງພໍ, ການດຳ ເນີນພິສູດຫລັກຖານຍັງພົບຄວາມຫຍຸ້ງຍາກ, ບໍ່ມີບັນຊີລະອຽດຈະແຈ້ງເຮັດໃຫ້ບໍ່ສາ ມາດຮູ້ໄດ້ວ່າຄະດີດັ່ງກ່າວພົວພັນກັບ ບຸກຄົນທີສາມ ແລະ ບັນຫາອື່ນໆແນວໃດ.