ໃນວັນທີ 15 ສິງຫານີ້, ຢູ່ໂຮງ ແຮມແລນມາກຣີເວີຊາຍ
ນະ ຄອນຫລວງວຽງຈັນ ສະມາຄົມມິດຕະພາບລາວ-ຈີນ ໄດ້ຈັດ ພິທີລະດົມທຶນຊ່ວຍເຫລືອຜູ້ປະສົບໄພແຜ່ນດິນໄຫວຢູ່ນະຄອນຈາວທົງ
ແຂວງຢຸນນານ ສປ ຈີນ ເຊິ່ງມີບັນດາບໍລິສັດຫ້າງຮ້ານໄດ້້ມອບເງິນຊ່ວຍເຫລືອຈຳ
ນວນ 213 ລ້ານກວ່າກີບ, 67.800 ບາດ (ສະກຸນເງິນໄທ ແລະ 60 ພັນໂດລາສະຫະລັດ. ໂດຍການໃຫ້ກຽດເຂົ້າຮ່ວມຂອງທ່ານ
ທອງລຸນ ສີສຸລິດ ຮອງນາຍົກລັດ ຖະມົນຕີ, ລັດຖະມົນຕີວ່າການກະຊວງການຕ່າງປະເທດ,
ມີ ທ່ານ ດຣ ສິນລະວົງ ຄຸດໄພທູນ ເຈົ້າຄອງນະຄອນຫລວງວຽງຈັນ, ປະ ທານສະມາຄົມມິດຕະພາບ
ລາວ-ຈີນ, ທ່ານ ກວນ ຮວາ ປິງ ເອກອັກຄະລັດຖະທູດ ແຫ່ງ ສປ ຈີນ ປະຈຳລາວ, ມີບັນດາລັດຖະ ມົນຕີ,
ພ້ອມດ້ວຍນັກທຸລະກິດທັງພາຍໃນ ແລະ ຕ່າງປະເທດ ເຂົ້າຮ່ວມຈຳນວນຫຼາຍ.
ທ່ານ ດຣ. ສິນລະວົງ ຄຸດໄພທູນ ກ່າວວ່າ: ເຫດການແຜ່ນ
ດິນໄຫວຄັ້ງນີ້ເກີດຂຶ້ນໃນວັນທີ 3 ສິງຫາ 2014 ເວລາ 16.30 ໂມງ (ຕາມເວລາທ້ອງຖິ່ນ)
ຢູ່ເມືອງຫູຕ້ຽນ ນະຄອນຈາວທົງ ແຂວງຢຸນນານ ສປ ຈີນ ເຊິ່ງເປັນເຫດແຜ່ນດິນໄຫວທີ່ຮ້າຍແຮງ
ໃນຮອບ 100 ປີ, ອັນໄດ້ສ້າງຄວາມເສຍຫາຍຮ້າຍແຮງແກ່ຊີວິດ ແລະ ຊັບສິນຂອງປະຊາຊົນຈີນອ້າຍນ້ອງຈຳນວນ
ຫລວງ
ຫລາຍມາຮອດມື້ນີ້ ມີຜູ້ເສຍຊີວິດແລ້ວ 617 ຄົນ, ສູນຫາຍ 117 ຄົນ, ບາດເຈັບຫລາຍກວ່າ
3 ພັນຄົນ, 80 ຫລັງຄາເຮືອນຖືກຖະຫລົ່ມ, ພື້ນຖານໂຄ່ງລ່າງຖືກທຳລາຍຢ່າງໜັກໜ່ວງ
ແລະ ອື່ນໆ. ດັ່ງ ນັ້ນ, ການລະດົມທຶນໃນຄັ້ງນີ້ ນອກຈາກ ເປັນການແຈ້ງຂ່າວ ໃຫ້ທົ່ວສັງຄົມໄດ້ຮັບຮູ້ເຖິງເຫດ
ການ ແລະ ຜົນກະທົບຂອງໄພພິບັດແຜ່ນດິນໄຫວທີ່ເກີດຂຶ້ນ ແລ້ວ, ຍັງເປັນການສະແດງໃຫ້ເຫັນເຖິງນ້ຳໃຈມະນຸດ
ສະທຳ ແລະ ຄວາມຜູກພັນ, ຄວາມຮັກແພງ, ຄວາມສາມັກຄີ ຂອງປະຊາຊົນລາວຕໍ່ປະຊາຊົນຈີນອ້າຍນ້ອງເວົ້າລວມ,
ເວົ້າສະເພາະແມ່ນປະຊາຊົນນະຄອນ ຫລວງວຽງຈັນກັບປະຊາຊົນນະ ຄອນຄຸນໝິງ ແຂວງຢຸນນານທີ່ເປັນເມືອງແຮກສ່ຽວນຳກັນ
ແນ່ນອນວ່າວັດຖຸປັດໄຈທີ່ໄດ້ຮັບການບໍລິຈາກໃນຄັ້ງນີ້ຈະບໍ່ຫຼວງ ຫລາຍ, ແຕ່ນີ້ກໍຄືນ້ຳໃສໃຈຈິງ, ສັດທາຈາກຜູ້ເປັນເພື່ອນມິດທີ່ຖະໜອມຫອມຮັກກັບປະຊາຊົນຈີນ
ແລະ ປະຊາຊົນແຂວງຢຸນ ນານ, ມີຄວາມຫວັງວ່າວັດຖຸປັດໄຈນີ້ຈະປະກອບສ່ວນແບ່ງເບົາສ່ວນໃດສ່ວນໜຶ່ງໃນການຟື້ນຟູຄວາມຫຍຸ້ງຍາກຮ່ວມກັບພັກ-
ລັດ ແລະ ປະຊາຊົນຈີນກໍຄືປະ ຊາຊົນແຂວງຢຸນນານ.
No comments:
Post a Comment