ກອງປະຊຸມປຶກສາຫາລື
ກ່ຽວກັບການຄຸ້ມຄອງອ່າງຮັບນ້ຳໃນ ສປປ ລາວ, ເຊິ່ງໄດ້ຈັດຂື້ນໃນລະຫວ່າງວັນທີ
30-31 ກໍລະກົດນີ້, ຢູ່ຫໍປະຊຸມແຫ່ງຊາດ ນະຄອນຫລວງວຽງຈັນ ທ່ານຮອງຫົວໜ້າກົມຊັບພະຍາກອນທຳມະຊາດ
ແລະ ສິ່ງແວດລ້ອມ ໃນນາມປະທານກອງປະຊຸມ ໄດ້ເນັ້ນຄືນເຖິງຄວາມສຳຄັນ ແລະ ຈຳເປັນເພື່ອໃຫ້ທຸກພາກ
ສ່ວນໃນສັງຄົມຕ້ອງໄດ້ມີສ່ວນຮ່ວມໃນການຄຸ້ມຄອງຊັບພະຍາກອນນ້ຳແບບປະສົມປະສານເພື່ອຫລຸດຜ່ອນໄພຂົ່ມຂູ່
ແລະ ສິ່ງທ້າທາຍຫລາຍອັນທີ່ລາວເຮົາພວມປະເສີນໜ້າຢູ່ໃນປັດຈຸບັນ.
ໃນເວລາກ່າວເປີດກອງປະຊຸມ
ທ່ານ ຮອງຫົວໜ້າກົມຊັບພະຍາກອນທຳມະຊາດ ແລະ ສິ່ງແວດລ້ອມ ໄດ້ເນັ້ນບາງບັນຫາສຳຄັນວ່າ:
ເພື່ອເຮັດໃຫ້ການນຳໃຊ້ຊັບພະຍາກອນນ້ຳ, ການປົກປັກຮັກສາສິ່ງແວດລ້ອມ ແລະ
ເພີ່ມຄຸນຄ່າສູງສຸດ ໃນການສ້າງປະໂຫຍດໃຫ້ແກ່ສັງຄົມໄດ້ຫລາຍຂື້ນ ພວກເຮົາມີຄວາມຈຳເປັນຈະຕ້ອງໄດ້ມີວິທີການໃນການວາງແຜນຄຸ້ມຄອງ,
ຖ້າລຳພັງອົງການຈັດຕັ້ງໃດໜຶ່ງ, ກຸ່ມຄົນໃດໜຶ່ງ ຫລື ບຸກຄົນໃດໜຶ່ງ ກໍບໍ່ອາດຈະເຮັດລ້ອນ
ໜ້າທີ່ດັ່ງກ່າວໄດ້. ສະນັ້ນ, ການຈັດຕັ້ງທຸກຂັ້ນ, ຊຸມຊົນ ແລະ ນັກພັດທະນາຕ່າງໆ
ໃນທົ່ວຂົງເຂດ ຕ້ອງໄດ້ປະ ກອບສ່ວນ ແລະ ມີສ່ວນຮ່ວມຢ່າງຫ້າວຫັນເຂົ້າໃນການຄຸ້ມຄອງຊັບພະຍາກອນນ້ຳແບບປະສົມປະສານ.
ໃນວາລະກອງປະຊຸມດຳເນີນໄປເປັນເວລາ
2 ວັນນັ້ນ ບັນດານັກວິຊາການຕ່າງກໍໄດ້້ປຶກສາຫາລືແລກປ່ຽນຄຳຄິດຄຳເຫັນ ເພື່ອເປັນທາງອອກໃນການແກ້ໄຂ
ບັນຫາທ້າທາຍດັ່ງກ່າວ, ໂດຍໄດ້ລົງເລິກການ ວິເຄາະ ສິ່ງທ້າທາຍຕົ້ນຕໍກ່ຽວກັບນ້ຳ
ແລະ ບູລິມະສິດ ການນຳໃຊ້ນ້ຳ ໃນອະນາຄົດຂອງ ສປປ ລາວ, ພ້ອມນຳສະເໜີ ກໍລະນີ ສຶກສາ
ການຄຸ້ມຄອງອ່າງຮັບນ້ຳ ແບບ ປະສົມປະສານ ຈາກຕ່າງປະເທດ ແລະ ຕົວແທນອ່າງຮັບນ້ຳ
ໃນ ສປປ ລາວ ແລະ ປຶກສາຫາລືລະອຽດ ເຖິງຄວາມອາດສາມາດໃນການຄວບ ຄຸມຄຸນນະພາບນ້ຳ, ນ້ຳໃຕ້ດິນ
ແລະ ຂໍ້ມູນ-ຂ່າວ ສານ ຊັບພະຍາກອນນ້ຳ ແລະ ອື່ນໆເຊັ່ນ: ຮູບແບບການຄຸ້ມຄອງອ່າງຮັບນ້ຳ,
ຄູ່ມືການວາງແຜນຄຸ້ມຄອງອ່າງຮັບນ້ຳ ແລະ ກົນໄກການເງິນແບບຍືນຍົງສຳລັບການຄຸ້ມຄອງຊັບພະຍາກອນນ້ຳ
ເພື່ອເປັນທາງເລືອກໃໝ່ ສຳລັບຫລັກການໃນການຈັດຕັ້ງປະຕິບັດຄຸ້ມຄອງອ່າງຮັບນ້ຳແບບປະສົມປະສານຢູ່
ສປປ ລາວ ໃຫ້ມີຄວາມຍືນຍົງ.
No comments:
Post a Comment