ເນື່ອງໃນໂອກາດສະເຫລີມສະຫລອງວັນສື່ມວນຊົນແຫ່ງຊາດ
13 ສິງຫາ ທ່ານ ສີວຽງແຂກ ກອນນີວົງ ຫົວໜ້າບັນນາທິ ການໜັງສືພິມປະຊາຊົນ, ໄດ້ໃຫ້ສຳພາດຕໍ່ນັກຂ່າວໜັງສືພິມລາວພັດທະນາວ່າ:
ໜັງສືພິມປະຊາຊົນມີຕົ້ນກຳເນີດຈາກໜັງສື ພິມລາວອິດສະລະ, ຊຶ່ງເປັນອາວຸດອັນແຫລມຄົມທາງດ້ານການເມືອງແນວຄິດຂອງພັກ,
ມີຄຸນປະໂຫຍດ ແລະ ພາລະບົດ ບາດສຳຄັນໃນການເຜີຍແຜ່ແນວທາງນະໂຍບາຍ, ລະບຽບກົດໝາຍ
ແລະ ແຜນພັດທະນາເສດຖະກິດ-ສັງຄົມ, ເຜີຍແຜ່ບົດຮຽນ, ບົດເລື່ອງ, ກະວີກາບກອນທີ່ມີເນື້ອຫາສາລະອັນເປັນປະໂຫຍດທີ່ສະແດງເຖິງທັດສະນະຂອງພັກ
ແລະ ລັດ, ບັນຫາຕ່າງໆທີ່ເກີດຂຶ້ນຢູ່ພາຍໃນ ແລະ ຕ່າງປະເທດເພື່ອຕອບສະໜອງໃຫ້ແກ່ສັງຄົມໄດ້ທົ່ວເຖິງ.
ທ່ານຫົວໜ້າບັນນາທິການເວົ້າວ່າ: ເພື່ອບັນລຸເປົ້າໝາຍດັ່ງ
ກ່າວໃນໄລຍະຜ່ານມາໜັງສືພິມປະຊາຊົນໄດ້ເອົາໃຈໃສ່ພັດທະ ນາຕົນເອງຢ່າງຮອບດ້ານເພື່ອ
ສາມາດແຂ່ງຂັນກັບການເກີດ ຂຶ້ນຢ່າງຫລວງຫລາຍຂອງສື່ສິ່ງພິມຕ່າງໆນັບທັງລາຍວັນ, ອາ ທິດ,
ລາຍປັກ, ລາຍເດືອນ ແລະ ອື່ນໆ ໂດຍສະເພາະແມ່ນໄດ້ເອົາໃຈໃສ່ປັບປຸງຍົກສູງຄຸນນະພາບທາງດ້ານເນື້ອໃນ
ແລະ ຮູ
ບການຂອງໜັງສືພິມໃຫ້ມີຫລາກ ຫລາຍສາລະ ໂດຍສະເພາະເນື້ອໃນຂ່າວ, ຮູບພາບປະກອບ,
ບົດຕ້ອງຊັດເຈນ, ວ່ອງໄວ, ທັນການ, ກວ້າງໄກມີລັກສະນະຕົວຈິງ, ລັກສະນະສຶກສາອົບຮົມ,
ລັກສະນະຕໍ່ສູ້ຢ່າງຖືກຕ້ອງສອດ ຄ່ອງກັບແນວທາງນະໂຍບາຍຂອງພັກ ແລະ ກົດໝາຍຂອງລັດ.
ສາມາດສ້າງສິ່ງຈູງໃຈແກ່ຜູ້ອ່ານ, ຍົກລະດັບເຕັກນິກຂອງໜັງສືພິມໃຫ້ດີຂຶ້ນ
ເພື່ອຮັບໃຊ້ຜູ້ອ່ານ, ຜູ້ຊົມໃຊ້ໄດ້ດີກວ່າເກົ່າ, ຮັບປະກັນບໍ່ໃຫ້ເກີດຄວາມຜິດ ພາດໃນໜ້າໜັງສືພິມ, ເປີດກວ້າງຄໍລຳ (ເວທີມະ
ຫາຊົນ) ນຳສະເໜີຂໍ້ຄິດເຫັນຂອງມະຫາຊົນໃຫ້ຂັ້ນເທິງໄດ້ຮັບຮູ້, ເວົ້າແຈ້ງແມ່ນເຮັດໃຫ້ການພົວພັນລະຫວ່າງພັກກັບມະຫາ
ຊົນແບບກາຍອິນຊີ, ກໍ່ສ້າງບຳລຸງຖັນແຖວພະນັກງານທາງດ້ານວິຊາສະເພາະ, ດ້ວຍການຍົກລະດັບທັງຢູ່ພາຍໃນ
ແລະ ຕ່າງປະເທດໃຫ້ຫລາຍຂຶ້ນເພື່ອສ້າງບຸກຄະລາກອນໃຫ້ມີຄວາມຮູ້, ຄວາມສາ ມາດສູງຕອບສະໜອງໄດ້ຕາມໜ້າທີ່ວຽກງານທີ່ໄດ້ຮັບ
ມອບໝາຍ ແລະ ຕອບສະໜອງອຸປະ ກອນຮັບໃຊ້ວິຊາການໃຫ້ທັນສະໄໝ; ຂຸດຄົ້ນທ່າແຮງບົ່ມຊ້ອນໃນການສ້າງແຫລ່ງລາຍຮັບເພື່ອໃຫ້ມີທຶນຮອນເພື່ອນຳມາພັດທະນາຜະລິດຕະພັນຂອງຕົນໃຫ້ນັບມື້
ຂະຫຍາຍຕົວ ແລະ ສາມາດຕອບສະໜອງຂໍ້ມູນຂ່າວສານຢ່າງພຽງພໍຫລາຍຮູບ ຫລາຍສີ ແກ່ຜູ້ອ່ານຢ່າງວ່ອງໄວທັນການ
ແລະ ຖືກກັບຄວາມຈິງ; ເອົາໃຈ ໃສ່ພັດທະນາພື້ນ ຖານໂຄງລ່າງເພື່ອຮັບປະກັນເງື່ອນໄຂໃນການອຳນວຍຄວາມສະດວກໃຫ້ແກ່
ການປະຕິບັດວຽກງານຂອງຕົນ ແລະ ລະບອບນະໂຍບາຍຕ່າງໆ ໃຫ້ສົມເຫດສົມຜົນ; ເພີ່ມທະວີເປີດກວ້າງການພົວພັນຮ່ວມມືກັບພາຍໃນ
ແລະ ຕ່າງປະເທດ ແລະ ວາງ ແຜນຂະຫຍາຍເຄືອ ຂ່າຍເພື່ອນຮ່ວມງານ ແລະ ຕະ ຫລາດໃຫ້ກວ້າງຂວາງເພື່ອຮອງຮັບກັບຍຸກຂໍ້ມູນຂ່າວສານທີ່ທັນສະໄໝໃນປັດຈຸບັນ.
ຫົວໜ້າບັນນາທິການໃຫ້ຮູ້ຕື່ມ ວ່າ: ຂະບວນວິວັດແຫ່ງການ
ພັດທະນາໜັງສືພິມປະຊາຊົນແມ່ນເລີ່ມແຕ່ລະບາດກ້າວ ຈາກລາຍ 3 ເດືອນ ມາ ເປັນລາຍປັກ ໃນປີ
1956 ແລະ ກາຍເປັນລາຍວັນໃນປີ 1975 ເປັນຕົ້ນມາ. ເຄື່ອງພິມເວລານັ້ນກໍມີພຽງຫິນລາດ
2 ແຜ່ນມີໜ້າຮາບພຽງດີ, ແຕ່ລະແຜ່ນມີຄວາມໜາປະມານ 4-5 ຊັງຕີແມັດ, ກວ້າງ 40 ຊັງຕີແມັດ
ສາມາດຍົກຍ້າຍໄປມາໄດ້ໃນໄລຍະສະພາບຂັດສົນ, ສ່ວນນ້ຳມຶກ, ເຈ້ຍ, ສໍແມ່ນນຳໃຊ້ວັດສະດຸຈາກທຳມະຊາດເປັນສ່ວນໃຫຍ່.
ນັບແຕ່ 2001-2004 ໄດ້ເພີ່ມຂຶ້ນເປັນ 12 ໜ້າ ແລະ ເມື່ອ ມໍ່ໆມານີ້ໄດ້ປັບໜ້າຂອງໜັງສື
ພິມຂອງຕົນຈາກ 12 ໜ້າ ມາເປັນ 8 ໜ້າ ແລະ ມີໜ້າໂຄສະນາແຊກຊ້ອນໃສ່ໂດຍປະກອບມີໜ້າ
A, B, C ແລະ ອື່ນໆ, ຊຶ່ງມີຍອດພິມຈຳໜ່າຍໄປທົ່ວປະເທດ 3.200 ສະບັບ/ວັນ.
No comments:
Post a Comment