ວັນທີ 13 ສິງຫານີ້ ກະຊວງແຮງງານ ແລະ ສະຫວັດດີການສັງຄົມໄດ້ຈັດກອງ ປະຊຸມເຜີຍແຜ່ກົດໝາຍວ່າດວ້ຍການປະກັນສັງຄົມຂຶ້ນຢູ່ນະຄອນຫຼວງວຽງຈັນ, ພາຍໃຕ້ ການເປັນປະທານຂອງ ທ່ານ ນາງ ອ່ອນຈັນ ທຳມະວົງ,
ລັດຖະມົນຕີວ່າການກະຊວງ ແຮງງານ ແລະ ສະຫວັດດີການສັງຄົມ, ມີຫົວໜ້າກົມຈັດຕັ້ງພະນັກງານ,
ກົມວິຊາ ກອນທີ່ກ່ຽວຂ້ອງຈາກກະ ຊວງ ແລະ ອົງການອອ້ມຂ້າງສູນກາງ, ພ້ອມດ້ວຍຜູ້ຕ່າງ ໜ້າຈາກອົງການຈັດຕັ້ງສາກົນ
ແລະ ອົງການບໍສັງກັດລັດເຂົ້າ ຮ່ວມຢ່າງພ້ອມພຽງ.
ທ່ານປະທານກອງປະຊຸມກ່າວ ວ່າ: ມະຕິກອງປະຊຸມໃຫຍ່ ຄັ້ງທີ IX ຂອງພັກ ໄດ້ກຳນົດນະໂຍ
ບາຍປະກັນສັງຄົມ ທີ່ລະບຸໄວ້ວ່າ: ໃຫ້ຄວາມສຳຄັນເປັນພິເສດຕໍ່ການປະຕິບັດລະບອບປະກັນສັງຄົມສຳລັບຊາວຜູ້ອອກແຮງງານໃຫ້ທົ່ວເຖິງກຸ່ມເປົ້າໝາຍຕ່າງໆໂດຍສ້າງກົນໄກ
ແລະ ລະ ບຽບການບໍລິຫານທີ່ມີປະສິດ ທິພາບ ແລະ ມີການເຂົ້າຮ່ວມຂອງຜູ້ອອກແຮງງານ
ແລະ ຜູ້ປະກອບການຢ່າງເປັນເຈົ້າການ ແລະ ກວ້າງຂວາງ ເຊິ່ງຕ້ອງພັດ ທະນາ ແລະ ຂະຫຍາຍຂອບເຂດປົກຄຸມປະກັນສັງຄົມ
ແລະ ປະ ກັນສຸຂະພາບໃຫ້ກວມ 50% ຂອງພົນລະເມືອງໃນປີ 2015. ສຳລັບການຈັດຕັ້ງປະຕິບັດວຽກງານປະກັນສັງຄົມ
ໃນໄລ ຍະ 20 ກວ່າປີຜ່ານມາ ເຫັນວ່າໄດ້ມີຜົນ ສຳເລັດໂດຍພື້ນຖານ, ແຕ່ຄຽງ ຄູ່ກັນນັ້ນຍັງມີສິ່ງທ້າທາຍຈຳ
ນວນໜຶ່ ງທີ່ຕ້ອງໄດ້
ສືບຕໍ່ແກ້ໄຂ ເຊິ່ງມາຮອດປັດຈຸບັນຂອບເຂດປົກຄຸມຂອງລະບົບປະກັນສັງຄົມ
ແລະ ປະກັນສຸຂະພາບມີຜູ້ປະກັນຕົນ ແລະ ສະມາຊິກຄອບຄົວກວມເອົາ 30% ຂອງພົນລະເມືອງທັງໝົດ.
ສັງເກດເຫັນວ່າຜູ້ທີ່ໄດ້ເຂົ້າປະກັນສັງຄົມແມ່ນຜູ້ອອກແຮງງານທີ່ຢູ່ໃນການຈັດ
ຕັ້ງທີ່ເປັນພະນັກງານ-ລັດຖະ ກອນ, ທະຫານ, ຕຳຫລວດ, ຜູ້ອອກແຮງງານໃນຫົວໜ່ວຍການ
ຜະລິດ ແລະ ຜູ້ເປັນສະມາຊິກຄອບຄົວຂອງຜູ້ປະກັນຕົນເທົ່ານັ້ນ, ສ່ວນຜູ້ອອກແຮງງານນອກລະບົບທີ່ປະກອບອາຊີບສ່ວນບຸກຄົນໃນຂົງເຂດກະສິກຳ,
ອຸດ ສາຫະກຳ ແລະ ການບໍລິການຍັງບໍ່ມີລະບົບປະກັນສັງຄົມຄຸ້ມຄອງ ອັນໄດ້ສ່ອງແສງໃຫ້ເຫັນ
ວ່າການຈັດຕັ້ງປະຕິບັດນະໂຍ ບາຍປະກັນສັງຄົມຍັງມີຂໍ້ຈຳກັດ ເຊິ່ງຈະມີຜົນກະທົບຕໍ່ການພັດ
ທະນາວຽກງານປະກັນສັງຄົມໃນໄລຍະຍາວ. ຍ້ອນເຫດຜົນດັ່ງ ກ່າວ, ຂະແໜງແຮງງານ ແລະ
ສະຫວັດດີການສັງຄົມໄດ້ປະ ສານສົມທົບກັບບັນດາຂະແໜງການທີ່ກ່ຽວຂ້ອງໄດ້ພ້ອມກັນສ້າງກົດໝາຍວ່າດ້ວຍການປະ
ກັນສັງຄົມຂຶ້ນມາ ເຊິ່ງໄດ້ຮັບ ຮອງໂດຍມະຕິຕົກລົງຂອງສະ ພາແຫ່ງຊາດ ສະບັບເລກທີ 08/ ສພຊ, ລົງວັນທີ 26 ກໍລະກົດ 2013, ລັດຖະດຳລັດຂອງປະ
ທານປະເທດ ແຫ່ງສາທາ ລະນະລັດ ປະຊາທິປະໄຕ ປະຊາຊົນລາວ ສະບັບເລກທີ 173/ປປທ, ລົງວັນທີ
20 ສິງຫາ 2013 ກ່ຽວກັບການປະກາດໃຊ້ກົດໝາຍດັ່ງ ກ່າວ ແລະ ໂດຍປະຕິບັດຕາມກົດ
ໝາຍວ່າດ້ວຍການສ້າງນິຕິກຳ ກະຊວງຍຸຕິທຳໄດ້ລົງທະບຽນເຜີຍແຜ່ກົດໝາຍວ່າດ້ວຍການປະກັນສັງຄົມລົງໃນຈົດໝາຍເຫດທາງລັດຖະການໃນວັນທີ
4 ທັນວາ 2013 ແລະ ມາຮອດປັດ ຈຸບັນຂະແໜງການແຮງງານ ແລະ ສະຫວັດດີການສັງຄົມ ໄດ້ອອກຄຳແນະນຳກ່ຽວກັບການ
ຈັດຕັ້ງປະຕິບັດກົດໝາຍວ່າດ້ວຍການປະກັນສັງຄົມ ແລະ ທ່ານນາຍົກລັດຖະມົນຕີໄດ້ອອກດຳ
ລັດວ່າດ້ວຍການແຕ່ງຕັ້ງຄະນະສະພາບໍລິຫານກອງທຶນປະກັນສັງຄົມແຫ່ງຊາດ ເຊິ່ງເຫັນວ່າໄດ້ສ້າງກົນໄກ
ແລະ ລະບຽບການຕ່າງໆທີ່ເປັນພື້ນຖານໃຫ້ແກ່ການຈັດຕັ້ງປະຕິບັດກົດໝາຍວ່າດ້ວຍການປະກັນສັງຄົມ
ໂດຍຈະເລີ່ມຈັດຕັ້ງປະຕິບັດນັບແຕ່ເດືອນຕຸລາ 2014 ເປັນຕົ້ນໄປ.
ທ່ານປະທານກ່າວວ່າ:ໃນກອງປະຊຸມຄັ້ງນີ້, ບັນດາທ່ານຜູ້ເຂົ້າຮ່ວມ
ຈະໄດ້ຮັບຟັງການເຜີຍແຜ່, ການແນະນຳ ແລະ ການອະ ທິບາຍກ່ຽວກັບເນື້ອໃນຂອງກົດ
ໝາຍວ່າດ້ວຍການປະກັນສັງຄົມ ແລະ ຄຳແນະນຳກ່ຽວກັບການ ຈັດຕັ້ງປະຕິບັດກົດ ໝາຍດັ່ງກ່າວ
ເພື່ອສ້າງຄວາມຮັບຮູ້ເຂົ້າໃຈ ແລະ ສາມາດນຳໄປຈັດ ຕັ້ງປະ ຕິບັດໃຫ້ມີຄວາມເປັນເອກະພາບໃນຂອບເຂດທົ່ວປະເທດ.
ກົດ ໝາຍວ່າດ້ວຍການປະກັນສັງຄົມສະບັບນີ້ເປັນເຄື່ອງມືທີ່ສຳຄັນໃຫ້ແກ່ລັດ
ກໍຄືທຸກພາກສ່ວນໃນສັງຄົມ ເປັນ ຕົ້ນຜູ້ໃຊ້ແຮງງານ ແລະ ຜູ້ອອກແຮງງານ ໄດ້ນຳໃຊ້ເຂົ້າໃນການຄຸ້ມຄອງ
ແລະ ການປະຕິບັດລະບອບການອຸດໜູນປະ ກັນສັງ ຄົມປະເພດຕ່າງໆຢ່າງມີປະສິດທິພາບ,
ທັງເປັນການຂະ ຫຍາຍຂອບເຂດປົກຄຸມໄປສູ່ຜູ້ອອກແຮງງານນອກລະບົບທີ່ປະ ກອບອາຊີບສ່ວນບຸກຄົນໃນຂົງເຂດກະສິກຳ,
ອຸດສາຫະກຳ ແລະ ການບໍລິການໄດ້ມີໂອ ກາດເຂົ້າຮ່ວມລະບອບປະກັນສັງຄົມຢ່າງກວ້າງຂວາງໃນໄລຍະສະເພາະໜ້າ
ແລະ ຍາວນານ.
No comments:
Post a Comment