ໃນວັນທີ 13 ສິງຫານີ້, ຢູ່ຫ້ອງວ່າການປົກຄອງນະຄອນຫລວງວຽງຈັນ,
ໄດ້ມີ ກອງປະຊຸມປຶກສາຫາລືກະກຽມປະຕິສັງ ຂອນຫໍພະແກ້ວ, ຊຶ່ງເປັນມໍລະດົກອັນລ້ຳ ຄ່າທາງດ້ານວັດທະນະທຳຂອງຊາວລາວທັງຊາດ,
ໂດຍການໃຫ້ກຽດເຂົ້າຮ່ວມເປັນ ປະທານຂອງທ່ານ ດຣ. ພັນຄຳ ວິພາວັນຮອງນາຍົກລັດຖະມົນຕີ, ລັດຖະມົນຕີວ່າ ການກະຊວງສຶກສາທິການ
ແລະ ກິລາ ຜູ້ຊີ້ນຳວຽກງານຂົງເຂດວັດທະນະທຳ-ສັງ ຄົມ, ທ່ານ ສາຍທອງ ແກ້ວ ດວງດີ ຮອງເຈົ້າຄອງນະຄອນຫລວງວຽງຈັນ,
ບັນ ດາພະເຖລານຸເຖລະ ແລະ ຕົວແທນອົງການຈັດຕັ້ງທີ່ກ່ຽວຂ້ອງຈາກພາກສ່ວນຕ່າງໆເຂົ້າຮ່ວມຢ່າງພ້ອມພຽງ.
ໃນກອງປະຊຸມຜູ້ເຂົ້າຮ່ວມໄດ້ປະກອບຄຳຄິດຄຳເຫັນຫາລືຫລາຍບັນຫາທີ່ສຳຄັນກ່ຽວກັບການກະກຽມປະຕິສັງຂອນຫໍ
ພະແກ້ວທີ່ຖືກຊຸດໂຊມມາຫລາຍແລ້ວ, ທັງນີ້ ກໍເພື່ອແນໃສ່ອະນຸລັກຮັກສາມໍລະດົກອັນລ້ຳຄ່າໃຫ້ຍືນຍົງຄົງຢູ່ດ້ວຍຮູບຮ່າງ
ແລະ ສີສັນແບບດັ່ງເດີມທີ່ບັນພະບູລຸດຂອງຊາດລາວເຮົາໄດ້ສ້າງມາ, ຊຶ່ງການສ້ອມແປງຈະເລັງໃສ່ໃຫ້ທ່ວງທັນກັບການສະ
ເຫລີມສະຫລອງວັນສ້າງຕັ້ງຫໍພະແກ້ວຄົບຮອບ
450 ປີ (ຄສ. 1565-2015), ພ້ອມກັນນັ້ນການສະເຫລີມສະຫລອງສອງວັນປະຫວັດສາດທີ່ອັນໃຫຍ່ຂອງຊາດຄືວັນສ້າງຕັ້ງພັກປະຊາຊົນປະຕິວັດລາວຄົບຮອບ
60 ປີ ແລະ ວັນສະຖາປານາ ສປປ ລາວຄົບຮອບ 40 ປີ ໃນປີ 2015 ທີ່ຈະ ມາເຖິງ.
ກອງປະຊຸມດັ່ງກ່າວໄດ້ມີການແຕ່ງຕັ້ງຄະນະອະນຸກຳມະການເພື່ອຮັບຜິດຊອບວຽກງານຕ່າງໆລວມໄປເຖິງວຽກງານການຄຸ້ມຄອງບໍລິຫານ,
ວຽກງານດ້ານວິຊາການເຕັກນິກ, ວຽກງານແຜນງົບປະມານ, ວຽກງານແຜນການກະກຽມພິທີເປີດໂຄງ
ການ, ວຽກງານໂຄສະນາປະຊາສຳພັນ ແລະ ອື່ນໆ. ຕາມການລົງສຳຫລວດຕົວຈິງຂອງໜ່ວຍງານວິຊາການເຕັກນິກໂຄງການ
ປະຕິສັງຂອນຫໍພະແກ້ວນັ້ນ ມີ 3 ວຽກໃຫຍ່ທີ່ຕ້ອງຮີບຮ້ອນໃນການປະຕິສັງຂອນ ຄື: ໂຄງຫລັງຄາ,
ຝາທັງ 4 ດ້ານ ແລະ ພື້ນ ລະບຽງຊັ້ນເທິງຈະຕົກ ເປັນມູນຄ່າທັງໝົດປະມານ 7 ຕື້ ກີບ, ຄາດວ່າການປະຕິສັງຂອນ
ຕົວຈິງຈະມີຂຶ້ນລະຫວ່າງເດືອນ ຕຸລາ 2014 ນີ້.
No comments:
Post a Comment