ກົມອຸຕຸນິຍົມ ແລະ ອຸທົກກະ ສາດໃຫ້ຮູ້ວ່າ:
ສະພາບອາກາດແຕ່ວັນທີ 13-19 ສິງຫານີ້, ຮ່ອງຄວາມກົດດັນອາກາດຕ່ຳຍັງຈະມີກຳລັງປານກາງສືບຕໍ່ພັດຜ່ານຢູ່ແຂວງພາກເໜືອຫາພາກກາງ
ຂອງລາວ ສົມທົບກັບກະແສລົມຕາເວັນຕົກສ່ຽງໃຕ້ພັດປົກຄຸມເປັນສ່ວນໃຫຍ່, ເຊິ່ງຈະເຮັດໃຫ້
ອາກາດຮ້ອນຢູ່ຕື່ມອີກ ແລະ ຍັງຈະມີຝົນຕົກຟ້າຄະນອງກະຈາຍໃນລະດັບຄ່ອຍຢູ່ທົ່ວໄປ
ແລະ ຕົກປານກາງຢູ່ບາງທ້ອງຖິ່ນໃນແຕ່ລະພາກ. ນັບຕັ້ງແຕ່ວັນທີ 16-19 ສິງຫານີ້,
ບໍລິເວນຄວາມກົດດັນອາກາດຕ່ຳ ຈະພັດປົກຄຸມຢູ່ທົ່ວທຸກພາກຂອງລາວ. ໃນກຳລັງປານກາງ,
ພ້ອມດຽວກັນກະແສລົມຕາເວັນຕົກສ່ຽງໃຕ້ພັດ ປົກຄຸມໃນກຳລັງອ່ອນ, ຊຶ່ງລັກ ສະນະເຊັ່ນນີ້
ຍັງຈະເຮັດໃຫ້ອຸນຫະພູມອາກາດຮ້ອນຂຶ້ນຕື່ມ ແລະ ຈະມີຝົນຕົກຟ້າຄະນອງກະຈາຍໃນລະດັບຄ່ອຍຢູ່ແຕ່ລະພາກ.
ສະພາບອາກາດໃນຕົ້ນຫາກາງອາທິດຈະຮ້ອນທຳມະດາ,
ໂດຍສະເພາະຢູ່ແຂວງພາກເໜືອດ້ານຕາເວັນຕົກລົງຫາພາກກາງ, ໃນລະດັບອຸນຫະພູມສູງສຸດ
31-33 ອົງສາ ແລະ ອາກາດຍັງຈະໜາວເຢັນຢູ່່ເຂດປາກຊ່ອງ, ໃນທ້າຍອາທິດອຸນຫະພູມອາກາດຈະສູງຂຶ້ນຕື່ມເລັກໜ້ອຍ
ໃນລະດັບອຸນຫະພູມສູງສຸດ 34- 36 ອົງສາ. ສະພາບຝົນໃນຕົ້ນອາທິດນີ້ ຍັງຈະມີຝົນຕົກຟ້າຄະ
ນອງໃນລະດັບຄ່ອຍເປັນບໍລິເວນກວ້າງ ແລະ ຕົກປານກາງເປັນບາງໂອກາດຢູ່ບາງທ້ອງຖິ່ນໃນແຂວງພາກເໜືອຫາພາກກາງ ຫລັງຈາກນັ້ນໃນທ້າຍອາທິດສະ ພາບຝົນຕົກຈະເບົາບາງລົງ
ແລະ ຈະມີຝົນຕົກກະຈາຍໃນລະດັບຄ່ອຍຢູ່ບາງທ້ອງຖິ່ນໃນແຕ່ລະພາກ.
ສ່ວນສະພາບຝົນໃນອາທິດຜ່ານມາ ໄດ້ມີຝົນຕົກຟ້າຄະນອງກະຈາຍໃນລະດັບຄ່ອຍຢູ່ເກືອບທົ່ວໄປ
ແລະ ຕົກປານກາງ ຫາໜັກຢູ່ບາງທ້ອງຖິ່ນໃນແຂວງພາກກາງ, ເຊິ່ງປະລິມານນ້ຳຝົນໄລຍະ
24 ຊົ່ວໂມງ ຂອງວັນທີ 6 ສິງຫານີ້ ຢູ່ສະຖານີປາກຊ່ອງແທກໄດ້ 70,0 ມິນລິແມັດ.
No comments:
Post a Comment