ສະພາແຫ່ງຊາດເຊິ່ງເປັນອົງການຕິດຕາມກວດກາການເຄື່ອນໄຫວອຳນາດແຫ່ງ ລັດຂັ້ນຕ່າງໆ
ໄດ້ຈັດຕັ້ງການຍົກລະ ດັບຄວາມຮູ້, ຄວາມເຂົ້າໃຈກ່ຽວກັບການອະນຸ ມັດການລົງທຶນ ແລະ ການຕີລາຄາຜົນກະ
ທົບຕໍ່ສິ່ງແວດລ້ອມໃຫ້ສູງຂຶ້ນ ເນື່ອງ ຈາກວ່າ: ໃນໄລຍະຜ່ານ ມາ, ການຈັດຕັ້ງປະຕິບັດວຽກ ງານຕົວຈິງຈຳນວນໜຶ່ງຂອງ
ລັດຖະບານເປັນຕົ້ນການຄົ້ນ ຄວ້າການສ້າງແຜນພັດທະນາ ເສດຖະກິດ-ສັງຄົມ, ການຄົ້ນ ຄວ້າອະນຸມັດໂຄງການລົງທຶນ
ໃນຂະແໜງພະລັງານໄຟຟ້າ, ການສຳຫລວດຊອກຄົ້ນແຮ່ ທາດ, ການຂຸດຄົ້ນໄມ້, ການປູກ ໄມ້ອຸດສາຫະກຳ,
ກະສິກຳ, ການ ເອົາຊັບພະຍາກອນທຳມະ ຊາດ ໄປແລກປ່ຽນເອົາໂຄງການ, ໂຄງການນອກແຜນ ແລະ ອື່ນໆຍັງບໍ່ທັນຈັດຕັ້ງປະຕິບັດຕາມລະບຽບກົດໝາຍທີ່ໄດ້ກຳນົ
ດໄວ້, ຂະນະດຽວກັນການສະໜອງຂໍ້ມູນ ແລະ ການລາຍງານຂໍ້ມູນຈາກເຂດເລືອກຕັ້ງຈຳນວນໜຶ່ງຍັງບໍ່ທັນຈະແຈ້ງ
ແລະ ທັນເວລາ.
ກຳມາທິການເສດຖະກິດແຜນການແລະການເງິນສະພາແຫ່ງຊາດຮ່ວມກັບອົງການສະຫະປະຊາຊາດເພື່ອການພັດທະ
ນາໄດ້ຈັດຝຶກອົບຮົມກ່ຽວກັບຂະບວນການອະນຸມັດການລົງທຶນ ແລະ ການຕີລາຄາຜົນກະທົບຕໍ່ສິ່ງແວດລ້ອມທຳມະຊາດ
ແລະ ສັງຄົມຈາກໂຄງການລົງທຶນລະຫວ່າງວັນທີ 18-19 ສິງຫານີ້, ຢູ່ທ່າລາດ ແຂວງວຽງຈັນ ເພື່ອເສີມສ້າງຂີດຄວາມສາ
ມາດໃຫ້ພະນັກງານວິຊາການພາຍໃນສະພາແຫ່ງຊາດ ແລະ ຫ້ອງວ່າການສະພາແຫ່ງຊາດປະຈຳເຂດເລືອກຕັ້ງໃນຂອບເຂດ
ທົ່ວປະເທດໄດ້ມີຄວາມຮູ້, ຄວາມສາມາດ ແລະ ເຂົ້າໃຈຢ່າງເລິກເຊິ່ງກ່ຽວກັບຂະບວນການອະນຸມັດການລົງທຶນພາກລັດ
ແລະ ເອກະຊົນທັງພາຍໃນ ແລະ ຕ່າງປະເທດ ແລະ ເຄື່ອງມືທີ່ນຳໃຊ້ໂດຍລັດຖະບານໃນການຄຸ້ມຄອງການລົງທຶນ
ແລະ ຜົນກະທົບ ຂອງການລົງທຶນຕ່າງໆຕໍ່ສິ່ງແວດລ້ອມ ແລະ ສັງຄົມແນໃສ່ນຳໄປຈັດຕັ້ງປະຕິບັດໜ້າທີ່ວຽກງານຂອງຕົນໃຫ້ມີປະ
ສິດທິຜົນ ຍິ່ງຂຶ້ນ.
ການອົບຮົມຄັ້ງນີ້, ບັນດາສຳມະນາກອນໄດ້ແລກປ່ຽນຄວາມຮູ້,
ຄວາມເຂົ້າໃຈກັບວິທະຍາກອນທີ່ມີປະສົບການໃນການ ຈັດຕັ້ງປະຕິບັດວຽກງານຕົວຈິງຈາກຂະແໜງກ່ຽວຂ້ອງ,
ເຂົ້າໃຈເລິກເຊິ່ງກ່ຽວກັບປະເພດ ແລະ ຮູບພາບຂອງການລົງທຶນ ໃນ ສປປ ລາວ, ຂັ້ນຕອນ ແລະ ກົນໄກການປະສານໃນການກະກຽມການສ້າງແຜນພັດທະນາ
ເສດຖະກິດ-ສັງຄົມປະຈຳປີ, ການ ສ້າງແຜນການລົງທຶນຂອງພາກລັດ ແລະ ເຄື່ອງມືສຳລັບການຕິດຕາມກວດກາ
ແລະ ຄຸ້ມຄອງລົງທຶນຂອງພາກລັດ, ການຄຸ້ມ ຄອງການລົງທຶນ ແລະ ຂະບວນການອະນຸມັດການລົງທຶນພາກເອກະຊົນສຳລັບໂຄງການສຳປະທານໃນຂະແໜງການຕ່າງໆ,
ການຄຸ້ມຄອງ ແລະ ການຕິດຕາມກວດກາການຕີລາຄາລົງທຶນ, ການຕີລາຜົນກະທົບຕໍ່ສິ່ງແວດລ້ອມທຳມະຊາດ
ແລະ ສັງຄົມ ຕະຫລອດເຖິງການ ຕິດຕາມກວດກາການຈັດຕັ້ງປະຕິບັດພັນທະຕໍ່ສິ່ງແວດລ້ອມ ແລະ ສັງຄົມນຳອີກ.
No comments:
Post a Comment