ໃນໄລຍະ 9 ເດືອນທີ່ຜ່ານມານີ້, ແຂວງສາລະວັນ,
ສາມາດຂຸດຄົ້ນລາຍຮັບໄດ້ 120 ຕື້ກວ່າກີບ, ລື່ນແຜນທີ່ສະພາແຫ່ງຊາດກໍຄືລັດຖະບານມອບໃຫ້ກວ່າ
50% ເນື່ອງຈາກ, ໄດ້ມີການອັດຊ່ອງຫວ່າງການຮົ່ວໄຫລດ້ານອາ ກອນ, ກວດກາຄືນບັນດາລະ
ບອບລະບຽບການທີ່ກົດໜ່ວງຖ່ວງດຶງຕໍ່ການເກັບລາຍຮັບໃນໄລຍະຜ່ານມາດ້ວຍຫລາຍວິທີ
ແລະ ການກວດກາບັນດາໂຮງ ງານປຸງແຕ່ງຜະລິດຕະພັນໄມ້ທີ່ເຄື່ອນໄຫວບໍ່ຖືກຕ້ອງແລ້ວດຳເນີນຕາມຂັ້ນຕອນຂອງກົດໝາຍດ້ວຍການປັບໄໝ
ແລະ ເສຍພັນ ທະໃຫ້ລັດຖະບານຢ່າງຖືກຕ້ອງ.
ທ່ານ ສີເຮັງ ຫອມສົມບັດ ຮອງເຈົ້າແຂວງໆສາລະວັນ,ໄດ້ໃຫ້ຮູ້ວ່າ:
ການຂຸດຄົ້ນລາຍຮັບເປັນວຽກໜຶ່ງທີ່ການນຳແຂວງສາລະວັນ, ໄດ້ເອົາໃຈໃສ່ເປັນພິເສດເນື່ອງຈາກຖ້າຢາກສ້າງແຂວງເປັນຫົວໜ່ວຍຍຸດທະສາດ
ເຊິ່ງກ່ອນອື່ນໝົດຕ້ອງມີງົບປະ ມານ, ມີທຶນຮອນຢ່າງພຽງພໍ, ສະນັ້ນ, ການຂຸດຄົ້ນລາຍຮັບ
ແລະ ຊອກຫາແຫລ່ງລາຍຮັບເພື່ອກ້າວໄປເຖິງການກຸ້ມຕົນເອງທາງດ້ານງົບປະມານແມ່ນເປັນບັນຫາສຳຄັນທີ່ແຂວງສາ
ລະວັນພວມສຸມໃສ່ຈັດຕັ້ງປະ ຕິບັດຢ່າງຕັ້ງໜ້າ. ສຳລັບລາຍຮັບທີ່ສາມາດປະຕິບັດໄດ້ລື່ນແຜນການໃນສົກປີນີ້,
ສ່ວນຫລາຍແມ່ນໄດ້ມາຈາກພາສີອາກອນ, ສ່ວຍສາອາກອນທີ່ໄດ້ມີການກວດກາຄືນຖານອາກອນເກົ່າທີ່ຍັງຕົກຄ້າງ,
ລາຍຮັບຈາກ ພາສີທີ່ດິນ ແລະ ລາຍຮັບຈາກຊັບສິນ, ພາຍຫລັງທີ່ຂຸດຄົ້ນລາຍຮັບໄດ້ແລ້ວ,
ລັດຖະບານໄດ້ອະນຸຍາດໃຫ້ຫັນເອົາລາຍຮັບຈຳນວນໜຶ່ງເປັນລາຍຮັບຂອງທ້ອງຖິ່ນ.
ທ່ານຮອງເຈົ້າແຂວງໆສາລະວັນໃຫ້ຮູ້ວ່າ:
ໃນສົກປີ 2013- 2014 ນີ້ ໂດຍລວມເສດຖະກິດທົ່ວແຂວງສາລະວັນ, ຍັງສືບຕໍ່ຂະຫຍາຍຕົວຢ່າງຕໍ່ເນື່ອງ
ແລະ ໝັ້ນທ່ຽງໃນລະດັບ 11-12%, ລວມຍອດຜະລິດຕະພັນພາຍໃນບັນລຸ 3.312 ຕື້ກວ່າກີບ,
ໃນນັ້ນ, ກະສິກຳ-ປ່າໄມ້ກວມ 43,63%, ອຸດສາຫະກຳ 23,29% ແລະ ການບໍລິການ 32,33%; ມີໂຄງ
ການລົງທຶນທັງໝົດ 185 ໂຄງ ການໃນວົງເງິນທີ່ລັດຖະບານໄດ້ຮັບຮອງເອົາ 62 ຕື້ກວ່າກີບ.ມາຮອດປັດຈຸບັນປະຕິບັດໄດ້
155 ໂຄງ ການ, ຜະລິດເຂົ້າໄດ້ 2 ແສນກວ່າໂຕນ,
ປູກພືດລະດູແລ້ງ 4.300 ກວ່າເຮັກຕາ, ຜົນຜະລິດ 21 ພັນກວ່າໂຕນ, ການຂົນສົ່ງສິນຄ້າ
ແລະ ຂົນສົ່ງໂດຍ ສານມີທ່າອ່ຽງເພີ່ມຂຶ້ນ, ຈໍລະຈອນສິນຄ້າໄດ້ 262 ໂຕນ, ບໍລິມາດຂົນສົ່ງໂດຍສານ
1,3 ລ້ານ ເທື່ອຄົນ ແລະ ວຽກງານການ ທ່ອງທ່ຽວກໍໄດ້ຮັບການພັດທະ ນາທົ່ວແຂວງມີແຫລ່ງທ່ອງທ່ຽວ
70 ແຫ່ງ, ສາມາດສ້າງລາຍຮັບ ຈາກການທ່ອງທ່ຽວ 110 ຕື້ກວ່າກີບ.
No comments:
Post a Comment