ໃນວັນທີ 19 ກັນຍານີ້, ບໍລິ ສັດໂຄລາວໄດ້ນຳສະເໜີລົດເກຍ
ລຸ້ນໃໝ່ All New Soul ຂຶ້ນຢູ່ທີ່ຕົວແທນຈຳໜ່າຍເກຍຖະໜົນ T2 ນະຄອນຫລວງວຽງຈັນ
ໂດຍການເຂົ້າຮ່ວມຂອງທ່ານ ບູຊິກ ກຄິມ ອຳນວຍການໃຫຍ່ບໍລິສັດ ໂຄລາວພ້ອມຄະນະຜູ້ບໍລິຫານ
ແລະ ລູກຄ້າເຂົ້າຮ່ວມເປັນຈຳ ນວນຫລາຍ.
ທ່ານຜູ້ອຳນວຍການໃຫຍ່ບໍລິສັດ ໂຄລາວ ກ່າວວ່າ:
ລົດ ເກຍລຸ້ນໃໝ່ All New Soul ເປັນນະວັດຕະກຳໃໝ່ຂອງໂຄລາວ, ທີມີຮູບໂສມໃໝ່ກວ້າງຂວາງຂຶ້ນກວ່າລົດລຸ້ນເກົ່າເຖິງ
15 ມິນລີແມັດ, ມີຂະໜາດຍາວຂຶ້ນ ແລະ ຕ່ຳກວ່າໂຊກ່ອນ, ທີ່ສຳຄັນແມ່ນມີຄວາມແຂງແກ່ນທົນທານ,
ຄວາມປານີດທັງພາຍໃນ ແລະ ພາຍນອກຄ້າຍຄືລົດຈິບແບບສະ ປອດ ແລະ ພ້ອມທັງເພີ່ມຄວາມທັນສະໄໝຂອງເຕັກໂນໂລຊີ
ແລະ ປະສິດທິພາບຂອງເຄື່ອງຈັກໃນການຂັບຂີ່ທີ່ປອດໄພ, ຕາໄຟໜ້າ ແລະ ທ້າຍໃນຮູບແບບ
LED, ພ້ອມໄຟຕັດ
ໝອກບົ່ງບອກເຖິງຄວາມເປັນເອກະລັກຂອງ All New Soul ເຊິ່ງດ້ານໃນແມ່ນມີການປັບປ່ຽນຫຼາຍ
ຂຶ້ນຢ່າງຫລູຫລາ ແລະ ມີປະ ສິດທິພາບ, ພ້ອມນັ້ນຍັງມີໜ້າຈໍສະແດງຜົນ 4,3 ນິ້ວ
ພ້ອມກ້ອງຊ່ວຍໃນການຖອຍຫຼັງ ແລະ ເຊັນເຊີທາງດ້ານໜ້າ ແລະ ດ້ານຫລັງ ເພື່ອໃຫ້ງ່າຍໃນການຂັບຂີ່ມີຄວາມປອດໄພດີຂຶ້ນ
ເຊັ່ນດຽວກັບເບາະນັ່ງຂອງຄົນຂັບສາມາດປັບດ້ວຍ ລະບົບໄຟຟ້າເຖິງ 8 ລະ ດັບ ແລະ
ສາມາດປັບລະດັບອາຍອຸ່ນຜ່ານຊ່ອງລະບາຍອາ ກາດເບາະຄົນຂັບໄດ້ຕາມທີ່ຕ້ອງການ.
ທ່ານອຳນວຍການກ່າວອີກວ່າ: All New Soul ລຸ້ນໃໝ່ນີ້
ມາໃນຮູບແບບຈັກກາຊວນ, ພ້ອມລະບົບເກຍ 6 ສະປີດ (ມີທັງເກຍໂອໂຕ ແລະ ເກຍກະປຸກ).
ເຊິ່ງ ຂ້າພະເຈົ້າເຊື່ອໝັ້ນວ່າ: ລົດລຸ້ນນີ້ຈະສາມາດບັນລຸເປົ້າໝາຍຈຳໜ່າຍໄດ້ໃນລາວ
ເນື່ອງຈາກວ່າລົດດັ່ງກ່າວໄດ້ມີການປ່ຽນຮູບໂຊມໃໝ່ ໂດຍການອອກແບບທີ່ຫລູຫລາທັນສະໄໝຂຶ້ນ
ແລະ ກິນນ້ຳມັນປະຢັດເປັນເລີດ 19.2 ກິໂລແມັດ/ລິດ, ພ້ອມກັບສິ່ງອຳນວຍຄວາມສະດວກອື່ນໆອີກ.
No comments:
Post a Comment