ກົມອຸຕຸນິຍົມ ແລະ ອຸທົກກະສາດໃຫ້ຮູ້ວ່າ: ສະພາບອາກາດແຕ່ວັນທີ
24-25 ກັນຍານີ້, ບໍລິເວນຄວາມກົດດັນອາກາດ ສູງຂອງອາກາດເຢັນຈະມີກຳລັງອ່ອນປົກຄຸມຢູ່ທົ່ວທຸກພາກຂອງລາວສົມທົບກັບກະແສລົມຕາເວັນອອກສ່ຽງເໜືອພັດປົກ
ຄຸມ, ຊຶ່ງລັກສະນະເຊັ່ນນີ້ ຈະເຮັດໃຫ້ອຸນຫະພູມອາກາດເຢັນລົງ, ພ້ອມມີໝອກໃນຕອນເຊົ້າ ແລະ
ຍັງຈະມີຝົນຕົກຟ້າຄະ ນອງກະຈາຍໃນລະດັບຄ່ອຍຢູ່ບາງທ້ອງຖິ່ນ. ຈາກນັ້ນທ້າຍອາທິດນີ້ສະພາບຝົນຈະຫລາຍຂຶ້ນໃນແຕ່ລະພາກ
ແລະ ຕົ້ນ ອາທິດໜ້າຝົນຈະເບົາບາງລົງ, ອຸນຫະພູມອາກາດຈະເຢັນລົງ, ພ້ອມມີໜອກບາງປົກຫຸ້ມໃນຕ້ອນເຊົ້າຫລາຍຂຶ້ນຢູ່ແຕ່ລະພາກ
ແລະ ຈະມີລົມພັດແຮງເປັນບາງໂອກາດ.
ສຳລັບອຸນຫະພູມໃນທ້າຍອາທິດນີ້ ຫາຕົ້ນອາທິດໜ້າອຸນຫະພູມໂດຍທົ່ວໄປຈະເຢັນລົງເລັກຫນ້ອຍຢູ່ແຕ່ລະພາກ,
ສະ ເພາະຢູ່ພາກເໜືອດ້ານຕາເວັນອອກ, ພູພຽງບໍລິເວນປາກຊ່ອງ, ທ່າແຕງ ແລະ ນິຄົມ 34 ອາກາດຈະໜາວເຢັນພ້ອມມີໝອກ
ບາງປົກຄຸມໃນຕອນເຊົ້າ. ສ່ວນສະພາບຝົນໃນທ້າຍອາທິດນີ້ຈະມີຝົນຕົກຟ້າຄະນອງໃນລະດັບຄ່ອຍຢູ່ບາງທ້ອງຖິ່ນຂອງ
ແຂວງພາກເໜືອດ້ານຕາເວັນຕົກ ແລະ ພາກໃຕ້. ໃນວັນທີ 26-27 ກັນຍານີ້, ຈະມີຝົນຕົກຫລາຍຂຶ້ນຢູ່ແຕ່ລະພາກໃນລະດັບ
ຄ່ອຍຫາປານກາງ. ຈາກນັ້ນໃນວັນທີ 28-30 ກັນຍາ 2014, ຈະມີຝົນຕົກຟ້າຄະນອງເບົາບາງລົງ, ຍ້ອນບໍລິເວນຄວາມກົດ
ດັນອາກາດສູງເຮັດໃຫ້ມີທ່າອ່ຽງເພີ່ມກຳລັງແຮງແຜ່ລົງມາປົກຄຸມຢູ່ທົ່ວທຸກພາກຂອງລາວ.
ສຳລັບສະພາບຝົນໃນຕົ້ນອາທິດທີ່ຜ່ານມາມີຝົນຕົກຟ້າຄະນອງກະຈາຍໃນລະດັບຄ່ອຍຢູ່ບາງທ້ອງຖິ່ນໃນແຕ່ລະພາກ.
ຈາກນັ້ນທ້າຍອາທິດໄດ້ມີຝົນຕົກຟ້າຄະນອງຫລາຍຂຶ້ນໃນລະດັບຄ່ອຍຫາປານກາງ ແລະ ຕົກໜັກຢູ່ບາງທ້ອງຖິ່ນຂອງແຂວງ
ພາກເໜືອຫາພາກກາງ, ເຊິ່ງປະລິມານນ້ຳຝົນໄລຍະ 24 ຊົ່ວ ໂມງ ຂອງວັນທີ 18 ກັນຍານີ້, ທີ່ສະຖານນີຫລວງພະບາງແທກ
ໄດ້ 129,0 ມິນລິແມັດ.
No comments:
Post a Comment