ກອງປະຊຸມເຈົ້າໜ້າທີ່ອາວຸໂສພະລັງງານອາຊຽນ ແລະ
ບັນດາປະເທດຄູ່ເຈລະ ຈາໄດ້ໄຂຂຶ້ນໃນວັນທີ 22 ກັນຍານີ້, ຢູ່ໂຮງ ແຮມດອນຈັນພາເລດ ນະຄອນຫລວງ ວຽງຈັນ,
ພາຍໃຕ້ການ ເປັນປະທານຂອງທ່ານ ດາວວົງ ພອນແກ້ວ ຫົວໜ້າກົມນະ ໂຍບາຍ ແລະ ແຜນພະລັງງານ, ກະຊວງພະລັງງານ
ແລະ ບໍ່ແຮ່ທັງ ເປັນຫົວໜ້າຄະ ນະເຈົ້າໜ້າທີ່ອາວຸໂສພະລັງງານອາຊຽນຂອງລາວ, ເພື່ອກະກຽມເນື້ອໃນໃຫ້ແກ່ ກອງປະຊຸມລະດັບລັດຖະມົນຕີ
ພະລັງານອາຊຽນຄັ້ງທີ 32 ທີ່ຈະໄຂຂຶ້ນຢ່າງເປັ ນທາງກາໃນວັນທີ 23-24 ກັນຍານີ້, ຢູ່ນະຄອນຫລວງວຽງຈັນ, ທີ່ມີຫົວຂໍ້ວ່າ: “ເຊື່ອມໂຍງໄຟຟ້າເພື່ອຄວາມ ສົມບູນ ພູນສຸກຂອງ ອາຊຽນ ”.
ກອງປະຊຸມຄັ້ງນີ້, ຈະໄດ້ມີການທົບທວນຄືນການຈັດຕັ້ງປະຕິບັດແຜນການຮ່ວມມືກັນໃນໄລຍະຜ່ານມາ,
ໂດຍສະເພາະ ບົດລາຍງານຂອງຫົວໜ້າເຈົ້າໜ້າທີ່ອາວຸໂສກ່ຽວກັບການປະຕິບັດໂຄງການຕ່າງໆໃນໜຶ່ງປີຜ່ານ
ມາວ່າມີໜ້າວຽກໃດມີຜົນສຳ ເລັດ ແລະ ຍັງມີຂອດວຽກອັນໃດທີ່ຈະຕ້ອງໄດ້ສືບຕໍ່ຈັດຕັ້ງປະຕິບັດ
ແລະ ມີວຽກງານດ້ານໃດ ແດ່ທີ່ຈະຕ້ອງໄດ້ເອົາເຂົ້າໃນ ແຜນການຮ່ວມມືໃນຕໍ່ໜ້າ, ນອກຈາກນີ້, ສປປ
ລາວ, ຍັງໄດ້ສະເໜີຫົວຂໍ້ກ່ຽວກັບການຮ່ວມມືພັດທະນາພະລັງງານຂອງ
ຕົນໄລຍະປີ 2015-2020, ພ້ອມໄດ້ຕີລາຄາ
ຄືນບົດລາຍງານຂອງໜ່ວຍງານລະບົບສາຍສົ່ງໄຟຟ້າແຮງສູງເຊື່ອມຕໍ່ແຕ່ລະປະ ເທດ, ໜ່ວຍງານນ້ຳມັນ,
ໜ່ວຍງານພະລັງງານນິວເຄຼຍ ແລະ ອື່ນໆ. ພ້ອມນີ້ກໍມີການຫາລືລະຫວ່າງເຈົ້າໜ້າທີ່ອາວຸໂສພະລັງ
ງານອາຊຽນ+3 (ສປ ຈີນ, ສ.ເກົາຫລີ ແລະ ຍີ່ປຸ່ນ) ໄດ້ລົງເລິກໃສ່ການສະຫລຸບການຈັດຕັ້ງປະຕິບັດ
ການຮ່ວມມືໃນໄລຍະ ໜຶ່ງປີຜ່ານມາ ແລະ ກຳນົດແຜນການຮ່ວມມືກັນໃນຕໍ່ໜ້າ, ເຊິ່ງຈະໄດ້ເນັ້ນໃສ່ການເຝິກອົບຮົມ,
ແລກປ່ຽນ ບົດຮຽນໃຫ້ກັບ ເຈົ້າໜ້າທີ່ວິຊາການດ້ານຕ່າງໆເປັນຕົ້ນ: ການນຳໃຊ້ພະລັງງານນິວເຄຼຍເພື່ອຜະລິດໄຟຟ້າ,
ການສະສົມຄັງນ້ຳມັນ, ແກ້ສ, ຄວາມ ປອດໄພໃນດ້ານການສະໜອງພະລັງງານ ແລະ ການປະຢັດພະລັງ ງານຈາກການຜະລິດເຊື້ອໄຟ,
ເຊິ່ງເຫັນວ່າການໃຊ້ພະລັງ ງານດັ່ງກ່າວໄດ້ປ່ອຍອາຍກາກໂບ ນິກສູ່ຊັ້ນບັນຍາກາດຂອງໂລກ ຫລາຍຈົນເກີດເປັນພາວະອາຍ
ພິດເຮືອນແກ້ວໂລກຮ້ອນ ແລະ ເຮັດໃຫ້ສະພາບອາກາດມີການ ປ່ຽນແປງຈົນເກີດໄພທຳມະຊາດຂົ່ມຂູ່ໂລກພວກເຮົາຢ່າງຮ້າຍ
ແຮງໃນຫລາຍປີມານີ້.
ທ່ານຫົວໜ້າເຈົ້າໜ້າທີ່ອາ ວຸໂສພະລັງງານອາຊຽນລາວ
ກ່າວວ່າ: ສຳລັບການເຊື່ອມ ໂຍງລະບົບສາຍສົ່ງໄຟຟ້າໃນ ກອບ ອາຊຽນນີ້, ຜ່ານມາກໍໄດ້ມີການສຶກສາ
ແລະ ສຳຫລວດ ຫລາຍຮູບແບບ, ແຕ່ກໍຍັງບໍ່ໄດ້ມີ ການເຊື່ອມຈອດກັນກວ້າງ ຂວາງ ເທົ່າທີ່ຄວນ, ເຊິ່ງມີພຽງບາງປະເທດໃກ້ຄຽງທີ່ໄດ້ຈັດ
ຕັ້ງປະຕິບັດ ເຊັ່ນ: ລາວ-ໄທ, ໄທ- ມາເລເຊຍຫລືມາເລເຊຍ-ສິງກະ ໂປ, ສະນັ້ນ, ກອງປະຊຸມຄັ້ງນີ້
ແມ່ນຈະໄດ້ຢ້ຳຄືນການປະຕິບັດແຜນງານເຊື່ອມຈອດພະລັງງານອາຊຽນໃຫ້ກວ້າງຂວາງກວ່າ ເກົ່າ, ໂດຍເລີ່ມຈາກການປຶກສາ
ຫາລືຂອງ 4 ປະເທດຄື: ລາວ, ໄທ, ມາເລເຊຍ ແລະ ສິງກະໂປ ເພື່ອເອົາບົດຮຽນຕົວຈິງຂອງການ ຮ່ວມມືໃນໄລຍະຜ່ານມາ,
ມາສຶກສາຄົ້ນຄວ້າວ່າມີຂໍ້ສະ ດວກ ແລະ ຫຍຸ້ງຍາກແນວໃດ ເພື່ອສະເໜີຕໍ່ກອງປະຊຸມລະດັບລັດ ຖະມົນຕີພະລັງງານອາຊຽນມີຄຳເຫັນ
ແລະ ພິຈາລະນາໃນ ການລິເລີ່ມການເຊື່ອມຈອດໂຄງຂ່າຍໄຟຟ້າໃນບັນດາປະເທດ ພາກພື້ນອາຊຽນໃນຕໍ່ໜ້າໃຫ້ບັນລຸຜົນສຳເລັດ.
No comments:
Post a Comment